scorecardresearch

Premium

IND vs AUS, World Cup: टीम इंडिया विश्वचषकात अडचणीत! शुबमन गिल पुढील सामन्यातूनही बाहेर होण्याची शक्यता, जाणून घ्या

IND vs AUS, World Cup: शुबमन गिल विश्वचषकाच्या भारत विरुद्ध ऑस्ट्रेलिया पहिल्या सामन्यात खेळत नाहीये. विश्वचषक २०२३मधील पुढील सामन्यातही तो खेळणार की नाही? यावर अजूनही संभ्रम आहे. तो कोणत्या सामन्यात पुनरागमन करू शकतो, जाणून घ्या.

IND vs AUS, World Cup: Team India in trouble in World Cup Shubman Gill likely to be out of the next match too know
भारताचा सलामीवीर फलंदाज शुबमन गिल ऑस्ट्रेलियाविरुद्ध खेळत नसून त्याला डेंग्यू झाला आहे. सौजन्य- (ट्वीटर)

IND vs AUS, World Cup: भारताचा सलामीवीर फलंदाज शुबमन गिल ऑस्ट्रेलियाविरुद्ध खेळत नसून त्याला डेंग्यू झाला आहे. शुबमन गिलचा ताप हा कमी झाला आहे की नाही? याची अपडेट मिळाली नाही. सध्या ज्याप्रकारच्या फॉर्ममध्ये तो आहे, ते पाहता त्याची प्लेइंग ११ मधील अनुपस्थिती हा संघासाठी मोठा धक्का मानला जात आहे. केवळ ऑस्ट्रेलियाच नाही तर गिल पुढील सामन्यातूनही बाहेर होऊ शकतो. भारताचा तिसरा सामना पाकिस्तानसोबत खेळला जाणार आहे आणि त्या सामन्यापर्यंत गिल तंदुरुस्त व्हावा अशी सर्वजण प्रार्थना करत आहेत. त्यांच्या संदर्भात नवीनतम अपडेट काय आहेत? जाणून घ्या.

ऑस्ट्रेलियाविरुद्धच्या सामन्याच्या २ दिवस आधी बातमी आली होती की शुबमन गिलला डेंग्यू झाला आहे आणि त्याला ग्लुकोजचाही त्रास होत आहे. तो सतत सराव करतो, व्यायाम करतो आणि फिटनेससाठी कठोर परिश्रम करतो, त्यामुळे असे मानले जाते की तो लवकरच बरा होईल परंतु सध्या तो प्लेइंग ११ मधून बाहेर आहे. ऑस्ट्रेलियाविरुद्धचा सामना महत्त्वाचा आहे पण हे सुरुवातीचे टप्पे आहेत आणि तो लवकरात लवकर परतावा अशी सर्वजण प्रार्थना करत आहेत. आता संघ व्यवस्थापनाकडून माहिती अशी येत आहे की, ११ ऑक्टोबरला अफगाणिस्तानविरुद्धही खेळणे त्यांच्यासाठी कठीण आहे.

India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
IND VS AUS U19 ICC (1)
U19 WC Final : कर्णधाराचा ‘तो’ निर्णय अन् भारताने विश्वचषक गमावला, मोहम्मद कैफने केलं पराभवाचं विश्लेषण
AUS U19 icc
IND vs AUS ICC U19 WC Final : पुन्हा स्वप्न भंगलं! दोन महिन्यात दुसऱ्यांदा आयसीसी स्पर्धेच्या अंतिम सामन्यात ऑस्ट्रेलियाकडून भारताचा पराभव
virat Kohli, Tests, England, BCCI, cricket
कोहली पुढील दोन कसोटी सामन्यांनाही मुकणार?

