News Flash

कोटक बँकेच्या खात्यातील व्यवहार फेसबुक, ट्विटरमार्फत

खासगी क्षेत्रातील आघाडीच्या कोटक मिहद्र बँकेनेही सोशल नेटवर्किंग साइटचे व्यासपीठ जोपासले आहे. बँकेने नवे चालू खाते उत्पादन सादर करताना ग्राहकांना त्यातील जमा रक्कम आदी हाताळण्याची

| March 27, 2014 12:07 pm

खासगी क्षेत्रातील आघाडीच्या कोटक मिहद्र बँकेनेही सोशल नेटवर्किंग साइटचे व्यासपीठ जोपासले आहे. बँकेने नवे चालू खाते उत्पादन सादर करताना ग्राहकांना त्यातील जमा रक्कम आदी हाताळण्याची संधी या दोन संकेतस्थळावर उपलब्ध करून दिली आहे. या व्यासपीठावरील कोटक बँकेच्या २१ हून अधिक सेवांचा लाभ खातेदारांना घेता येईल, अशी माहिती बँकेच्या ग्राहक विभागाचे प्रमुख के. व्ही. एस. मनियन यांनी बुधवारी मुंबईत सांगितले. यासाठी खास ‘जिफी’ असे नाव खाते उत्पादनाला देण्यात आले आहे. देशातील मुंबई-पुण्यासह ११ शहरांमध्ये हा उपक्रम सुरू होत आहे. फेसबुक अथवा ईमेलद्वारे हे खाते सुरू करता येईल. या खात्यासाठी किमान ठेवण्याची सक्ती नसून ५,००० रुपयांद्वारे हे खाते सुरू करता येईल. खात्यात २५ हजार रुपयांवर रक्कम झाल्यास ती आपोआपच मुदत ठेव म्हणून बाजूला केली जाईल. फेसबुकद्वारे खाते हाताळण्याची सुविधा बँकिंग क्षेत्रात ‘आयसीआयसीआय’ या खासगी बँकेने सुरू केली होती. तर अ‍ॅक्सिस बँकेप्रमाणे ‘ई-केवायसी’ सुविधाही कोटक महिंद्र लवकरच सुरू करण्याच्या तयारीत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 27, 2014 12:07 pm

Web Title: kotak mahindra bank links current accounts to twitter facebook
Next Stories
1 मामुली फेरफारासह जुनाच प्रस्ताव ‘सहाराश्री’कडून न्यायालयात सादर; जामीन अर्जावर आज सुनावणी
2 अर्थमंत्री म्हणतात.. निर्देशांकांची उच्चांकी उसळी ही यूपीए सरकारच्या कामगिरीची पावती!
3 ‘टोयोटा’ची टाळेबंदी उठली; मात्र उत्पादन कंत्राटी कामगारांद्वारे
Just Now!
X