IPL 2023 : आयपीएलच्या १६व्या हंगामातील अंतिम सामना गुजरात टायटन्स व चेन्नई सुपर किंग्स या संघांमध्ये आज(२९ मे) खेळवला जाणार आहे. यंदाच्या हंगामातील हा अंतिम सामना रविवारी(२८ मे) अहमदाबाद येथील नरेंद्र मोदी स्टेडियमवर रंगणार होता. परंतु, पावसामुळे हा सामना रद्द करावा लागला. आयपीएलचा अंतिम सामना रद्द झाल्यानंतर सोशल मीडियावर मीम्स व्हायरल झाले आहेत.
आयपीएलच्या अंतिम सामन्याला बॉलिवूड अभिनेत्री श्रद्धा कपूरने हजेरी लावली होती. श्रद्धामुळे पाऊल पडला आणि सामना रद्द झाला, अशा आशयाचे मीम्स व्हायरल झाले. “जिओ सिनेमाच्या प्री मॅच शोमध्ये श्रद्धा कपूर…नरेंद्र मोदी स्टेडियमवर पाऊस पडण्याचं कारण…” असं एका मीममध्ये म्हटलं आहे. श्रद्धाने तिच्या इन्स्टावरुन हे मीम शेअर करत हसण्याचे इमोजी पोस्ट केले आहेत. याबरोबरच तिने मीम शेअर करत “छम छम” हे तिचं गाणंही स्टोरीला दिलं आहे.
हेही वाचा>> Video : राखी सावंतचा अवतार पाहून सारा खान घाबरली, जोरात ओरडली अन्…; IIFA अवॉर्ड सोहळ्यातील व्हिडीओ व्हायरल
“जिथे जाते तिथे पाऊस पडतो” आयपीएल फायनल रद्द झाल्यानंतर श्रद्धा कपूरवर मीम.
“ओह स्त्री कल मत आना”
हेही वाचा>> रुपाली चाकणकरांच्या लेकाच्या पहिल्या मराठी चित्रपटातील गाणं प्रदर्शित, व्हिडीओ शेअर करत म्हणाल्या…
“आजच्या मॅचमध्ये पाऊस पडण्याचं कारण श्रद्धा कपूर आहे”
हेही वाचा>> कुस्तीपटूंवरील कारवाईनंतर ‘महाराष्ट्राची हास्यजत्रा’ फेम वनिता खरातची पोस्ट, म्हणाली…
श्रद्धा कपूर बॉलिवूडमधील लोकप्रिय अभिनेत्रींपैकी एक आहे. तिचा ‘तू झुठी मै मक्कार’ हा चित्रपट काही दिवसांपूर्वीच प्रदर्शित झाला. या चित्रपटात श्रद्धाने रणबीर कपूरसह स्क्रीन शेअर केली आहे.
