बाजारात घबराट; महागाईच्या चिंतेने

अमेरिकेत महागाई दराने ३० वर्षांतील उच्चांकी पातळी गाठली आहे. महागाई दर वार्षिक आधारावर ६.२ टक्क्यांवर पोहोचल्याने अमेरिकी मध्यवर्ती बँकेकडून आधीच्या अंदाजापेक्षा खूप लवकरच व्याजदरात वाढ केली जाणे अपेक्षित आहे.

मुंबई : भांडवली बाजारातील प्रमुख निर्देशांक सेन्सेक्स आणि निफ्टीमध्ये सलग तिसऱ्या दिवशी घसरण झाली. जागतिक महागाईची चिंता आणि परदेशी गुंतवणुकीच्या निर्गमनामुळे गुरुवारी बँकिंग, वित्त, आणि पायाभूत सुविधा कंपन्यांच्या समभागात जोरदार विक्रीचा मारा झाला.

अमेरिकेत महागाई दराने ३० वर्षांतील उच्चांकी पातळी गाठली आहे. महागाई दर वार्षिक आधारावर ६.२ टक्क्यांवर पोहोचल्याने अमेरिकी मध्यवर्ती बँकेकडून आधीच्या अंदाजापेक्षा खूप लवकरच व्याजदरात वाढ केली जाणे अपेक्षित आहे.

यामुळे बाजारात घबराट पसरून,  मुंबई शेअर बाजाराचा निर्देशांक सेन्सेक्स ४३३.१३ अंशांच्या घसरणीसह दिवसअखेर ६० हजारांखाली, ५९,९१९.६९ पातळीवर बंद झाला. तर राष्ट्रीय शेअर बाजाराचा निर्देशांक निफ्टीमध्ये १४३.६० अंशांची घसरण झाली. हा निर्देशांकही १८ हजारांची पातळी तोडत १७,८७३.६० पातळीवर स्थिरावला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Panic in the market concerns of inflation coordinates sensex nifty akp

Next Story
सुबीर गोकर्ण यांच्या वारसदाराचा शोध सुरू व्यापार
ताज्या बातम्या