scorecardresearch

Premium

गोरेगावमधील ‘त्या’ सोसायट्यांना अखेर एकत्रित पुनर्विकास करावा लागणार! व्यावसायिक सदनिकाधारकांच्या स्वतंत्र पुनर्विकासाच्या प्रयत्नांना सुरुंग

तिन्ही संस्थांची सुनावणी घेऊन एकत्रित पुनर्विकासाबाबत आदेश जारी करण्याच्या सूचना म्हाडा उपाध्यक्षांनी दिल्या आहेत. 

63-year-old co-operative housing societies Unnatanagar Goregaon West undergo joint redevelopment mumbai
गोरेगावमधील ‘त्या’ सोसायट्यांना अखेर एकत्रित पुनर्विकास करावा लागणार! (संग्रहित छायाचित्र)

मुंबई: गोरेगाव पश्चिम येथील उन्नतनगर तीनमधील ६३ वर्षे जुन्या सहकारी गृहनिर्माण संस्थेतून रस्त्यालगत असलेल्या ‘अनधिकृत’ व्यावसायिक सदनिकाधारकांच्या दोन स्वतंत्र गृहनिर्माण संस्थांना म्हाडा उपनिबंधकांनी मान्यता दिल्यामुळे एकत्रित पुनर्विकासात निर्माण झालेल्या पेचावर तोडगा काढण्याची जबाबदारी मुंबई गृहनिर्माण मंडळावर सोपविण्यात आली आहे. तिन्ही संस्थांची सुनावणी घेऊन एकत्रित पुनर्विकासाबाबत आदेश जारी करण्याच्या सूचना म्हाडा उपाध्यक्षांनी दिल्या आहेत. 

उन्नतनगर विभाग तीनमधील मूळ सहकारी गृहनिर्माण संस्थेत १८ ब्लॉक्समध्ये (प्रत्येकी आठ रहिवाशी) एकूण १४४ रहिवाशी होते. यापैकी एक ते तीन आणि चार ते सहा ब्लॉकमधील दोन स्वतंत्र सहकारी गृहनिर्माण संस्थेला म्हाडा उपनिबंधक अदिनाथ दगडे यांनी मान्यता दिली. या नव्या संस्थांमध्ये सर्वाधिक रहिवाशी अनधिकृतपणे व्यावसायिक वापर करीत आहेत. या रहिवाशांनी मोकळी जागाही अतिक्रमित करून व्यावसायिक वापर सुरू केला आहे. या सर्व सदनिका १८ मीटर रस्त्याला लागून आहेत. या दोन स्वतंत्र संस्था झाल्याने या वसाहतीच्या एकत्रित पुनर्विकासाला फटका बसला. एकत्रित पुनर्विकासात या वसाहतीला चार इतके चटईक्षेत्रफळ मिळू शकले असते. आता मात्र तिन्ही सहकारी संस्थांना तीन इतक्या चटईक्षेत्रफळावर समाधान मानावे लागणार आहे.

police leave encashment
रजा रोखीकरण रद्द केल्याने पोलीस दलात नाराजी, पोलिसांनी समाजमाध्यमांवर व्यक्त केला संताप
Finance Minister Nirmala Sitharaman
Money Mantra : अर्थमंत्री निर्मला सीतारमण यांच्या घोषणेचा तुम्हाला इन्कम टॅक्समध्ये फायदा होणार का?
The black paper released by the Congress on Thursday criticized the bjp
१० वर्षांत ४११ आमदारांची फोडाफोडी; काँग्रेसच्या काळय़ापत्रिकेत भाजपवर टीकास्त्र
Rohit pawar ED inquiry Baramati Agro Ltd Yuva Sangharsh Yatra
‘आवाज उठवणाऱ्या’च्या मागेच चौकशीचे शुक्लकाष्ठ!

हेही वाचा… भाजपचे आता महालक्ष्मी व्रत; महालक्ष्मी साहित्यामधून प्रचाराचा फंडा

याबाबतचे वृत्त ‘लोकसत्ता’ने प्रसिद्ध केले होते. या वृत्ताची दखल घेऊन म्हाडा उपाध्यक्ष संजीव जैस्वाल यांनी हे आदेश दिले. 
संस्थेचा एकत्रित पुनर्विकास करण्याचे ठरवून निविदा मागविण्यासाठी जाहिरात प्रसिद्ध करण्यात आली, त्याच काळात या अनधिकृत व्यावसायिक वापर करणाऱ्या १ ते ३ व ४ ते ६ ब्लॉकमधील रहिवाशांनी वेगळी चूल मांडली. महाराष्ट्र सहकार कायदा कलम १८ मधील नियम १७ अन्वये मूळ संस्थेची मान्यता घेणे आवश्यक होते. मात्र तसे न करता म्हाडा उपनिबंधकांनी दोन स्वतंत्र संस्थांना मान्यता दिली. स्वयंपुनर्विकासाचा दावा करणाऱ्या या गुंतवणूकदार रहिवाशांची क्षमता आहे. मात्र इतर रहिवाशांची तशी परिस्थिती नाही. त्यामुळेच स्वयंपुनर्विकासाचा प्रस्ताव फेटाळण्यात आला, याकडे मूळ संस्थेचे सचिव अजय नाईक यांनी लक्ष वेधले. 

हेही वाचा… पालिकेच्या विभाग कार्यालयात उंदीर आणि घुशी सोडणार; मनसेचा इशारा

१ ते ३ व ४ ते ६ ब्लॉक सहकारी संस्थेच्या वतीने वास्तुरचनाकार अरविंद नांदापूरकर यांनी मात्र या आरोपांचा इन्कार केला. घाईघाईत विकासकामार्फत पुनर्विकास करण्यास आमचा विरोध आहे. या परिसरात अनेक प्रकल्प रखडले असल्याचा अनुभव गाठीशी असल्याने आमचा स्वयंपुनर्विकासाचा आग्रह होता. मात्र तो बहुमताने फेटाळण्यात आला. त्यामुळे आम्हाला स्वतंत्र संस्था स्थापन कराव्या लागल्या. व्यावसायिक सदनिकाधारक केवळ आमच्याच नव्हे तर इतर १२ चाळीतही आहेत. उन्नत नगरात याआधीही आणखी काही संस्थांनाही स्वतंत्र संस्था म्हणून मान्यता मिळालेली आहे. आम्ही स्वतंत्र झाल्याने एकूण पुनर्विकासावर परिणाम होणार नाही, असा दावाही त्यांनी केला.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 63 year old co operative housing societies in unnatanagar in goregaon west will eventually have to undergo joint redevelopment mumbai print news dvr

First published on: 06-12-2023 at 18:00 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×