27 February 2021

News Flash

आमच्या सेलिब्रेशनची तारीखही सांगा, मुस्लिम आरक्षणासाठी एमआयएम आक्रमक

हे सरकार मुस्लिम विरोधक आहे. आरक्षण देण्याची त्यांची नियत नाही. मराठ्यांना आरक्षण देत आहात. मग आम्हालाही द्या.

एमआयएमचे आमदार वारिस पठाण

राज्य सरकारने मराठा समाजाला आरक्षण देण्याची तयारी सुरु केली आहे. आता मुस्लिम समाजाच्या आरक्षणासाठी एमआयएमचे आमदारही आक्रमक झाले आहेत. येत्या एक डिसेंबरला मराठा समाजाने जल्लोषाची तयारी करावी, असे आवाहन मुख्यमंत्री देवेंद्र फडणवीस यांनी केले होते. एमआयएमचे आमदार वारिस पठाण यांनी मुस्लिम समाजाने जल्लोष कधी करायचा याची मुख्यमंत्रीसाहेबांनी तारीख सांगावी, अशी मागणी केली आहे. मराठा समाजाला आरक्षण देत असाल तर आम्हालाही आरक्षण पाहिजे, अशी भूमिका मांडत हे सरकार मुस्लिम विरोधी असल्याचा गंभीर आरोपही त्यांनी केला.

यावेळी एमआयएमचे औरंगाबादचे आमदार इम्तियाज जलाल हेही होते. दोन्ही आमदारांनी मुस्लिम आरक्षणाच्या मागणीचे बॅनर घेऊन विधीमंडळ परिसरात प्रवेश केला होता. आमदार पठाण म्हणाले, हे सरकार मुस्लिम विरोधक आहे. आरक्षण देण्याची त्यांची नियत नाही. मराठ्यांना आरक्षण देत आहात. मग आम्हालाही द्या. एक तारखेला तुम्ही मराठा समाजाला आरक्षण देत आहात. मग आम्हाला खूशखबर कधी देणार, असा सवाल उपस्थित केला. मुस्लिम समाजही आरक्षणाच्या प्रतिक्षेत असल्याचे ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 19, 2018 4:00 pm

Web Title: aimim party demands muslim reservation as early as possible mla waris pathan
Next Stories
1 मराठा आरक्षणावर मुंबई हायकोर्टात बुधवारी सुनावणी
2 ओबीसींमध्ये उपप्रवर्ग तयार करुन मराठ्यांना आरक्षण द्या : विखे पाटील
3 ‘या सरकारचं करायचं काय, खाली डोके वर पाय’, विरोधकांकडून घोषणाबाजी
Just Now!
X