मनसे इच्छुकांच्या उद्या मुलाखती

महाराष्ट्र नवनिर्माण सेनेच्या इच्छुक उमेदवारांची चाचपणी करण्यासाठी व इच्छुकांच्या मुलाखती घेण्यासाठी पक्षाचे वरिष्ठ पदाधिकारी सोमवारी नगरला येत आहेत.

महाराष्ट्र नवनिर्माण सेनेच्या इच्छुक उमेदवारांची चाचपणी करण्यासाठी व इच्छुकांच्या मुलाखती घेण्यासाठी पक्षाचे वरिष्ठ पदाधिकारी सोमवारी नगरला येत आहेत. सकाळी ९ ते दुपारी १ दरम्यान जिह्य़ाच्या दक्षिण मतदारसंघातील, तर दुपारी २ ते सायंकाळी ६ दरम्यान जिल्ह्य़ाच्या उत्तर मतदारसंघातील इच्छुकांच्या मुलाखती होणार आहेत.
पक्षाचे जिल्हाध्यक्ष सचिन डफळ यांनी ही माहिती दिली. आमदार नितीन सरदेसाई, सरचिटणीस जयप्रकाश बावीस्कर व आमदार दीपक पायगुडे, सहकार सेना विभागाचे अध्यक्ष शिवाजीराव नलावडे, संपर्क अध्यक्ष संतोष धुरी व सुनील बांभुळकर आदी इच्छुकांविषयी चाचपणी करतील व मुलाखती घेणार आहेत. नगर शहर, पारनेर, श्रीगोंदे, कर्जत-जामखेड, शेवगाव-पाथर्डी व राहुरीतील मुलाखती नगर शहरातील सरकारी विश्रामगृहावर तर नेवासे, श्रीरामपूर, शिर्डी, कोपरगाव, संगमनेर व अकोले मतदारसंघातील इच्छुकांच्या मुलाखती शिर्डी येथील सरकारी विश्रामगृहावर होणार आहेत.
इच्छुक उमेदवारांनी केवळ १० कार्यकर्ते व पदाधिकाऱ्यांसमवेत उपस्थित राहावयाचे आहे. वरिष्ठ पदाधिकारी इच्छुकांकडून विधानसभेची माहिती घेतील व त्याचा अहवाल पक्षप्रमुख राज ठाकरे यांना सादर करणार आहेत. इच्छुक व पदाधिकाऱ्यांनी उपस्थित राहण्याचे अवाहन जिल्हा सचिव वसंत लोढा, संजय झिंजे, सचिन पोटरे, देविदास खेडकर, ज्ञानेश्वर गाडे, डॉ. अरुण इथापे, शहराध्यक्ष गिरीश जाधव आदींनी केले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Interview of willing in mns

ताज्या बातम्या