केंद्रीय मंत्री असूनही स्मृती इराणींना ‘द कपिल शर्मा शो’च्या सेटवर जाण्यासाठी गेटकिपरने दिली नाही एण्ट्री

आज स्मृती ‘द कपिल शर्मा शो’च्या सेटवर गेल्या होत्या तेव्हा ही घटना घडली आहे.

smriti irani, kapil sharma, the kapil sharma show,
आज स्मृती 'द कपिल शर्मा शो'च्या सेटवर गेल्या होत्या तेव्हा ही घटना घडली आहे.

छोट्या पडद्यावरील ‘द कपिल शर्मा शो’ हा लोकप्रिय कॉमेडी शो आहे. या शोमध्ये अनेक सेलिब्रिटी हजेरी लावतात. यावेळी केंद्रीय मंत्री स्मृती इराणी या द कपिल शर्मा शोमध्ये हजेरी लावणार होत्या. तिथे त्या त्यांच्या पुस्तकाच्या प्रमोशनसाठी हजेरी लावणार होत्या. मात्र, काही कारणांमुळे तो एपिसोड रद्द करण्यात आला असल्याचे म्हटले जाते.

‘स्पॉटबॉय’ने दिलेल्या वृत्तानुसार, स्मृती इराणी ‘द कपिल शर्मा शो’मध्ये त्यांच्या पुस्तकाच्या प्रमोशनसाठी जात होत्या. एपिसोडचे चित्रीकरण आज म्हणजे २४ नोव्हेंबर होणार होते, परंतू ते झाले नाही. जेव्हा स्मृती इराणी गेटवर पोहोचल्या तेव्हा गेटकीपरने त्यांना ओळखले नाही, असे सांगितले जात आहे. स्मृती यांच्या ड्रायव्हरला सेटवर असलेल्या गेटकीपरने थांबवून आत जाण्यास नकार दिला. ड्रायव्हर आणि गेटकीपरमध्ये वाद झाल्याचे वृत्त आहे. गेटकीपर म्हणाला, “आत पाठवण्याची ऑर्डर मिळाली नाही.” यानंतर संतापलेल्या स्मृती शूट न करताच परतल्याचे म्हटले जाते.

आणखी वाचा : निलेश साबळेने पाया पडून मागितली नारायण राणेंची माफी; जाणून घ्या कारण

या गोष्टीविषयी ना स्मृती यांनी काही स्पष्टीकरण दिलं नाही कपिलने यावर काही वक्तव्यं केलं आहे. दरम्यान, स्मृती इराणी यांच्या पुस्तकाच नाव ‘लाल सलाम’ आहे. आता हा एपिसोड कधी शूट होणार याकडे सगळ्यांचे लक्ष लागून आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Smriti irani did not reach the kapil sharma show for shoot due to misunderstanding between her driver and gatekeeper say reports dcp

ताज्या बातम्या