News Flash

सुबोध भावेचा ‘विजेता’ लवकरच पडद्यावर; पोस्टर रिलीज

अनेक पराभवानंतरही जो टिकून राहतो तोच खरा 'विजेता'

‘सनई चौघडे’ आणि ‘वळू’ यांसारख्या दमदार मराठी चित्रपटांची निर्मिती करणारे सुभाष घई आता एक नवा चित्रपट घेऊन प्रेक्षकांच्या भेटीस येत आहेत.

‘विजेता’ असे या आगामी चित्रपटाचे नाव आहे. सुबोध भावे याने चित्रपटाचे पोस्टर सोशल मीडियावर शेअर केले आहे. पोस्टर पाहूनच हा चित्रपट खेळावर आधारित असल्याचे दिसत आहे. सुबोध भावे, पूजा सावंत, पूजा बिष्ट, माधव देवचक्के, सुशांत शेलार व देवेंद्र चौघुले अशी मल्टिस्टार कास्ट असणारा हा चित्रपट आहे.

या पोस्टरमध्ये पूजा सायकलिंग करताना तर नेहा धावताना दिसत आहे. तसेच विविध प्रकारचे खेळ या पोस्टवर पाहू शकतो. सुबोध भावे, नेहा महाजन व पूजा सावंत हे तिघेही पहिल्यांदाच एकत्र काम करणार आहेत. नेहमीप्रमाणेच सुबोध या चित्रपटातून कोणती भन्नाट व्यक्तिरेखा साकारणार हे पाहाण्यासाठी चाहते उत्सुक आहेत. ‘विजेता’ येत्या १२ मार्चला प्रदर्शित होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 2, 2020 12:13 pm

Web Title: vijeta movie subodh bhave pooja sawant neha mahajan mppg 94
Next Stories
1 इतिहासाचे रिमिक्स..
2 लुकलूकत्या गोष्टी : ‘हा ड्रेस मला खूप आवडला’
3 ‘द मिरर क्रॅक्ड’ नाटकाच्या निमित्ताने..
Just Now!
X