अजय देवगण आणि काजोल यांची मुलगी नीसा देवगणने फिल्मी दुनियेत पाऊल ठेवण्यापूर्वीच चर्चेत राहायला सुरुवात केली आहे. नीसा सोशल मीडियावर खूप लोकप्रिय असलेल्या स्टारकिड्सपैकी एक आहे. अनेकदा ती विविध पार्ट्यांमध्ये, कार्यक्रमांमध्ये हजेरी लावत असते. विविध कार्यक्रमांमधील किंवा पार्ट्यांमधील तिच्या व्हायरल होणाऱ्या फोटोमुळे तिला अनेकदा ट्रोलिंगचा सामना करावा लागतो. तर आता तिच्या नव्या फोटोंमुळे ती ट्रोल होत आहे. नीसा अनेकदा तिचा मित्र ओरहान अवत्रमणीबरोबर पार्टी करताना दिसते. ओरहान एका व्यावसायिकाचा मुलगा आहे. ओरहान आणि नीसा एकमेकांचे खूप चांगले मित्र-मैत्रीण आहेत. अनेकदा ते एकत्र दिसतात. बऱ्याच पार्ट्यांमधील त्यांचे एकत्र फोटोदेखील चांगलेच व्हायरल होत असतात. तर आता त्या दोघांनी त्यांच्या इतर मित्रमंडळींबरोबर लंडनमध्ये बियॉन्सेच्या कॉन्सर्टला हजेरी लावली. या वेळेचे विविध फोटो ओरहानने सोशल मीडियावर शेअर होते. आणखी वाचा : Video: “आईला मान खाली घालायला लावली…” चारचौघात काजोलबरोबर केलेल्या ‘त्या’ वागणूकीमुळे न्यासा देवगणवर नेटकरी नाराज सुप्रसिद्ध गायिका बियॉन्सेचा नुकताच लंडनमध्ये एक लाइव्ह कॉन्सर्ट पार पडला. या कॉन्सर्टला नीसा आवर्जून उपस्थित होती. तर सध्या व्हायरल होत असणाऱ्या फोटोंमध्ये नीसा, ओरहान त्यांच्या इतर मित्रांबरोबर लंडनमध्ये बियॉन्सेचा कॉन्सर्ट एन्जॉय करताना दिसत आहेत. या फोटोमध्येदेखील नीसा तिच्या मित्रमंडळींना मिठी मारून पोच देताना दिसत आहे. परंतु तिचे हे व्हायरल फोटो आणि तिचा हा अंदाज नेटकऱ्यांना आवडला नाही. हेही वाचा : “कायम नशेमध्ये…,” लंडनमधील ‘त्या’ व्हायरल फोटोंमुळे अजय देवगण-काजोलची लेक नीसा ट्रोल या फोटोंवर एकाने कमेंट करत लिहिलं, "नीसा हे अजय देवगणचं ट्रान्सजेंडर व्हर्जन आहे." तर दुसरा नेटकरी म्हणाला, "अजय साळगावकरने त्याच्या मुलीला जरा जास्तच सूट दिली आहे." तर आणखी एकाने लिहिलं, "या फोटोवर स्टिकर का लावला आहे! जर तिला काही दाखवायला लाज वाटत नाहीये तर तुम्हाला काय प्रॉब्लेम!" तर आणखी एक जण म्हणाला, "काजोल आणि अजयची मुलगी असं वागेल अशी कधीही अपेक्षा नव्हती. तिचा ड्रेसिंग सेन्स, तिचा मित्रपरिवार खूपच ओव्हर आहे. तिचा मित्र ओरी तर तिला नेहमी चिकटूनच असतो."
