मुंबई-गोवा महामार्गाबाबत राज ठाकरेंची सरकारवर आगपाखड, कोकणवासियांनाही सुनावले; म्हणाले, “समृद्धी महामार्ग बघा…”

हेही वाचा >> “भूगोलाशिवाय इतिहास नाही”, बारसूप्रकरणावरून राज ठाकरेंचा एल्गार; म्हणाले, “जमिनी पायाखालून जातायत…”

“२००७ साली मुंबई गोवा महामार्गाचे काम सुरू झाले होते. परंतु अजून पूर्ण होत नाहीय. काय करतायत तुमचे लोकप्रतिनिधी? कुठे आहेत तुमचे खासदार? कुठे आहेत आमदार? त्याच त्याच लोकांना तुम्ही सतत निवडून देतायत. त्यामुळे त्यांना काही पडलेलीच नाही. काम केलं काय आणि नाही केलं काय? ही माणसं तुम्हाला निवडून देणारच आहेत. खाचखळगे खड्ड्यातून तुम्ही जाणार. तुमच्याबद्दल आपुलकी शुन्य राहिली आहे लोकांना. तीच गोष्ट बघा, २००७ ला सुरू झालेला प्रकल्प १६ वर्षे झाला काहीच काम झालं नाही. मधले मधले पॅचेस फक्त तयार झाले”, असं म्हणत राज ठाकरेंनी संताप व्यक्त केला आहे.

हेही वाचा >> “मुंबईचा महापौर बंगला लोकांना विचारून ढापलात का?” राज ठाकरेंचा उद्धव ठाकरेंना थेट सवाल

“मी जेव्हा या रस्त्यावरून गेलो मागच्या वेळेला, तेव्हा फडणवीसांना फोन केला की, या रस्त्याचं बघा काहीतरी. तर मला म्हणाले नितीनजींशी बोलून घेता का. म्हटलं बोलतो. मग मी नितीनजींना फोन लावला. मुंबई गोवा रस्त्यावरून आलो, काय हालत आहे रस्त्याची. इतकी वर्षे झाली रस्ता पूर्ण होत नाही. तर, ते म्हणाले कॉन्ट्रॅक्टर पळून गेले. ज्यांना आजपर्यंत निवडून दिलं, त्यांना एकदा तरी विचारलं का हे का पळून गेले म्हणून? रस्ते का होत नाही? यांचा फक्त मतदानाशी संबंध आहे. तोच समृद्धी महामार्ग बघा. नागपूर मुंबई, नाशिकपर्यंत आला, शिर्डीपर्यंत आला. सुरूही झाला. काळ काय, चार वर्षे. आमच्याकडे सोळा वर्षे कोकणातील रस्ता पूर्ण होत नाहीय. याचं कारण तुम्हाला गृहित धरलं आहे. कोण तुम्ही? मतदानाच्या दिवशी फक्त जिवंत राहा म्हणजे झालं. बाकी तुम्हाला मोजतंय कोण. अजूनही आम्ही आज त्याच त्याच गोष्टींवर बोलतोय. आम्हाला राग येत नाही”, असं राज ठाकरे म्हणाले.