News Flash

अयोध्या जमीन खरेदी प्रकरण : “भाजपा, RSS आणि केंद्र सरकारने खुलासा करावा”

राम जन्मभूमी जमीन घोटाळाप्रकरणी लोकांच्या मनात संशय बळावल्याने या प्रकऱणासंदर्भात खुलासा करणे आवश्यक असल्याचं मत ग्राम विकास मंत्री हसन मुश्रीफ यांनी व्यक्त केलंय

कोल्हापूरमध्ये पत्रकारांशी संवाद साधताना या जामीन खरेदी प्रकऱणाचा खुलासा करण्याची मागणी करण्यात आली. (प्रातिनिधिक फोटो, सौजन्य : एपीवरुन साभार)

अयोध्येमधील राम मंदिराची उभारणी हा जनतेच्या श्रद्धेचा विषय आहे त्यासाठी लोकांनी यथाशक्ती निधी साहित्य त्याचा पुरवठा केला आहे. राम जन्मभूमी जमीन घोटाळा प्रकरणी लोकांच्या मनात संशय बळावला असल्याने भाजप, राष्ट्रीय सेवक संघ व केंद्र सरकारने यांनी खुलासा केला पाहिजे, अशी मागणी ग्राम विकास मंत्री हसन मुश्रीफ यांनी शुक्रवारी कोल्हापूर येथे पत्रकार परिषदेत केली.

राम मंदिर व माझा निकटचा संबंध आहे. कागल येथे अयोध्याच्या आधी राम मंदिर उभे केले आहे. माझा जन्मही रामनवमीचा आहे, असा उल्लेखही यावेळी हसन मुश्रीफ यांनी आवर्जून केला. राम मंदिर उभारणीसाठी देशातील जनतेने यथाशक्ती मदत केली आहे. आपचे खासदार संजय सिंग यांनी हा विषय उपस्थित केल्यानंतर त्यांच्या प्रतिमेला काळे फासणे वा शिवसेना भवनावर चाल करून जाणे हे शोभाणारं नाही. दोन्ही शंकराचार्यांनीही या विषयी शंका उपस्थित केली आहे. त्यामुळे लोकांच्या मनात किंतु निर्माण होण्यापूर्वी याचे स्पष्टीकरण होण्याची गरज असल्याचे मुश्रीफ म्हणाले.

सिंग यांच्या घरावर झालेला हल्ला…

अयोध्येत जमीन खरेदीत गैरव्यवहार झाल्याचा आरोप करणारे आम आदमी पक्षाचे खासदार संजय सिंग यांच्या घरावर १५ जून रोजी हल्ला करण्यात आला. संजय सिंग यांनी स्वत: ट्विट करत ही माहिती दिली होती. यावेळी संजय सिंग यांनी भाजपाला जाहीर आव्हान देत कितीही गुंडगिरी केली तरी मंदिराचा पैसा चोरी होऊ देणार नाही असं म्हटलं होतं. संजय सिंग यांनी ट्रस्टने जमीनखरेदीत घोटाळा केल्याचा आरोप केलाय. दोन कोटींची जमीन अवघ्या पाच मिनिटांत १८.५ कोटी रुपयांना ट्रस्टने खरेदी केली असून, या संपूर्ण प्रकरणाची सीबीआय व सक्तवसुली संचालनालयाकडून (ईडी) चौकशी करण्याची मागणी संजय सिंग यांनी केली आहे.

“माझी हत्या झाली तरी बेहत्तर”

संजय सिंग यांच्या आरोपांनंतर देशभरात खळबळ माजली असून यावर वेगवेगळ्या राजकीय पक्षांनी प्रतिक्रिया दिल्या आहेत. मात्र सिंग यांनी आरोप केल्यानंतर त्यांच्या घऱावर हल्ला झाला आहे. संजय सिंग यांनी ट्विट करुन या हल्ल्याची माहिती देताना आपण राम मंदिराचा पैसा चोरी होऊ देणार नाही असं म्हटलं होतं. “माझ्या घरावर हल्ला झाला आहे. भाजपावाल्यांनी कान उघडे ठेवून ऐकावं, कितीही गुंडगिरी केली तरी प्रभू श्रीरामाच्या नावे बनणाऱ्या मंदिराचा पैसा चोरी होऊ देणार नाही. त्यासाठी माझी हत्या झाली तरी बेहत्तर”, असं ट्विट सिंग यांनी केलेलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 18, 2021 1:53 pm

Web Title: ayodhya temple land deal purchase hasan mushrif demand for clarification from bjp rss scsg 91
Next Stories
1 Mucormycosis: मुंबईत तीन चिमुरड्यांनी गमावले डोळे, १६ वर्षीय मुलीला डायबेटिस!
2 “होर्डींगच्या किमतीत ५० नव्या छत्र्या आल्या असत्या….”,अतुल भातखळकरांचा काँग्रेसला टोला
3 Maharashtra Unlock : मुंबईसह ‘या’ जिल्ह्यांच्या पॉझिटिव्हीटी रेटमध्ये मोठी घट; निर्बंध होणार शिथिल?
Just Now!
X