News Flash

लोकसभेसाठी एमआयएमकडून आमदार जलील यांना उमेदवारी

आमदार जलील यांनी उमेदवारी मिळाल्यानंतर मतदारसंघाचा दौरा करणार असल्याचे सांगितले.

औरंगाबाद : निवडणूक लढविली नाही तर पक्षाचे अस्तित्व कसे राहील, असा सवाल अध्यक्षांसमोर उपस्थित करत ओवेसींना सुनावल्यानंतर वंचित बहुजन आघाडीकडून औरंगाबादची जागा एमआयएमने मागून घेतली. या जागेवर आता आमदार इम्तियाज जलील यांना उमेदवारी देण्याचा निर्णय हैदराबाद येथील बैठकीत अ‍ॅड. असुद्दोदीन ओवेसी यांनी जाहीर केला. सोमवारी रात्री घेतलेल्या या निर्णयानंतर आज विमानतळावरून उमेदवार इम्तियाज जलील यांच्या स्वागतासाठी कार्यकर्त्यांनी मोठी गर्दी केली होती.

वंचित बहुजन आघाडीच्यावतीने उमेदवार असल्याने मुस्लिम आणि दलित मतांचे एकत्रीकरण होईल आणि अधिक मते मिळतील, असा एमआयएमचा दावा आहे. मात्र, वंचित बहुजन आघाडीला जेवढी मते मिळतील, तेवढे काँग्रेसच्या मतांचे विभाजन होईल आणि त्याचा लाभ युतीच्या उमेदवाराला होईल, असे गणित सांगितले जात आहे. आमदार जलील यांनी उमेदवारी मिळाल्यानंतर मतदारसंघाचा दौरा करणार असल्याचे सांगितले. प्रचारासाठी ओवेसी यांच्या औरंगाबाद येथे सभाही होणार असल्याचे सांगण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 27, 2019 3:01 am

Web Title: mim mla imtiyaz jaleel to contest lok sabha poll from aurangabad
Next Stories
1 निवडणूकही भयछायेत
2 शिवसेनेच्या प्रचार कार्यालयात खैरे यांच्या नशिबाची चर्चा!
3 अपक्ष लढण्यावर सत्तार ठाम
Just Now!
X