MPSC कडून ‘या’ पदांसाठी भरती; असा कराल अर्ज

महाराष्ट्र लोकसेवा आयोगाकडून लवकरच काही पदांची भरती केली जाणार आहे.

MPSC-NEW

महाराष्ट्र लोकसेवा आयोगाकडून लवकरच काही पदांची भरती केली जाणार आहे. विमा अधिकारी पदांच्या काही जागांसाठी भरती होणार आहे. यासाठी एमपीएससीने अधिसूचना जारी केली आहे. विमा सहायक संचालक, विमा उप संचालक, जिल्हा सैनिक कल्याण अधिकारी या पदांसाठी भरती आहे. पात्र उमेदवारांना ऑनलाइन पद्धतीने अर्ज दाखल करता येईल. अर्ज करण्याची शेवटची तारीख २७ डिसेंबर २०२१ आहे. परीक्षा शुल्क खुल्या प्रवर्गसाठी ७१९ रुपये, तर मागास प्रवर्गासाठी ४४९ रुपये आहे. या पदभरतीसाठी ऑनलाईन अप्लाय करण्यासाठी https://mpsconline.gov.in/candidate या लिंकवर क्लिक करा.

विमा सहायक संचालक

या पदासाठी अर्ज करू इच्छिणाऱ्या उमेदवारांनी कला, वाणिज्य, विज्ञान आणि कायद्याचं पदवीपर्यंत शिक्षण घेतलं असणं आवश्यक आहे. मान्यता प्राप्त विद्यापीठातून पदवी आवश्यक आहे.

फेसबुकचे सीईओ मार्क झुकरबर्ग यांना फक्त ७५ रुपये महिना पगार; मात्र सुरक्षेवर होतात इतके अब्ज खर्च

विमा उप संचालक

या पदासाठी अर्ज करू इच्छिणाऱ्या उमेदवारांनी कला, वाणिज्य, विज्ञान आणि कायद्याचं पदवीपर्यंत शिक्षण घेतलं असणं आवश्यक आहे. मान्यता प्राप्त विद्यापीठातून पदवी आवश्यक आहे.

जिल्हा सैनिक कल्याण अधिकारी

या पदासाठी अर्ज करण्यासाठी सैन्यात मेजर किंवा नौदल, हवाई दलात काम केलं असणं आवश्यक आहे. सेवानिवृत्त अधिकारीही अर्ज करू शकतात.

आवश्यक कागदपत्र
बायोडेटा, दहावी-बारावी आणि पदवीचं शैक्षणिक प्रमाणपत्र, शाळा सोडल्याचा दाखला, जातीचा दाखला, ओळखपत्र, पासपोर्ट साइज फोटो आवश्यक आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Recruitment from mpsc for vima officer post rmt

ताज्या बातम्या