Maharashtra News Today : मुंबईत विविध ठिकाणी १२ ‘गोविंदा’ जखमी; राज्यात दहीहंडीचा उत्साह!

Dahi Handi 2022 Celebration : ठाणे शहराच्या विविध भागातील प्रमुख चौकांमध्ये राजकीय पक्षांच्या नेत्यांनी उभारलेल्या दहीहंड्या, या उत्सवाच्या ठिकाणी डिजेच्या तालावर थिरकरणारे गोविंदा पथके, गोविंदा पथकांचा उंच मानवी मनोरे रचण्याचा थरार आणि रस्त्यांवर निघालेले गोविंदा पथकांचे जथ्ये…असे चित्र दिवसभर होते. करोनाचा संसर्ग कमी झाल्यामुळे राज्य शासनाने सण आणि उत्सवावरील निर्बंध हटविले असून यामुळे दोन वर्षानंतर दहीहंडी आयोजकांसह गोविंदा पथके मोठ्या उत्साहात उत्सव साजरे करताना दिसून आले. नौपाडा भागातील मनसेच्या दहीहंडीत कोकणनगर गोविंदा पथक आणि जय जवान गोविंदा पथकाने नऊ थर लावले. गोविंदा पथकांचा हा थराचा थरार पाहण्यासाठी नागरिकांनीही मोठी गर्दी केल्याने संपुर्ण शहराला जत्रेचे स्वरुप आले होते. वाचा सविस्तर बातमी...

Dahi Handi 2022 Celebration: गेल्या दीड ते दोन महिन्यात खूप घडामोडी घडल्या असून त्या दरम्यान आम्ही सर्वात मोठी हंडी फोडली. हंडी कठीण होती. पण, बाळासाहेब ठाकरे आणि धर्मवीर आनंद दिघे यांच्या आशीर्वादाने आम्ही हंडी फोडली, असे विधान मुख्यमंत्री एकनाथ शिंदे यांनी ठाण्यातील टेंभीनाक्यावरील दहीहंडी उत्सवात बोलताना केले. या हंडीसाठी ५० थर लावले होते आणि येत्या काळात या थरांमध्ये आणखी वाढ होईल, असे सूचक विधानही त्यांनी केल्याने अनेकांच्या भुवया उंचावल्या असून ठाकरे गटातुन आणखी कोण बाहेर पडणार, अशी चर्चा यानिमित्ताने सुरू झाली आहे. वाचा सविस्तर बातमी...

महाराष्ट्र लोकसेवा आयोगातर्फे (एमपीएससी) घेण्यात येणाऱ्या राज्यसेवा परीक्षा २०२२मध्ये ३४० पदांची भर पडली आहे. उपजिल्हाधिकारी, पोलीस उपअधीक्षक अशा पदांचा त्यात समावेश आहे.  वाचा सविस्तर बातमी...

नागपुरातील तरुणाने घुग्घुसमधील एका तरुणीशी ‘फेसबुक’द्वारे मैत्री केली. त्यानंतर दोघांमध्ये प्रेमसंबंध निर्माण झाले. तरुणाने लग्नाचे खोटे आश्वासन देत शारीरिक संबंध प्रस्थापित केले. त्यानंतर तरुणीचे आक्षेपार्ह छायाचित्रे काढली आणि बदनामी करण्याची धमकी दिली. यादरम्यान त्याने तरुणीचे काही आक्षेपार्ह छायाचित्रे समाजमाध्यमावर सार्वत्रिकही केली. प्रेमात धोका मिळालेल्या तरुणीने अखेर पोलीस ठाणे गाठून तक्रार दाखल केली. या प्रकरणी पोलिसांनी आरोपी तरुणाला बेड्या ठोकल्या आहेत. वाचा सविस्तर बातमी...

Dahi Handi 2022 Celebration Mumbai : मुंबईत तब्बल दोन वर्षानंतर दहीहंदीचा उत्साह ओसंडून वाहत आहे. विविध ठिकाणी दहीहंडी फोडण्यासाठी पथकांनी गर्दी केली आहे. सकाळपासून आतापर्यंत विविध ठिकाणी १२ गोविंदा जखमी झाले आहेत. वाचा सविस्तर बातमी...

ताडोबा अंधारी व्याघ्र प्रकल्पाला लागून असलेल्या चिमूर वनपरिक्षेत्रात लावलेल्या कॅमेरा ट्रॅपमध्ये एक वाघ जखमी अवस्थेत दिसून आला आहे. गेल्या तीन ते चार दिवसांपासून हा पट्टेदार जखमी वाघ जंगलात फिरत असून त्याच्या डोळा व कानाजवळ जखम असल्याचे ट्रॅप कॅमेरात आढळून आले आहे. चिमूर लगत खडसंगी व झरी परिसरात हा जखमी वाघ फिरत असल्याचे समजते. वाचा सविस्तर बातमी...

Dahi Handi 2022 Celebration : मुख्यमंत्री एकनाथ शिंदे यानी उत्साहात जन्माष्टमीची सुटी जाहीर केली. पण आदेश काढताना तो फक्त मुंबईसाठी काढला. त्यामुळे घोळ झाला. अनेकांनी आज सुटी आहे असे गृहीत धरले होते. पण ऐनवेळी त्यांना सुटी नाही, असे कळल्याने त्यांची तारांबळ उडाली. वाचा सविस्तर बातमी...

राज्यातील सत्तातरांतर मुंबई महापालिकेत मोठ्या प्रमाणावर अधिकाऱ्यांच्या बदल्यांचे सत्र सुरू झाले आहे. त्यामुळे अधिकाऱ्यांमध्ये नाराजीचे वातावरण आहे. पालिकेतील उपायुक्त संगीता हसनाळे यांची घनकचरा व्यवस्थापन विभागातून परिमंडळ १ च्या उपयुक्त पदी बदली करण्यात आली होती. मात्र पाचच दिवसात त्यांची बदली रद्द करून त्यांना परिमंडळ १ आणि घनकचरा व्यवस्थापन दोन्ही पदांचा कार्यभार देण्यात आला आहे. वाचा सविस्तर बातमी...

पुण्यातील टिळक चौकात विरुद्ध दिशेने येणाऱ्या दुचाकी चालक महिलेवर कारवाई करणाऱ्या वाहतूक पोलिसाला चौघांनी मारहाण केल्याची घटना घडली आहे. एवढंच नाहीतर, आमच्या विरोधात जर तू तक्रार केलीस, तर तुझ्या विरोधात विनयभंगाची तक्रार करू, अशी धमकी देखील आरोपी महिलेच्या पतीने दिली आहे. या प्रकरणी विश्रामबाग पोलीस स्टेशनमध्ये चौघांविरोधात गुन्हा दाखल करण्यात आला असून, दोन आरोपींना अटक करण्यात आली आहे. वाचा सविस्तर बातमी...

प्रेमात अडसर ठरणाऱ्या आईची मुलीने प्रियकराच्या मदतीने हत्या केल्याची धक्कादायक घटना अहेरी येथे उघडकीस आली आहे. निर्मला अत्राम असे मृत महिलेचे नाव आहे. दोन्ही आरोपींना पोलिसांनी ताब्यात घेतले आहे. वाचा सविस्तर बातमी...