आशाकुमारी यांचा राजीनामा देण्यास नकार

काँग्रेस पक्षाच्या अध्यक्षा सोनिया गांधी यांचा आपल्याला पूर्ण पाठिंबा असल्याचे आशाकुमारी म्हणाल्या.

काँग्रेसच्या पंजाब प्रभारी आशा कुमारी यांनी सोमवारी नवी दिल्लीत पदभार स्वीकारला

 

सोनिया गांधी यांचा पाठिंबा असल्याचा दावा

जमीन बळकावण्याच्या प्रकरणावरून वादाच्या भोवऱ्यात सापडलेल्या पंजाब काँग्रेसच्या प्रभारी आशाकुमारी यांनी सोमवारी राजीनाम्याची मागणी सपशेल फेटाळली. काँग्रेस पक्षाच्या अध्यक्षा सोनिया गांधी यांचा आपल्याला पूर्ण पाठिंबा असल्याचे आशाकुमारी म्हणाल्या.

आशाकुमारी यांची पंजाब काँग्रेसच्या सचिव म्हणून नियुक्ती करण्यात आल्याने काँग्रेस पक्ष चांगलाच अडचणीत सापडला आहे, आशाकुमारी यांनी पक्षाध्यक्षा सोनिया गांधी यांची भेट घेऊन भाजप, आप आणि शिरोमणी अकाली दल निर्थक वाद निर्माण करीत असल्याचे म्हटले आहे. कोणत्याही परिस्थितीत आपण राजीनामा देणार नाही, असे त्यांनी यावेळी वार्ताहरांना ठामपणे सांगितले.

पंजाबमध्ये पक्षासाठी काम करावे यासाठी सोनिया गांधी आणि उपाध्यक्ष राहुल गांधी यांचा आपल्याला पाठिंबा दिला आहे. आशाकुमारी या हिमाचल प्रदेशचे मुख्यमंत्री वीरभद्रसिंह यांच्या नातेवाईक आहेत. जमीन बळकावण्याच्या प्रकरणात त्या दोषी असल्याचे प्रकरण उघड झाल्याने मोठा वाद निर्माण झाला आहे. त्यांना कारावासाची शिक्षा ठोठावण्यात आली असून सध्या त्या जामिनावर सुटल्या आहेत. त्यांच्या निवडीमुळे काँग्रेसच्या अडचणी वाढण्याची शक्यता वर्तविण्यात येत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Asha kumari rejected to give resignation

ताज्या बातम्या