News Flash

सेरेना विल्यम्स विक्रमी जेतेपद पटकावणार?

सोमवारपासून सुरू होणाऱ्या ऑस्ट्रेलियन खुल्या स्पर्धेत सहभागी होणाऱ्या महिला खेळाडूंमध्ये सेरेना विल्यम्स आणि अन्य खेळाडू अशी स्पष्ट विभागणी झाली आहे.

| January 11, 2014 04:59 am

सोमवारपासून सुरू होणाऱ्या ऑस्ट्रेलियन खुल्या स्पर्धेत सहभागी होणाऱ्या महिला खेळाडूंमध्ये सेरेना विल्यम्स आणि अन्य खेळाडू अशी स्पष्ट विभागणी झाली आहे. सेरेना विल्यम्स ३२ वर्षांची आहे तर बाकी सगळ्या खेळाडू तिशीच्या आतल्या आहेत. टेनिसच्या दृष्टीने आणि विशेषत: महिला टेनिसचा विचार करता सेरेनाचे वय जेतेपदासाठी प्रतिकूल असे, मात्र तरीही सेरेना विल्यम्सच जेतेपदासाठी प्रबळ दावेदार आहे. तिशीतही अफाट ऊर्जेसह झंझावाती खेळ करणारी सेरेनाने सलग २२ सामने जिंकली आहे. ही विजयी परंपरा कायम राखत ऑस्ट्रेलियन खुल्या स्पर्धेचे सहा तर कारकिर्दीतील विक्रमी अठरावे जेतेपद पटकावण्यासाठी सेरेना सज्ज झाली आहे.
नुकत्याच झालेल्या ब्रिस्बेन स्पर्धेचे जेतेपद पटकावत सेरेनाने जेतेपदांची भूक कायम असल्याचे दाखवून दिले आहे. गेल्या वर्षी फ्रेंच खुल्या स्पर्धेच्या जेतेपदानंतर सेरेनाने अमेरिकन खुल्या स्पर्धेचे जेतेपदही पटकावले होते. दुखापतीनंतर तडफदार पुनरामगन करणारी सेरेना अन्य खेळाडूंसाठी जेतेपदातला मुख्य अडसर आहे. याआधी २००३, २००५, २००७, २००९ आणि २०१० मध्ये सेरेनाने या स्पर्धेचे जेतेपद नावावर केले होते. यंदा ही स्पधा जिंकत मार्टिना नवरातिलोव्हा आणि ख्रिस इव्हर्ट यांच्या १८ ग्रँडस्लॅम जेतेपदांच्या विक्रमाची बरोबरी करण्याची सेरेनाला संधी आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 11, 2014 4:59 am

Web Title: serena williams closing in on all time major winning record ahead of australian open
टॅग : Serena Williams,Tennis
Next Stories
1 बोपण्णा-कुरेशीची अंतिम फेरीत धडक
2 हॉकी इंडिया लीग : सलामीलाच भारताची हाराकिरी, इंग्लंडकडून ०-२ ने पराभूत
3 महाराष्ट्राचा संघ रणजीच्या उपांत्यफेरीत दाखल; मुंबईचा पराभव