06 July 2020

News Flash

स्वाभिमानीचा ऊसदरासाठी नववर्षारंभी साता-यात मोर्चा

स्वाभिमानी शेतकरी संघटनेने ऊसदरासाठी केलेल्या आंदोलनाच्या रेटय़ामुळे केंद्र व राज्य शासनाची मदत साखर कारखान्यांना मिळणार आहे. मात्र, कारखानदार मदत आमच्यापर्यंत पोचली नसल्याचे सांगत आहेत.

| December 19, 2013 02:08 am

स्वाभिमानी शेतकरी संघटनेने ऊसदरासाठी केलेल्या आंदोलनाच्या रेटय़ामुळे केंद्र व राज्य शासनाची मदत साखर कारखान्यांना मिळणार आहे. मात्र, कारखानदार मदत आमच्यापर्यंत पोचली नसल्याचे सांगत आहेत. ती मदत कशी मिळवायची, ही त्यांची जबाबदारी आहे. केंद्रात आणि राज्यात कारखानदारच सत्तेत आहेत. त्यांनी ती मदत मिळवावी. १२ टक्के साखर उता-याला एफआरपीप्रमाणे २ हजार ६५० रुपये सरासरी मिळतात. ते मिळण्यासाठी आम्ही साखर आयुक्तांकडे दाद मागणार आहोत. एकरकमी २ हजार ६५० ही आमची मागणी आहे. त्यासाठी आम्ही १ जानेवारीला सातारा जिल्हाधिकारी कार्यालयावर मोर्चा काढणार आहोत, अशी माहिती स्वाभिमानी शेतकरी संघटनेचे प्रदेशाध्यक्ष सदाभाऊ खोत यांनी दिली.
कराड वकील संघटनेचे अध्यक्ष अ‍ॅड. सयाजीराव पाटील यांच्यातर्फे स्वाभिमानी शेतकरी संघटनेला आर्थिक मदत सुपूर्द करण्याचा तसेच, ऊसदर आंदोलनादरम्यान अटक झालेल्या कार्यकर्त्यांचा सत्कार वकील संघटनेमध्ये करण्यात आला. संघटनेचे उपाध्यक्ष अ‍ॅड. शशिकांत मोहिते, सचिव हरिश्चंद्र काळे यांच्यासह वकील, कार्यकर्ते उपस्थित होते.
सदाभाऊ खोत म्हणाले, की सर्वसामान्य शेतक-यांना न्याय मिळण्यासाठी आम्ही आंदोलने केली. त्याचे फळ शेतक-यांना मिळत आहे. मात्र, पोलिसांनी शेतक-यांना व त्यांच्या मुलांना अमानुषणे मारहाण करून त्यांना अटक केली. कराडच्या वकिलांनी आमच्या कार्यकर्त्यांंना मोफत सोडले. जनतेतील सर्व स्तरातील लोकांचा पाठिंबा आमच्या आंदोलनाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2013 2:08 am

Web Title: swabhimanis front for sugarcane rate in satara
Next Stories
1 मच्छिंद्र वराळला २१ पर्यंत कोठडी
2 बंदोबस्ताशिवाय पाणी सोडण्यास आटपाडीत पाटबंधारे विभागाचा नकार
3 महापौरपदासाठी काँग्रेस आघाडीतही संघर्ष?
Just Now!
X