News Flash

नायगाव पूर्वेतील चंडिका मातेच्या डोंगराला भीषण आग

पुन्हा आगी लागण्याचे प्रकार सुरू

पुन्हा आगी लागण्याचे प्रकार सुरू

वसई: मागील आठवडाभरापासून जंगलाला आगी लागण्याचे प्रकार थांबले होते. परंतु पुन्हा एकदा आगी लागण्याचे प्रकार सुरू झाल्याचे चित्र दिसून आले आहे. नायगाव पूर्वेतील चंद्रपाडा येथील चंडिका मातेच्या डोंगराला भीषण आग लागल्याची घटना घडली आहे. गुरुवारी रात्री १० वाजण्याच्या सुमारास ही आग लागली आहे.

नायगाव पूर्व येथे डोंगरावर चंडिका माता मंदिर परिसर आहे. याच डोंगर भागाला लागून मोठ्या प्रमाणात जंगल पट्टा आहे. गुरुवारी रात्रीच्या सुमारास अचानक पणे या डोंगराला आग लागल्याने खळबळ उडाली होती. सुरवातीला आग एकदम किरकोळ होती. परंतु सुकलेले गवत , पालापाचोळा यामुळे आगीने अधिक पेट घेतला होता. त्यामुळे अधिक प्रमाणात क्षेत्र आगीने वेढले होते. या डोंगराला लागूनच नागरिकांची मोठी वस्ती असल्याने नागरिकांमध्ये भीतीचे वातावरण पसरले आहे. आग ही उंचावर असल्याने त्या आगीवर नियंत्रण मिळविणे कठीण जात असून आजूबाजूचे नागरिक जागे राहून याकडे लक्ष ठेवून आहेत. लागलेली आग ही कोणीतरी लावली असल्याचा संशय नागरिकांनी व्यक्त केला आहे. तसेच आज संध्याकाळी पाझर तलाव येथील डोंगरात ही आग लागल्याची घटना घडली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 25, 2021 11:15 pm

Web Title: fire at chandika mata hill in naigaon east zws 70
Next Stories
1 Coronavirus : राज्यात दिवसभरात १११ रूग्णांचा मृत्यू, ३५ हजार ९५२ करोनाबाधित वाढले
2 ताडोबा : भरधाव कारच्या धडकेत बिबट्याचा मृत्यू
3 मनसे आमदार राजू पाटील करोना पॉझिटिव्ह
Just Now!
X