Viral Video : आपल्या देशात असंख्य लोक दररोज रेल्वेने प्रवास करतात. लहान मुलांपासून वृद्धापर्यंत अनेक जण रेल्वेचा प्रवास सोयीस्कर समजतात. नोकरी, शिक्षण, व्यवसाय करणारे दररोज रेल्वेने प्रवास करतात. अनेकदा धावपळीत वेळ चुकते आणि रेल्वे निघून जाते अशा वेळी पुढच्या रेल्वेची किंवा लोकलची वाट पाहावी लागते. सध्या असाच एक व्हिडीओ व्हायरल होत आहे. या व्हिडीओमध्ये एक विक्रेता डोक्यावर वजनी सामान घेऊन रेल्वे पकडण्यासाठी धावत्या रेल्वेच्या मागे धावताना दिसत आहे. सध्या हा व्हिडीओ चांगलाच व्हायरल होत आहे. (a man runs to catch running train by putting his life in danger video goes viral on social media)
धावती रेल्वे पकडण्यासाठी थेट रुळावरून धावला
या व्हायरल व्हिडीओमध्ये तुम्हाला एक विक्रेता प्लॅटफॉर्मवरून रेल्वे ट्रॅकवर उडी मारताना दिसेल. डोक्यावर वजनी सामान धरून हा विक्रेता एका रेल्वे ट्रॅकवरून दुसऱ्या रेल्वे ट्रॅकवर जातो आणि धावत्या रेल्वेला पकडण्याचा प्रयत्न करतो. एका हाताने डोक्यावरील सामान पकडून तो मोठ्या हुशारीने धावत्या रेल्वेच्या डब्यात चढताना दिसतो. हा व्हिडीओ पाहून कोणाच्याही अंगावर काटा येईल. हा विक्रेता जबाबदारीमुळे धावत्या रेल्वेच्या मागे धावताना दिसतो पण त्यासाठी जीव धोक्यात टाकणे खूप चुकीचे आहे. अनेकदा आयुष्यात जबाबदारीमुळे पैसा कमावणे खूप महत्त्वाचे असते पण त्यासाठी एकदा मिळालेलं आयुष्य धोक्यात टाकू नये.
पाहा व्हायरल व्हिडीओ
Pooja_1010 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “त्याच्यावर घराची जबाबदारी असती तर त्याने जीव धोक्यात घालून चालत्या ट्रेनच्या मागे धावला नसता. डोकं नसेल तर पगडी कुठे घालणार? ही जगातील शेवटची ट्रेन नाही.” तर एका युजरने लिहिलेय, “जबाबदारी नाही तर मुर्खपणा आहे” आणखी एका युजरने लिहिलेय, “खरंय” अनेक युजर्सनी हा व्हिडीओ पाहून संताप व्यक्त केला आहे. यापूर्वी सुद्धा सोशल मीडियावर असे अनेक व्हिडीओ व्हायरल झाले आहेत ज्या व्हिडीओमध्ये लोक जीव धोक्यात टाकून रेल्वे पकडताना किंवा रेल्वेच्या डब्यात चढताना दिसतात.
