News Flash

RSS च्या अजेंड्यात नाथाभाऊ न बसल्याने तिकिट नाकारलं – चंद्रकांत पाटील

'भाजपा आरएसएसपासून प्रेरणा घेऊन काम करतं. आमच्या अजेंडयामध्ये जशा वैचारिक गोष्टी आहेत, तशाच कार्यपद्धती हा आमच्या अजेंडयाचा भाग आहे'

“भाजपा आरएसएसपासून प्रेरणा घेऊन काम करतं. आमच्या अजेंडयामध्ये जशा वैचारिक गोष्टी आहेत, तशाच कार्यपद्धती हा आमच्या अजेंडयाचा भाग आहे. घरातली भांडणं बाहेर जाऊ न देणं, दुसऱ्याला मोठं करणं फक्त घरामधल्यांना मोठं करणं हा आरएसएसचा अजेंडा नाही,” असं सांगताना भाजपा प्रदेशाध्यक्ष चंद्रकांत पाटील यांनी एकनाथ खडसे यांना तिकिट का नाकारण्यात आलं याची कारणमीमांसा केली आहे. एका वृत्तवाहिनीला दिलेल्या मुलाखतीत त्यांनी आपली भूमिका मांडली.

‘इतक्या मोठ्या नेत्यानं पक्षाचे वाभाडे करताना विचार तर करायला हवा’ असं मत चंद्रकांत पाटील यांनी व्यक्त केलं. ‘नाथाभाऊंना आतापर्यंत सात-आठवेळा संधी दिलीय. तसेच त्यांच्या मुलाला व सुनेलाही संधी देण्यात आली आहे’ असे पाटील म्हणाले.

आणखी वाचा- मुलगा आणि सुनेसाठी तुम्ही उमेदवारांच्या पाठित खंजीर नाही खुपसला का?; खडसेंविरोधात भाजपा आक्रमक

“पक्षानं ८७-८८ पासून नाथाभाऊंना सात वेळा तिकिट दिलं. त्यांच्या मुलाला तिकिट दिलं. लोकसभा निवडणुकीच्यावेळी हरीभाऊ जावळेंना तिकिट न देता, त्यांच्या सुनेला तिकिट दिलं गेलं. त्यामुळे त्यांच्यावर अन्याय होत नाही असा विचार केंद्रानं बहुतेक केला असेल” असं चंद्रकांत पाटील म्हणाले. नाथाभाऊंना तिकिट द्यायला हवं असंच माझं व देवेंद्र फडणवीस यांची भूमिका होती, परंतु केंद्रानं तिकिट नाकारलं असल्याचं पाटील म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 13, 2020 1:27 pm

Web Title: bjp state president chandrakant patil explained why mlc ticket denied to eknath khadse dmp 82
Next Stories
1 मुंबई-अहमदाबाद महामार्गावर भीषण अपघात; बहुजन विकास आघाडीच्या पदाधिकाऱ्याचा मृत्यू
2 रमझान ईदच्या पार्श्वभूमीवर राज्याची केंद्राकडे २००० सशस्त्र पोलिसांची मागणी
3 नरेंद्र मोदींनी जाहीर केलेलं पॅकेज पर्याप्त वाटतंय – पृथ्वीराज चव्हाण
Just Now!
X