24 October 2020

News Flash

कोपर स्टेशनवर पेंटाग्राफमध्ये ठिणग्या, मध्य रेल्वेची वाहतूक विस्कळीत

मध्य रेल्वेच्या अप आणि डाऊन मार्गावरची वाहतूक विस्कळीत झाली आहे

मध्य रेल्वे मार्गावरच्या कोपर स्टेशनवर पेंटाग्राफमध्ये ठिणग्या पडल्या आहेत. त्यामुळे अप आणि डाऊन मार्गावरची वाहतूक विस्कळीत झाली आहे. अप आणि डाऊन या दोन्ही मार्गावरची वाहतूक विस्कळीत झाल्याचे वृत्त आहे. ओव्हरहेड वायरमध्येही बिघाड झाल्याचे समजते आहे. कोपर स्टेशनवरही लाईट गेले आहेत अशीही माहिती समोर आली आहे. चाकरमानी घरी पोहचतानाच ही घटना घडली आहे.

धीम्या मार्गावरची अप आणि डाऊन दिशेची वाहतूक विस्कळीत झाली आहे. कोपर स्टेशनवर पेंटाग्राफ दुरूस्तीचं काम हाती घेण्यात आलं आहे. मात्र यामध्ये पावसाचा अडसर येतो आहे. बिघाड दुरूस्त करून वाहतूक पूर्ववत करण्याचे प्रयत्न सुरू आहे. कल्याण स्टेशनवर यासंदर्भातली उद्घोषणा केली जाते आहे. तांत्रिक बिघाड झाल्याने लांब पल्ल्याच्या आणि लोकल गाड्यांची वाहतूक धीम्या गतीने होत असल्याचीही घोषणा कल्याण स्थानकावर केली जाते आहे. सगळ्या लोकल स्टेशनवर पोहचण्यासाठी सुमारे ३० ते ४० मिनिटांचा अवधी लागतो आहे. सीएसएमटीहून निघालेली आणि कल्याणला ९.०४ मिनिटांनी पोहचणारी ट्रेन आत्ता कल्याण स्थानकात पोहचते आहे.

दरम्यान ठाणे, कल्याण, डोंबिवली, बदलापूर या भागांमध्ये पावसाला सुरूवात झाली आहे. पाऊस पडत असल्याने कल्याण, बदलापूरच्या काही भागांमध्ये लाईटही गेली आहे. कोपर स्थानकावरही लाईट नाहीत. या ठिकाणी पेंटाग्राफमधून ठिणग्या कोसळल्याने मध्य रेल्वेची वाहतूक विस्कळीत झाली आहे. कल्याणच्या दिशेने जाणाऱ्या आणि छत्रपती शिवाजी महाराज टर्मिनसच्या दिशेने येणाऱ्या अशा दोन्ही लोकल वाहतुकीवर परिणाम झाला आहे. नोकरीवरून घरी जाणाऱ्या प्रवाशांना घरी जाण्यास उशीर होतो आहे आणि त्यांच्या मनस्तापात भर पडते आहे असे म्हटले तरीही वावगे ठरणार नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 10, 2019 9:36 pm

Web Title: pentagraph problem at kopar station central train affected scj 81
Next Stories
1 कल्याण, बदलापुरात ढगांच्या गडगडाटासह पावसाच्या सरी
2 मुंबईतल्या पोलीस कॉन्स्टेबलचा महिला सहकाऱ्यावर बलात्कार
3 कर्नाड यांच्या निधनामुळे कला, साहित्य क्षेत्रातील महान व्यक्त‍िमत्त्वाचा अस्त: मुख्यमंत्री
Just Now!
X