scorecardresearch

Premium

“लोकसभेत माझे प्रश्न मी विचारत नाही”, महुआ मोईत्रांवरील कारवाईनंतर जेडीयू खासदाराचं वक्तव्य; ओम बिर्लांकडून कारवाईचा इशारा

तृणमूल काँग्रेसच्या खासदार महुआ मोईत्रा यांनी लोकसभेत प्रश्न विचारण्यासाठी दोन कोटी रुपयांची लाच आणि महागड्या भेटवस्तू घेतल्याचा त्यांच्यावर आरोप करण्यात आला होता.

Giridhari Yadav
महुआ मोईत्रांच्या बचावासाठी जेडीयू खासदार पुढे सरसावले आहेत. (PC : Sansad TV)

तृणमूल काँग्रेसच्या खासदार महुआ मोईत्रा यांच्याशी संबंधित कॅश फॉर क्वेरी प्रकरणावरील नीतिमत्ता समितीचा अहवाल शुक्रवारी (८ डिसेंबर) लोकसभेत मांडण्यात आला. या अहवालात मोईत्रा यांना बडतर्फ करण्याची शिफारस करण्यात आली होती. महुआ मोईत्रा यांनी लोकसभेत प्रश्न विचारण्यासाठी व्यावसायिक दर्शन हिरानंदानी यांच्याकडून रोख रक्कम आणि महागड्या भेटवस्तू घेतल्याचा त्यांच्यावर आरोप करण्यात आला होता. तसेच मोईत्रा यांनी संसदेकडून दिला जाणारा लॉग-इन आयडी आणि पासवर्डही हिरानंदानी यांना दिला होता. त्यावरून हिरानंदानी यांनी अदानी समूहासंदर्भात प्रश्न उपस्थित केले होते. त्याबदल्यात मोईत्रा यांनी लाच घेतल्याचा त्यांच्यावर आरोप होता. भाजपा नेते निशिकांत दुबे यांनी लोकसभा अध्यक्षांकडे मोईत्रा यांची तक्रार केली. या तक्रारीची दखल घेत लोकसभा अध्यक्ष ओम बिर्ला यांनी हे प्रकरण नितीमत्ता समितीकडे पाठवलं होतं.

दरम्यान, महुआ मोईत्रा यांच्या बचावासाठी वेगवेगळे पक्ष उभे राहिले आहेत. जनता दल युनायटेडचे खासदार गिरधारी यादव यांनीदेखील लोकसभेत यावर भाष्य केलं. बिहारच्या बांका मतदार संघाचे खासदार गिरधारी यादव लोकसभा अध्यक्षांसमोर म्हणाले, माझा पीए (स्वीय सहाय्यक) लोकसभेत प्रश्न विचारतो. माझा प्रश्न मी स्वतः लिहित नाही. हे सगळं काम माझा स्वीय सहाय्यक करतो. गिरधारी यादव यांच्या या वक्तव्यानंतर ओम बिर्ला संतापले आणि त्यांनी यादव यांच्यावर कारवाई करण्याचा इशारा दिला.

sarwan singh pandher
‘आम्ही पाकिस्तानमधून नाही आलो’, पोलीस दलाच्या कारवाईनंतर शेतकरी नेत्याचे विधान
Pune BJP Nirbhay Sabha Nikhil Wagle disruption held
पुण्यात आज भययुक्त वातावरणात ‘निर्भय सभा’, सभा उधळून लावण्याचा भाजपचा इशारा; निखिल वागळे यांच्याविरुद्ध गुन्हा
dhule lok sabha election 2024, dhule loksabha bjp marathi news,
धुळ्यात भाजपमध्ये उमेदवारीसाठी चढाओढ
sanjay raut on baba siddique
“मुस्लिम समाजात फूट पाडण्याकरता…”, बाबा सिद्दीकी अजित पवार गटात जाण्याच्या शक्यतेवरून राऊतांची टीका

गिरधारी यादव म्हणाले, मला तर माझा पासवर्डसुद्धा आठवत नाही. ते सगळं काम माझ्या स्वीय सहाय्यकाकडे असतं. यावेळी मी भितीपोटी एकही प्रश्न विचारला नाही. कारण मला वाटत होतं की, काही विचारलं तर काय होईल काही सांगता येत नाही. माझा सहाय्यक माझे प्रश्न विचारतो. मी कधीच माझा प्रश्न बनवत नाही. माझ्याप्रमाणेच असे अनेक खासदार आहेत जे स्वतःचे प्रश्न स्वतः लिहित नाहीत.

हे ही वाचा >> खासदार महुआ मोईत्रा लोकसभेतून बडतर्फ; समितीचा अहवाल येताच काही तासांतच निर्णय

खासदार यादव म्हणाले, लोकशाहीत आम्हाला घाबरवलं जातंय. मला कॉम्यूटर वापरता येत नाही. मी तिसऱ्यांदा खासदार झालोय. त्याआधी चार वेळा आमदार होतो. म्हातारपणी मी हे सगळं शिकू शकतो का? या वयात हे सगळं शिकणं वगैरे मला शक्य नाही. त्यामुळे मी प्रश्नच विचारले नाहीत. आता आम्हाला हे सगळं नाही येत तर नाही येत. सर्वांसाठी वेगवेगळे कायदे कशासाठी? भाजपा मनुस्मृती लागू करण्याच्या प्रयत्नात आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jdu mp giridhari yadav says my pa asks question in lok sabha i cant use computer asc

First published on: 08-12-2023 at 19:12 IST

संबंधित बातम्या

तुम्ही या बातम्या वाचल्या आहेत का? ×