बॉलिवूडचे महानायक अमिताभ बच्चन ‘पिकू’ या त्यांच्या आगामी चित्रपटाच्या प्रसिद्धी कार्यक्रमात प्रचंड व्यस्त आहेत. या चित्रपटात दीपिका पदुकोण आणि इरफान खान यांच्यादेखील मुख्य भूमिका आहेत. चित्रपट प्रसिद्धी कार्यक्रमात माध्यम प्रतिनिधींकडून उपस्थित कलाकारांवर अनेकवेळा चित्रपटाव्यतिरिक्त इतर अनेक प्रश्नांचा मारा होताना दिसतो. ‘पिकू’ चित्रपटाच्या प्रसिद्धी कार्यक्रमात नेमका हाच धागा पकडून एका प्रश्नाला उत्तर देताना बिग बींनी पुढील जन्मी पत्रकार होण्याची इच्छा बोलून दाखवली. सततच्या प्रश्नांना उत्तरे देऊन आता आपण थकलो असून, पुढील जन्मी आपल्याला पत्रकार होण्याची इच्छा असल्याचे ते म्हणाले.