News Flash

आपच्या दोन आमदारांना कॅनडात प्रवेश नाकारला, विमानतळावरूनच भारतात धाडले

रविवारी कॅनडातील ओटावा विमानतळावर हा प्रकार घडला. आप आमदार कुलतारसिंग रंधवा आणि अमरजीतसिंग संदोआ यांना ओटावा विमानतळावर ताब्यात घेतले.

आप आमदार कुलतारसिंग रंधवा आणि अमरजीतसिंग संदोआ यांना ओटावा विमानतळावर ताब्यात घेतले.

पंजाबचे आम आदमी पक्षाच्या दोन आमदारांना कॅनडात प्रवेश करण्यापासून रोखण्यात आले. रविवारी कॅनडातील ओटावा विमानतळावर हा प्रकार घडला. आप आमदार कुलतारसिंग रंधवा आणि अमरजीतसिंग संदोआ यांना ओटावा विमानतळावर ताब्यात घेतले. चौकशीनंतर त्यांना पुन्हा भारतात पाठवण्यात आले. परंतु, कॅनडाकडून हा प्रकार का करण्यात आला हे अद्याप समजलेले नाही.

कुलतारसिंग रंधवा हे कोटकपुरा आणि अमरजित रोपड मतदारसंघाचे प्रतिनिधीत्व करतात. सूत्रांकडून मिळालेल्या माहितीनुसार दोन्ही आमदार हे सुटीसाठी कॅनडाला गेले होते. परंतु, रविवारी त्यांना ओटावा विमानतळावर उतरवण्यात आले आणि पोलिसांनी त्यांना ताब्यात घेतले.

दोन्ही आमदारांची पोलिसांनी चौकशी केली. चौकशीनंतर पोलिसांनी त्यांना सोडून दिले. पण त्यांना पुन्हा भारतात पाठवण्यात आले. दरम्यान, दोन्ही आमदार नेहमी चर्चेत असतात. अमरजित यांच्यावर मारहाणीचे प्रकरण सुरू आहे. त्याचबरोबर त्यांचे नाव गुंडांबरोबरही जोडले जाते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 23, 2018 12:09 pm

Web Title: canada authority prevented two aap mla for enter into country
Next Stories
1 देशाबाबतचा विनोद गुजरात विद्यापीठाला झोंबला, कुणाल काम्राचा कॉमेडी शो रद्द
2 पती- पत्नीच्या भांडणात मुलीचा बळी, महिलेने केली १२ वर्षांच्या मुलीची हत्या
3 मुस्लिमांपेक्षा गायी जास्त सुरक्षित – शशी थरुर
Just Now!
X