“पंडित रविशंकरजींनी मला भारतरत्न बनवले”; शेवटच्या मुलाखतीमध्ये लता मंगेशकर यांनी व्यक्त केलेल्या भावना

काही महिन्यांपूर्वी लतादीदींनी एक मुलाखत दिली होती. ही त्यांची शेवटची मुलाखत असल्याचे बोललं जात आहे. गेल्यावर्षी डिसेंबर महिन्यामध्ये मध्य प्रदेशातील राजा मान सिंह तोमर संगीत विद्यापीठ ग्वाल्हेरला त्यांनी मुलाखत दिली होती. प्रसिद्ध लेखक दिनेश पाठक यांनी लतादीदींशी फोनवर चर्चा करत ही मुलाखत घेतली होती. यावेळी त्यांनी लतादीदींना अनेक प्रश्न विचारले होते.

आणखी वाचा

“तू मला आधी का नाही भेटलास?” म्हणत हृता दुर्गुळेने ‘या’ मराठी अभिनेत्याबरोबरचा फोटो केला शेअर

१४ डिसेंबर पंचांग: आज १२ पैकी ‘या’ राशींवर…

Indira Gandhi: “इंदिरा गांधींना आणीबाणीचा पश्चात्ताप होत होता”, नजमा हेपतुल्ला यांचा आत्मचरित्रात दावा; विश्वासू व्यक्तींबाबतही होती तक्रार!

जयवंत वाडकर यांच्या लेकीला पाहिलंत का? झाली नामांकित कंपनीची ब्रँड अँबॅसेडर, मराठी कलाकारांकडून कौतुकाचा वर्षाव

रेखा यांनी सांगितला अमिताभ बच्चन यांच्याबरोबर ‘सुहाग’ या चित्रपटात काम करण्याचा अनुभव, म्हणाल्या, “ज्यांच्याबरोबर मी…”

Sachin Tendulkar Meet Vinod Kambli : सचिन भेटायला आला पण विनोद कांबळीला उभंही राहता आलं नाही, मैत्रीतला ‘तो’ क्षण राज ठाकरेही पाहातच राहिले!

“जितकं आपण या अभिनेत्रीला…”, चिन्मय मांडलेकरने निवेदिता सराफांचं भरभरून कौतुक करत केली खंत व्यक्त, म्हणाला…

Pushpa 2 : हिंदी डबसाठी पुन्हा एकदा मराठमोळ्या श्रेयस तळपदेचा आवाज! अल्लू अर्जुनबद्दल म्हणाला, “आत्मविश्वास, स्वॅग अन्…”

“त्यांची गाणी ऐकून…”, पाकिस्तानचे पंतप्रधान इम्रान खान यांनी लतादीदींना वाहिली श्रद्धांजली

‘लतादीदी १९९९ मध्ये पंडित रविशंकर जी यांना भारतरत्न देण्यात आला आणि त्यानंतर २००१ मध्ये तुम्हाला भारतरत्न देण्यात आला. हा विशेष योगायोग होता का? यावर तुम्ही काय सांगाल?’ असा प्रश्न विचारण्यात आला. त्यावर त्या म्हणाल्या, “यावर मी काय बोलणार, ते भारतरत्न नव्हे, तर ते विश्वरत्न होते. मी काहीच नाही. त्यांनी मला भारतरत्न बनवले. मला मिळालेला हा सन्मान आमच्या सरकारचे दायित्व आहे.”

‘यावर तुम्ही दोघंही आपापल्या जागेवर अद्वितीय आहात’, असे पाठक म्हणाले. यावर लतादीदी पुढे म्हणाल्या, “मी माझ्या जागी अद्वितीय आहे कारण माझा जन्म इंदौरमध्ये झाला आणि मी स्वतःला मध्य प्रदेशातील समजते. मी आणि माझी बहीण, आमच्या दोघांचा जन्मही तिथेच झाला. माझी मावशी तिथे राहायची. माझी आजीपण त्यावेळी त्यांच्या घरी आली होती, असे ऐकले आहे. सर्वजण माझ्या आईची काळजी घेत होते.”

“जरा तरी लाज बाळग…”, कारमधला डान्स व्हिडीओ शेअर केल्याने अंकिता लोखंडे झाली ट्रोल

‘तुमचा जन्म मध्य प्रदेशात झाला. ही आमच्यासाठी खूप अभिमानाची बाब आहे’, असे पाठक यांनी लतादीदींना सांगितले. त्यावर त्या म्हणाल्या, “मीही ऐकले आहे की जिथे माझा जन्म झाला, तिथे त्यांनी एक फलक लावला आहे. मध्य प्रदेशातील जनतेसाठी हा मोठा आशीर्वाद आहे. मी जेव्हा-जेव्हा येथे आली आहे, तेव्हा मला लोकांकडून खूप प्रेम आणि आदर मिळाला आहे.”

‘मध्यप्रदेशात दरवर्षी लता मंगेशकर यांच्या नावाने पुरस्कारही दिला जातो, त्यावर तुमचे मत काय?’ यावर उत्तर देताना लतादीदी म्हणाल्या, “हो, मला माहीत आहे. अर्जुन सिंह मुख्यमंत्री असताना त्यांनी मला तुमच्या नावाने पुरस्कार द्यायचा आहे, असे सांगितले होते. मी तेव्हा म्हटलं, तुमची इच्छा. मी इंदौरला, मध्यप्रदेशला आपलं मानते. त्यामुळे जर तुम्ही माझ्या नावावर १० रुपयांचे बक्षीस दिले तर ती माझ्यासाठी खूप सन्मानाची बाब असेल.”