सांगली: सुधीर गाडगीळ यांची निवडणुकीतून माघार, कार्यकर्त्यांकडून फेरविचाराची मागणी

आमदार गाडगीळ यांनी मंगळवारी रात्री येत्या विधानसभा निवडणुकीत आपण उतरणार नसल्याचे सांगत हा निर्णय पक्षाच्या वरिष्ठांना कळविण्यात आल्याचे एका प्रसिद्धी पत्रकातून जाहीर केले. गेल्या दहा वर्षांत आपण सांगली मतदार संघासाठी केलेल्या विकासकामांचा उल्लेख करत अनेक नागरी समस्या सोडविण्याचा प्रामाणिक प्रयत्न केला. या प्रयत्नांना जनतेनेही चांगली साथ दिली. तरीही कुठेतरी थांबायचे म्हणून निवडणुकीच्या मैदानातून बाजूला जात असलो तरी पक्ष देईल त्या उमेदवाराचा मी प्रचार करेन, पक्ष देईल ती जबाबदारी पार पाडेन, असे या प्रसिद्धी पत्रात आमदार गाडगीळ यांनी म्हटले आहे.

आणखी वाचा

Ajit Pawar: अजित पवारांची मंत्रिमंडळ बैठकीतून १० मिनिटांत एक्झिट, विजय वडेट्टीवारांना मात्र भलताच संशय; म्हणाले, “त्यांना बाजूला सारण्याचे…”

“लग्नाची बातमी सर्वात आधी राज ठाकरेंना…”, प्रेमाची जाहीर…

‘एमआयएम’ फुटीच्या उंबरठ्यावर

अजित पवारांनी बारामतीमधूनच लढण्याचा सर्मथकांचा आग्रह

अमित देशमुख यांच्या विधानाने लातूरात काँग्रेस कार्यकर्त्यांमध्ये अस्वस्थता

जिंकण्यासाठीच्या लढाईला तयार रहा, राज ठाकरेंचे पदाधिकाऱ्यांना आव्हान

‘ते स्वतः येत नाहीत, दुसऱ्यालाही येऊ देत नाहीत,’ मंत्री चंद्रकांत पाटलांवर पक्षाच्या नगरसेवकाचे गंभीर आरोप!

एकाच टप्प्यात मतदान घ्या! सत्ताधारी शिंदे, पवार गटासह ठाकरे गटाचीही मागणी; भाजप, काँग्रेसचे मात्र मौन

हेही वाचा : कोयना शंभर टक्के ! पश्चिम घाटातील १२ पैकी आठ धरणे काठोकाठ

दरम्यान हे पत्र रात्रीपासून समाज माध्यमातून प्रसारित होताच भाजपमध्ये खळबळ माजली असून, बुधवारी सकाळी महापालिकेतील भाजपचे माजी नगरसेवक, माजी स्थायी सभापती धीरज सूर्यवंशी, माजी नगरसेवक मुन्ना कुरणे, गीतांजली ढोपे-पाटील आदीसह कार्यकर्त्यांनी आमदार गाडगीळ यांच्या निवासस्थानी धाव घेत निर्णयाचा फेरविचार करण्याची विनंती केली. मात्र आ. गाडगीळ यांनी आपली भूमिका सद्यस्थितीत कायम असल्याचे सांगत राष्ट्रीय महासचिव श्री. तावडे सांगली दौऱ्यावर आल्यानंतर अधिक स्पष्ट खुलासा होईल, असे सांगत कार्यकर्त्यांची समजूत काढली.