पुण्यातील रेल्वे प्रवाशाच्या मृत्यूला कारणीभूत ठरणारा फटका टोळीचा गुंड अटकेत, प्रवाशाच्या हातावर मारला होता फटका

आकाश मनोहर जाधव असे अटक चोरट्याचे नाव आहे. त्याच्याकडून चोरीचा महागडा मोबाईल पोलिसांनी जप्त केला आहे. प्रभास उर्फ राघव जगदीश भणगे असे मृत प्रवासीचे नाव आहे. हा प्रवासी मुंबईत राहतो. पुणे येथे एका बँकेत नोकरी करतो. होळीसाठी तो मुंबईत घरी आला होता. दुसऱ्या दिवशी कामावर जाण्यासाठी तो इंटरसिटी एक्सप्रेसने प्रवास करत होता. विठ्ठलवाडी रेल्वे स्थानकाजवळ एक्सप्रेसचा वेग कमी होताच, रेल्वे मार्गाच्या बाजुला उभ्या असलेल्या आरोपी आकाशने प्रभासच्या हातावर जोरदार फटका मारला. त्याचा तोल गेल्याने तो रेल्वे मार्गात पडून मरण पावला होता. कल्याण लोहमार्ग पोलीस याप्रकरणाचा तपास करत होते.

आणखी वाचा

डोंबिवली कचोरे येथे पेटलेला सुतळी बॉम्ब अंगावर फेकण्याच्या वादातून दोन भावांना मारहाण

Madhurima Raje : सतेज पाटील ज्यांच्यामुळे ढसाढसा रडले…

योगींचा मृत्यू बाबा सिद्दीकीसारखा झाला, तर भारताची अवस्था हमास, इस्त्राईलसारखी आणखी एक धमकीचा संदेश

…तर ऋषी कपूर यांनी आत्महत्या केली असती, नीतू कपूर यांनी लेक रिद्धिमाबद्दल बोलताना केलेलं वक्तव्य

पुण्यात पुन्हा हिट अँड रन! रस्त्यावर फटाके फोडणाऱ्याला भरधाव कारने दिली धडक; ३५ वर्षीय व्यक्तीचा जागीच मृत्यू

नवाब मलिक यांच्या जावयाचे निधन; काही दिवसांपूर्वी झाला होता गंभीर अपघात, निवडणूक काळात कुटुंबावर कोसळला दुःखाचा डोंगर

‘कोदो मिलेट’च्या सेवनाने तीन दिवसांत १० हत्तींचा मृत्यू; कारण काय? काय आहे कोदो मिलेट?

फटाके फोडण्यावरून झालेल्या वादातून ॲन्टॉप हिल येथे तरूणाची हत्या

हेही वाचा : कल्याणमध्ये शिवसेनेचे बाळ हरदास, जिजाऊचे नीलेश सांबरे यांची भेट; लोकसभा निवडणुकीसाठी सहकार्याची गळ

सोमवारी एक दृश्यचित्रफित समाज माध्यमावर प्रसारित झाली. या चित्रफितीमध्ये जहिद जैती नावाचा प्रवासी एक्सप्रेसच्या दारात उभा राहून स्वताची प्रतीमा मोबाईलमधून काढत आहे. त्याचवेळी रेल्वे मार्गाजवळ उभ्या असलेल्या एका चोरट्याने त्याच्या हातावर जोराने फटका मारला. परंतु सावध असलेल्या जहिदने मोबाईल घट्ट पकडल्याने तो चोरट्याला रेल्वे मार्गात पाडता आला नाही. या मोबाईलमध्ये फटका मारणारा चोरटा कैद झाला होता.

चित्रफितीत दिसणाऱ्या चोरट्याची पोलिसांनी ओळख पटवून त्याला उल्हासनगर येथून अटक केली होती. या अटकेतून पोलिसांनी आकाशजवळील आणखी एक महागडा मोबाईल जप्त केला. तो मोबाईल बंद होता. पोलिसांनी तो मोबाईल सुरू केल्यानंतर तो मोबाईल विठ्ठलवाडी रेल्वे स्थानकाजवळ एक्सप्रेसमधून पडून मरण पावलेल्या पुणे येथील प्रभास भणगे यांचा असल्याचे निष्पन्न झाले.

हेही वाचा : सकाळच्या डोंबिवली, कल्याण लोकल रद्द केल्याने प्रवासी संतप्त

या तपासात प्रभास यांचा मृत्यू हा एक्सप्रेसमधून पडून नव्हे तर आकाशने मोबाईल चोरीसाठी त्यांच्या हातावर जोराने फटका मारल्याने आणि प्रभास यांचा त्यावेळी तोल जाऊन ते रेल्वे मार्गात पडल्याने झाल्याचे पोलीस तपासात उघड झाले. प्रभास यांच्या मृत्यूला आकाश जाधव हा जबाबदार असल्याने पोलिसांनी त्याच्यावर कल्याण लोहमार्ग पोलीस ठाण्यात गुन्हा दाखल केला आहे.