News Flash

ओडिशा : पोस्टमनला ‘करोना’ची लागण, हजारो नागरिकांना ‘सेल्फ क्वारंटाइन’ होण्याचे आदेश

त्या पोस्टमनने लॉकडाउनच्या दहा दिवसांमध्ये गौतम नगर, सत्र न्यायालय यांसारख्या दररोज वकील किंवा पोलिसांची गर्दी असलेल्या ठिकाणी पत्रांचं वाटप केलं...

(सांकेतिक छायाचित्र)

देशात दिवसेंदिवस करोना व्हायरसचा फैलाव वाढत असून आता ओडिशामध्ये एका पोस्टमनला करोनाची लागण झाल्याचं समोर आलं आहे. पोस्टमनला करोनाची लागण झाल्याचं स्पष्ट झाल्यानंतर ओडिशा सरकारने भुवनेश्वरमधील हजारो नागरिकांना ‘सेल्फ क्वारंटाइन’ होण्याचे आदेश दिले आहेत.

हिंदुस्थान टाइम्सने याबाबत वृत्त दिलं आहे. करोनाची लागण झालेला पोस्टमन १० मार्च रोजी दिल्लीहून परतला होता. संबंधित पोस्टमन बीजीबी नगर सब-पोस्ट ऑफिसमध्ये कार्यरत असल्याची माहिती भुवनेश्वरचे महानगरपालिका आयुक्त पी.सी. चौधरी यांनी दिली. “संबंधित पोस्टमनने लॉकडाउनच्या दहा दिवसांमध्ये गौतम नगर, सत्र न्यायालय यांसारख्या दररोज वकील किंवा पोलिसांची गर्दी असलेल्या भागांमध्ये पत्रांचं वाटप केलं आहे. त्यामुळे त्या पोस्टमनशी संपर्कात आलेल्या संबंधित परिसरातील नागरिकांनी स्वतःला क्वारंटाइन करावे, त्यांनी घराबाहेर पडू नये. तसेच शक्य असल्यास १०४ क्रमांकावर संपर्क साधून स्वतःची नोंदणीही करावी”, असं आवाहन पी.सी. चौधरी यांनी केलं आहे.

दुसरीकडे, पुरी जिल्हा प्रशासनाने शनिवारी भुवनेश्वरपासून जवळच असलेले पोस्टमनचे गाव सील केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 6, 2020 10:07 am

Web Title: covid 19 odisha postman tests positive government asks thousands to self quarantine sas 89
टॅग : Coronavirus
Next Stories
1 मोदींच्या आवाहनाला अंबांनी कुटुंबीयांनी असा दिला प्रतिसाद
2 ‘चायनीज व्हायरस गो बॅक’, भाजपा आमदाराने समर्थकांसोबत काढली मशाल रॅली
3 “तेव्हा या घोषणेने करोना जाईल का विचारलं आणि आज…”; आठवलेंनी करुन दिली ‘गो करोना…’ची आठवण
Just Now!
X