Viral Video: बाप-लेकीचं नातं नेहमीच खूप खास समजलं जातं. बाप गरीब असो वा श्रीमंत; तो आपल्या लेकीला नेहमीच तळहाताच्या फोडाप्रमाणे जपतो, असं म्हणतात. एखाद्या मुलीवर तिच्या वडिलांएवढे प्रेम जगात कोणीच करू शकत नाही. त्याशिवाय मुलीदेखील आपल्या वडिलांना खूप जीव लावतात. त्यांच्यासाठी अनेक गोष्टी करतात, वडिलांनी दिलेली प्रत्येक गोष्ट मुलीसाठी खूप खास आणि लाखमोलाची असते. आता व्हायरल होणाऱ्या व्हिडीओमध्येदेखील असंच काहीतरी पाहायला मिळत आहे, जे पाहून तुम्हीही भारावून जाल.
बाबा कामावर गेले की, ते घरी परत कधी येणार याची लहान मुलं खूप आतुरतेनं वाट पाहतात. आता व्हायरल होणाऱ्या व्हिडीओतही असंच काहीतरी पाहायला मिळत आहे. या व्हिडीओतील चिमुकलीचा हा गोड व्हिडीओ सध्या सोशल मीडियावर खूप व्हायरल होत असून, नेटकरीही त्यावर अनेक कमेंट्स करताना दिसत आहेत.
या व्हायरल व्हिडीओमध्ये तुम्ही पाहू शकता की, एक लहान गोड चिमुकली कामावर गेलेल्या बाबांची वाट पाहत असून, यावेळी तिची आई तिला पप्पा आले, असं सांगते. हे ऐकून ती दाराजवळ जाते आणि पप्पा, अशी हाक मारून स्वतःच्या डोळ्यांवर हात ठेवून आनंद व्यक्त करते. त्यानंतर ती एका कोपऱ्यात जाऊन लपते. बाबा जवळ येत असल्याचे दिसताच डोळ्यांवर हात ठेवून लपण्याचा प्रयत्न करते. त्यानंतर तिचे बाबा तिला उचलून, तिचे चुंबन घेतात. बाप-लेकीच्या प्रेमाचा हा व्हिडीओ सध्या खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @babyviha30 या अकाउंटवरून शेअर करण्यात आला असून, त्याला आतापर्यंत जवळपास सात दशलक्षांहून अधिक व्ह्युज आणि लाखो लाइक्सही मिळाल्या आहेत. त्याशिवाय त्यावर अनेक युजर्स कमेंट्स करताना दिसत आहेत. एका युजरने लिहिलंय, “मुलीनं डोळ्यांत पाणी आणलं खरंच .” तर आणखी एकानं लिहिलंय, “किती गोड मुलगी आहे.” आणखी एकानं लिहिलंय, “सांगा कसा रडणार नाय बाप, लेकीच्या लग्नाच्या वेळेस”. आणखी एका व्यक्तीनं लिहिलंय, “किती वेळा पाहिलं तरी मन भरत नाही.”
