scorecardresearch

Premium

IND vs AUS: ‘मिस्टर ३६०’ फॉर्ममध्ये परतला, एकदिवसीय क्रिकेटमध्ये सूर्यकुमारने झळकावले तिसरे अर्धशतक; श्रेयस अय्यरचे स्थान धोक्यात

India vs Australia 1st ODI: पहिल्या सामन्यात भारताने ऑस्ट्रेलियाचा ५ विकेट्सने पराभव केला होता. या सामन्यात सूर्यकुमार यादवने शानदार अर्धशतक झळकावले. त्याच्या या खेळीने श्रेयसचे संघातील स्थान धोक्यात आले आहे.

Suryakumar Yadav's luck will change in one innings Shreyas Iyer's position from World Cup playing XI in danger zone
सूर्यकुमार यादवने शानदार अर्धशतक झळकावले, त्याच्या या खेळीने श्रेयसचे संघातील स्थान धोक्यात आले. संग्रहित छायाचित्र (जनसत्ता)

Suryakumar Yadav on Shreyas Iyer: भारत विरुद्ध ऑस्ट्रेलिया यांच्यातील तीन एकदिवसीय सामन्यांच्या मालिकेतील पहिला सामना शुक्रवारी खेळला गेला. या सामन्यात सूर्यकुमार यादवने शानदार फलंदाजी करत वन डे कारकिर्दीतील तिसरे अर्धशतक झळकावले. या सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला. यादरम्यान प्रथम फलंदाजी करण्यासाठी आलेल्या ऑस्ट्रेलियन संघाने ५० षटकांत १० गडी गमावून २७६ धावा केल्या.

जर सूर्यकुमार यादवच्या खेळीबद्दल सांगायचे झाले तर त्याने ऑस्ट्रेलियाविरुद्ध ४९ चेंडूंचा सामना करत ५० धावांची खेळी खेळली होती. ज्यामध्ये एक षटकार आणि पाच चौकारांचा समावेश होता. अनेक दिवसांपासून एकदिवसीय क्रिकेटमधील खराब कामगिरीच्या काळातून जात असलेल्या सूर्याने आपण वन डे क्रिकेटमध्ये उत्कृष्ट फलंदाज असल्याचे सिद्ध केले आहे. त्याच्या खेळीने दुखापतीतून सावरत असलेल्या श्रेयस अय्यरचे स्थान धोक्यात आले आहे. सध्या त्याच्या वाईट फॉर्ममधून जात आहे.

England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
Indian u 19 cricket team skipper uday saharan
U19 WC Final : “आमची तयारी चांगली होती, पण..”, पराभवानंतर कर्णधार उदय सहारनची प्रतिक्रिया
IND U19 vs AUS U19 ICC
IND vs AUS U19 WC Final : राज लिंबानीचा टिच्चून मारा, हरजस सिंगचं अर्धशतक, ऑस्ट्रेलियाचं भारतासमोर २५४ धावांचं आव्हान

ऑस्ट्रेलियाविरुद्धची तीन एकदिवसीय सामन्यांची मालिका टीम इंडियाच्या अनेक खेळाडूंसाठी महत्त्वाची मानली जात आहे. विश्वचषकापूर्वी पहिल्या दोन सामन्यांमध्ये वरिष्ठ खेळाडूंना विश्रांती देण्यात आली आहे. सूर्यकुमार यादवने या संधीचा फायदा घेत पहिल्या सामन्यात दमदार खेळी करत संघाच्या विजयाचा हिरो ठरला. त्याला बाहेर बसण्याचे कारण म्हणजे फलंदाज फ्लॉप झाला.

ऑस्ट्रेलिया मालिकेमुळे भारतीय संघातील काही खेळाडूंना विश्वचषकापूर्वी स्वत:ला सिद्ध करण्याची संधी मिळाली आहे. गेल्या काही सामन्यांमध्ये इशान किशनने संधीचा फायदा घेत प्लेइंग इलेव्हनमध्ये आपले स्थान पक्के केले. असाच काहीसा प्रकार आता सूर्यकुमार यादवच्या बाबतीत झाला. एकदिवसीय संघातील खराब कामगिरीमुळे टीकेचा सामना करणाऱ्या या फलंदाजाने ऑस्ट्रेलियाविरुद्धच्या वन डे मालिकेतील पहिल्या सामन्यात शानदार अर्धशतक झळकावून संघाला विजय मिळवून दिला. या खेळीमुळे बरेच काही बदलू शकते.

हेही वाचा: IND vs AUS: “आप एसी में थे, मैं गर्मी में था”, पाच विकेट्स घेतल्यानंतर मोहम्मद शमी असं का म्हणाला? जाणून घ्या

सूर्यकुमारचे नशीब बदलेल का?

गेल्या काही सामन्यांमध्ये कसोटी असो वा वन डे, सूर्यकुमार यादवला एका खेळाडूमुळे बाहेर बसावे लागले, तो म्हणजे श्रेयस अय्यर. श्रेयस अय्यरला दुखापत झाल्याने सूर्याने ऑस्ट्रेलियाविरुद्ध कसोटी पदार्पण केले. एकदिवसीय मालिकेत अय्यरच्या अनुपस्थित सूर्यकुमार यादव खेळायला आला. आता दोघांचाही समावेश ऑस्ट्रेलियाविरुद्धच्या प्लेईंग-११ मध्ये करण्यात आला होता. त्या सामन्यात जिथे श्रेयस फ्लॉप ठरला आणि सूर्याने अर्धशतक केले. यामुळे श्रेयस अय्यरचे स्थान धोक्यात आले आहे. जर आगामी दोन वन डे सामन्यात मोठी खेळी करू शकला नाही तर त्याला विश्वचषक संघातून देखील वगळले जाऊ शकते.

हेही वाचा: IND vs AUS: अक्षर पटेलची दुखापत किती गंभीर? टीम इंडिया अष्टपैलूच्या शोधात, सामन्यानंतर अश्विनचा स्पेशल Video व्हायरल

भारताने सामना जिंकला

ऑस्ट्रेलियाविरुद्धच्या पहिल्या एकदिवसीय सामन्यात भारताने नाणेफेक जिंकली. यादरम्यान प्रथम फलंदाजी करण्यासाठी आलेल्या ऑस्ट्रेलियाने ५० षटकांत १० गडी गमावून २७६ धावा केल्या. प्रत्युत्तरात या लक्ष्याचा पाठलाग करण्यासाठी आलेल्या टीम इंडियाने हा सामना पाच विकेट्स राखून जिंकला. आता या विजयासह भारतीय संघाने मालिकेत १-० अशी आघाडी घेतली आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus mr 360 returns to form suryakumar hits third fifty in odis shreyas iyers position in jeopardy avw

First published on: 23-09-2023 at 13:25 IST

संबंधित बातम्या

तुम्ही या बातम्या वाचल्या आहेत का? ×