हेही वाचा: IND vs AUS Live Score, WC 2023: भारतीय गोलंदाजीपुढे कांगारूंनी टेकले गुडघे, ऑस्ट्रेलियाने टीम इंडियाला दिले २०० धावांचे माफक आव्हान

शुबमन गिल संघाबरोबर नाही, रोहित शर्माने दिले अपडेट

शुबमन गिल सध्या भारतीय टीमबरोबर नाही, तो वैद्यकीय पथकाच्या देखरेखीखाली आहे. नाणेफेकीनंतर रोहित शर्मा म्हणाला, “तो सकाळपर्यंत गिलच्या रिकव्हरीची वाट पाहत होता पण तो अजून तयार नाही. त्याच्या जागी इशान किशन खेळत असून तो सलामीला येईल.”

भारतीय क्रिकेट संघाचा पुढील सामना ११ ऑक्टोबर रोजी अफगाणिस्तानशी आहे. हा सामना दिल्लीतील अरुण जेटली स्टेडियमवर होणार असून या सामन्यापर्यंत शुबमन गिल तंदुरुस्त नसण्याची दाट शक्यता आहे. मात्र, भारत विरुद्ध पाकिस्तान सामन्यात गिलचे पुनरागमन होऊ शकते. आजच्या सामन्यात त्याची अनुपस्थिती प्रकर्षाने जाणवते आहे. याचे कारण म्हणजे, भारताने २ धावांवर तीन विकेट्स गमावल्या आहेत. रोहित शर्मा, इशान किशन आणि श्रेयस अय्यर हे तिघेही खाते न उघडता तंबूत परतले आहेत. त्यामुळे राहुल द्रविड काय विचार करतो? हे पाहणे उत्सुकतेचे ठरणार आहे.

ऑस्ट्रेलियाने टीम इंडियापुढे ठेवले २०० धावांचे आव्हान

ऑस्ट्रेलियन संघ भारताविरुद्ध ४९.३ षटकांत १९९ धावांत गारद झाला. हा सामना जिंकण्यासाठी भारताला ३०० चेंडूत केवळ २०० धावा करायच्या आहेत. मात्र, खेळपट्टीवर फलंदाजी करणे सोपे नाही. अशा स्थितीत भारताला थोडी सावधगिरी बाळगावी लागेल. या सामन्यात ऑस्ट्रेलियाकडून स्टीव्ह स्मिथने सर्वाधिक ४६ धावा केल्या. वॉर्नरनेही ४१ धावांची खेळी खेळली. अखेरीस स्टार्कने २८ धावांचे योगदान दिले. भारताकडून रवींद्र जडेजाने तीन विकेट्स घेतल्या. कुलदीप यादव आणि जसप्रीत बुमराह यांनी प्रत्येकी दोन विकेट्स घेतल्या. सिराज, हार्दिक आणि अश्विनने प्रत्येकी एक-एक विकेट घेतली.

हेही वाचा: IND vs AUS Live Score, WC 2023: ऑस्ट्रेलियाने भारताला एकापाठोपाठ दिले तीन धक्के; इशान, रोहित आणि श्रेयस अय्यर बाद

दोन्ही संघांची प्लेईंग ११

भारत: रोहित शर्मा (कर्णधार), इशान किशन, विराट कोहली, श्रेयस अय्यर, केएल राहुल (यष्टीरक्षक), हार्दिक पांड्या, रवींद्र जडेजा, रविचंद्रन अश्विन, कुलदीप यादव, जसप्रीत बुमराह, मोहम्मद सिराज.

ऑस्ट्रेलिया: डेव्हिड वॉर्नर, मिचेल मार्श, स्टीव्हन स्मिथ, मार्नस लॅबुशेन, कॅमेरॉन ग्रीन, अ‍ॅलेक्स कॅरी (विकेटकीपर), ग्लेन मॅक्सवेल, पॅट कमिन्स (कर्णधार), मिचेल स्टार्क, जोश हेझलवूड, अ‍ॅडम झाम्पा.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus world cup will shubman gill be out of the next match of the world cup also know when he can return avw

First published on: 08-10-2023 at 19:36 IST

संबंधित बातम्या

तुम्ही या बातम्या वाचल्या आहेत का? ×