मुंबई : मध्य रेल्वेच्या मुंबई विभागाने विविध अभियांत्रिकी आणि देखभालीची कामे करण्यासाठी विद्याविहार – ठाणे स्थानकांदरम्यान पाचव्या आणि सहाव्या मार्गावर रविवारी मेगा ब्लॉक घेण्याचा निर्णय घेतला आहे. या ब्लॉकमुळे दिवाळीनिमित्त खरेदीसाठी मुंबईत येणाऱ्या प्रवाशांना अवेळी लोकल सेवेचा त्रास सहन करावा लागेल. तर, दिवाळीमुळे पश्चिम रेल्वेवर कोणताही ब्लॉक घेण्यात आलेला नाही.
मध्य रेल्वे
मुख्य मार्ग
कुठे : विद्याविहार आणि ठाणे स्थानकांदरम्यान पाचव्या आणि सहाव्या मार्गावर
कधी : सकाळी ८.०० ते दुपारी १.३० दरम्यान
परिणाम : ब्लॉक कालावधीत लांबपल्ल्याच्या रेल्वेगाड्या अप आणि डाऊन जलद मार्गावर वळवण्यात येतील.
हार्बर मार्ग
कुठे : सीएसएमटी – चुनाभट्टी/ वांद्रे स्थानकांदरम्यान
कधी : सकाळी ११ ते दुपारी ४.४० दरम्यान
परिणाम : ब्लॉक कालावधीत सीएसएमटीहून वाशी / बेलापूर / पनवेलला जाणाऱ्या डाऊन हार्बर मार्गावरील लोकल सकाळी ११.१६ ते दुपारी ४.४७ आणि सीएसएमटीहून वांद्रे / गोरेगावला जाणाऱ्या डाउन हार्बर मार्गावरील लोकल सेवा सकाळी १०.४८ ते दुपारी ४.४३ दरम्यान बंद राहतील. पनवेल / बेलापूर / वाशी येथून सुटणाऱ्या सीएसएमटीसाठी अप हार्बर मार्गावरील लोकल सकाळी ९.५३ पासून ते दुपारी ३.२० पर्यंत आणि गोरेगाव / वांद्रे येथून सुटणाऱ्या सीएसएमटीसाठी अप हार्बर मार्गावरील लोकल सेवा सकाळी १०.४५ पासून ते सायंकाळी ५.१३ पर्यंत बंद राहतील. ब्लॉक कालावधीत पनवेल – कुर्लादरम्यान विशेष लोकल सेवा चालवण्यात येतील. ब्लॉक कालावधीत हार्बर मार्गावरील प्रवाशांना मुख्य मार्ग आणि पश्चिम रेल्वेतून सकाळी १० ते सायंकाळी ६ दरम्यान प्रवास करण्याची परवानगी आहे.
