scorecardresearch

Premium

Video : पुण्यात आज ‘नो हॉर्न डे’, हॉर्न न वाजवण्याचं वाहनचालकांना आवाहन

सकाळी साडेआठ वाजेपासून पुण्यातील तीस चौकांमध्ये उभं राहून…

Video : पुण्यात आज ‘नो हॉर्न डे’, हॉर्न न वाजवण्याचं वाहनचालकांना आवाहन

वाहनचालकांनी शक्य तितका हॉर्नचा वापर टाळावा, हॉर्न वाजवू नये हा संदेश देण्यासाठी आज(दि.12) पुण्यात नो हॉर्न डे पाळला जात आहे. हा उपक्रम सकाळी साडेआठ वाजेपासून सुरू झाला असून पुण्यातील तीस चौकांमध्ये उभं राहून लोकांमधे जागृती करण्याचा प्रयत्न केला जात आहे.

‘लाइफ सेव्हिंग फाउंडेशन’तर्फे हा उपक्रम राबवला जात असून पुण्यातील वाहतूक हास्य क्लबचे ज्येष्ठ नागरिक, आय टी प्रोफेशनल्स, विद्यार्थी आणि वाहतूक पोलीस या उपक्रमात सहभागी झालेत. पुण्यात जवळपास ३७ लाखांहून अधिक वाहनांची नोंद आहे. त्यामुळे विनाकारण हॉर्न वाजवल्यास निर्माण होणारा गोंगाट, हॉर्नचा कर्णकर्कश्श आवाज यामुळे अनेकांना शारिरीक व्याधी आणि समस्या जडतायेत. हे रोखण्यासाठी नो हॉर्न डे पाळला जात आहे. वाहनचालकांना गरज नसल्यास हॉर्न वाजवू नका, असे आवाहन करीत संस्थेचे कार्यकर्ते जागृती करीत आहेत. या उपक्रमास खासगी कॅबचालक, रिक्षा संघटना, काही डॉक्‍टर संघटना, मेडिकलचालक विविध महाविद्यालयांनीही पाठिंबा दिला.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pune no honking day life saving foundation sas

First published on: 12-12-2019 at 13:42 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×