News Flash

हार्दिक पांड्या फिटनेस टेस्टमध्ये नापास, ‘भारत अ’ संघातलं स्थान गमावलं

भारतीय संघाचा अष्टपैलू क्रिकेटपटू हार्दिक पांड्याला भारत अ संघाच्या न्यूझीलंड दौऱ्यावरुन माघार घ्यावी लागणार

भारतीय संघाचा अष्टपैलू क्रिकेटपटू हार्दिक पांड्याला भारत अ संघाच्या न्यूझीलंड दौऱ्यावरुन माघार घ्यावी लागणार आहे. फिटनेस टेस्टमध्ये नापास झाल्यामुळे हार्दिक पांड्याच्या जागी तामिळनाडूच्या विजय शंकरला संधी देण्यात आलेली आहे. मिळालेल्या माहितीनुसार, न्यूझीलंड दौऱ्यासाठी भारतीय संघ रवाना होण्याआधी हार्दिक पांड्याची फिटनेस टेस्ट घेण्यात आली, ही टेस्ट उत्तीर्ण होण्यासाठी आवश्यक असलेले गुण मिळवू न शकल्यामुळे हार्दिकला अनफिट घोषित करण्यात आलं.

भारतीय संघात आपलं स्थान टिकवायचं असेल तर खेळाडूंना यो-यो फिटनेस टेस्ट द्यावी लागते. मात्र भारत अ संघासाठी हा निकष लागू पडत नाही. तरीही हार्दिक पांड्या फिटनेस टेस्टमध्ये नापास झाल्यामुळे त्याचं आंतरराष्ट्रीय क्रिकेटमधलं पुनरागमन लांबणीवर पडण्याची शक्यता आहे. भारत अ संघ न्यूझीलंड दौऱ्यात ४ दिवसीय कसोटी आणि वन-डे सामने खेळणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 12, 2020 11:23 am

Web Title: hardik pandya excluded from india a squad for new zealand tour after failing fitness tests vijay shankar named replacement psd 91
Next Stories
1 खेलो इंडिया युवा क्रीडा स्पर्धा : अस्मीचा ‘सुवर्णचौकार’
2 ‘महाराष्ट्र केसरी’नंतरपुढे काय?
3 मर्यादित षटकांच्या संघात हार्दिकचे पुनरागमन?
Just Now!
X