पुणे जिल्ह्यात पुढील २४ तासांसाठी पावसाचा रेड अलर्ट

पुण्यातील एस.पी.कॉलेजच्या मैदानावर पंतप्रधान नरेंद्र मोदी यांच्या उपस्थितीत उद्या शिवाजीनगर न्यायालय ते मंडईपर्यंतच्या मेट्रोचे तसेच यासह जवळपास १५ प्रकल्पांचे उद्घाटन आणि भूमिपूजन केले जाणार आहे. मात्र आज सकाळपासून शहरात जोरदार पावसाने हजेरी लावली असून पंतप्रधान नरेंद्र मोदी यांचा ज्या ठिकाणी कार्यक्रम होणार आहे त्या ठिकाणी देखील जोरदार पाऊस सुरू आहे. यामुळे प्रशासनाकडून मैदानांवर पाणी साचू नये, कार्यक्रम पार पाडला जावा यासाठी विशेष उपाययोजना करण्यात येत आहेत.