scorecardresearch

“संजय राऊतांकडे २७ फोटो असतील, तर आमच्याकडे…”, भाजपाच्या नेत्याचा थेट इशारा

“दिवसाढवळ्या गांजा ओढणारे दुसऱ्यांवर आरोप करत आहेत”, असा टोलाही भाजपा नेत्यांनी संजय राऊतांना लगावला

sanjay raut chandrashekhar bawankule
तेलगीने रात्रीत एका बारमध्ये १ कोटी रूपये उधळल्याची माहिती होती. पण, मकाऊमध्ये महाराष्ट्रातील एक व्यक्ती कॅसिनोत साडेतीन कोटी डॉलर उधळतो. म्हणजे खऱ्या अर्थानं अच्छे दिल आलेत, असं म्हणत शिवसेना ( ठाकरे गट ) खासदार संजय राऊत यांनी भाजपा प्रदेशाध्यक्ष चंद्रशेखर बावनकुळे यांना लक्ष्य केलं आहे.

शिवसेना ( ठाकरे गट ) खासदार संजय राऊत यांनी भाजपाचे प्रदेशाध्यक्ष चंद्रशेखर बावनकुळे यांचा परदेशातील फोटो ‘एक्स’ अकाउंटवर ट्वीट केल्यानं खळबळ उडाली आहे. मकाऊच्या कॅसिनोतील हा फोटो असल्याचं संजय राऊतांनी सांगितलं आहे. तसेच, माझ्याकडे २७ फोटो आणि ५ व्हिडीओ आहेत. फोटो समोर आणले, तर भाजपाला दुकान बंद करावे लागेल, असा इशारा संजय राऊतांनी दिला होता. याला भाजपा आमदार आशिष शेलारांनी प्रत्युत्तर दिलं आहे.

आशिष शेलार म्हणाले, “एलॉन मस्क यांना विनंती करणार की, महाराष्ट्रात त्यातील त्यात प्रभादेवीत बसणाऱ्यांनी पहिल्यांदा गांजाचे सेवन केलं नाही, याचं प्रमाणपत्र ट्वीट करावे, मगच, भाष्य करावे. दिवसाढवळ्या गांजा ओढणारे दुसऱ्यांवर आरोप करत आहेत.”

supriya sule denies contact of praful patel with sharad pawar
शरद पवारांशी नित्य संपर्काचा प्रफुल्ल पटेलांचा दावा सुप्रिया सुळे यांनी फेटाळला
Sharad Pawar pimpri chinchwad
पक्षातील फुटीनंतर शरद पवार पहिल्यांदाच अजितदादांच्या बालेकिल्यात; कार्यकर्त्यांकडून जोरदार स्वागत
Ambadas Danve on NCP rebellion
राष्ट्रवादीच्या बंडावेळी आमदारांना ५० कोटींचं प्रलोभन – अंबादास दानवे
Nitesh-Rane-1
नितेश राणे यांच्या दमदाटीच्या विरोधात अधिकारी एकवटले

“संजय राऊतांनी गोरेगावमधील मराठी माणसांची घरे खाल्ली”

“कोण संजय राऊत? कधी जनतेतून उभे राहिलेत का? याच संजय राऊतांनी गोरेगावमधील मराठी माणसांची घरे खाल्ली आहेत. संजय राऊतांकडे २७ फोटो असतील, तर आमच्याकडे २७० आहेत. मग, पेग-पेंग्विन पार्टीचे चालक आणि मालक समोर आणावे लागतील,” असा इशारा आशिष शेलारांनी दिला आहे.

हेही वाचा : “महाराष्ट्र पेटलाय अन् हे महाशय मकाऊ येथे कॅसिनोत…”, बावनकुळेंचा ‘तो’ फोटो ट्वीट करत राऊतांचा हल्लाबोल

नेमकं प्रकरण काय?

संजय राऊतांनी चंद्रशेखर बावनकुळे यांचा मकाऊच्या कॅसिनोतील फोटो ‘एक्स’ अकाउंटवर ट्वीट केला. ‘महाराष्ट्र पेटलेला आहे… आणि हे महाशय मकाऊ येथे कॅसिनोत जुगार खेळत आहेत,’ असं म्हणत संजय राऊतांनी बावनकुळेंना लक्ष्य केलं होतं. यानंतर संजय राऊत आणि भाजपाच्या नेत्यांमध्ये आरोप-प्रत्यारोप सुरू झाले आहेत.

“मी भाजपाचं दुकान बंद करणार नाही, कारण..”

प्रसारमाध्यमांशी संवाद साधताना संजय राऊत म्हणाले, “माझ्याकडे २७ फोटो आणि ५ व्हिडीओ आहेत. मात्र, आमच्यात माणुसकी आहे. २७ फोटो आणि व्हिडीओ समोर आणले, तर भाजपाला दुकान बंद करावे लागेल. पण, मी ते करणार नाही. कारण, हे दुकान २०२४ पर्यंत चाललं पाहिजे.”

हेही वाचा : संजय राऊतांकडून कॅसिनोतील ‘तो’ फोटो ट्वीट, बावनकुळे प्रत्युत्तर देत म्हणाले, “मी मकाऊ येथे…”

“आमच्याकडे मकाऊमध्ये ईडी आणि सीबीआय”

“मी कधी कुणावरही व्यक्तीगत टिप्पणी करत नाही. आमच्यावर बाळासाहेब ठाकरेंचे संस्कार आहेत. तुमच्याकडे महाराष्ट्रात ईडी आणि सीबीआय असेल. आमच्याकडे मकाऊमध्ये ईडी आणि सीबीआय आहे,” असेही संजय राऊत म्हणाले.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ashish shelar reply sanjay raut over allegationc chadrashekhar bawankule macau casino photos ssa

First published on: 20-11-2023 at 22:56 IST

संबंधित बातम्या

मराठी कथा ×