शिवसेना नेते व युवासेनेचे अध्यक्ष आदित्य ठाकरे सध्या सोशल मीडियावर चर्चेत आहेत. ते चर्चेत असण्यामागचं कारणंही तसंच आहे. मुंबईतील एका हॉटेलबाहेर त्यांना एका अभिनेत्रीसोबत पाहिलं गेलं. ही अभिनेत्री म्हणजे 'एम. एस. धोनी : द अनटोल्ड स्टोरी', 'बागी २' यांसारख्या चित्रपटांमध्ये झळकलेली दिशा पटानी. आदित्य ठाकरे आणि दिशा पटानीचा हा फोटो सोशल मीडियावर चांगलाच व्हायरल होत असून त्यांच्या मैत्रीची चर्चा रंगली आहे. 'धोनी' या चित्रपटानंतर प्रकाशझोतात आलेली अभिनेत्री दिशा नेहमीच कोणत्या ना कोणत्या कारणामुळे चर्चेत असते. अभिनेता टायगर श्रॉफ आणि दिशा रिलेशनशिपमध्ये असल्याचं म्हटलं जातं. अनेकदा या दोघांना एकत्र पाहिलं गेलं. कधी लंच डेट तर कधी पार्ट्यांमध्ये दिशा-टायगरला एकत्र पाहिलं गेलं. पण या दोघांनी प्रसारमाध्यमांसमोर कधीच नात्याला स्वीकारलं नाही. आम्ही एकमेकांचे चांगले मित्र आहोत असंच दोघे म्हणत आले. दिशाच्या चित्रपटांबद्दल बोलायचे झाल्यास ती लवकरच सलमान खानच्या आगामी 'भारत' या चित्रपटात झळकणार आहे. सलमान आणि कतरिना कैफची मुख्य भूमिका असलेल्या या चित्रपटात दिशा महत्त्वाची भूमिका साकारणार आहे.
