नाशिक : नाशिकच्या जागेवरून महायुतीत निर्माण झालेले त्रांगडे अखेर तीन आठवडयांनी दूर होण्याच्या मार्गावर असून हा मतदारसंघ शिवसेना शिंदे गटाला मिळण्याचा मार्ग मोकळा झाला आहे. आता शिंदे गटाकडून विद्यमान खासदार हेमंत गोडसे यांना पुन्हा संधी दिली जाईल की, नवा चेहरा म्हणून जिल्हाप्रमुख अजय बोरस्ते यांना रिंगणात उतरविण्यात येईल, याची उत्सुकता आहे.

महायुतीतील तीनही पक्षांच्या दावेदारीमुळे वादाच्या भोवऱ्यात सापडलेला नाशिक मतदारसंघ शिंदे गटाला राखता येईल की नाही, याबद्दल साशंकता होती. भाजपने नाशिक हा आपला बालेकिल्ला असल्याचा दावा केला होता. तर, राष्ट्रवादी अजित पवार गटाने साताऱ्याच्या बदल्यात नाशिकची मागणी केली होती. त्यातच भाजपचे नेते, केंद्रीय गृहमंत्री अमित शहा यांनी छगन भुजबळ यांचे नाव उमेदवारीसाठी पुढे केल्याने सर्व समीकरणे बदलली होती. प्रारंभी शिंदे गटाचे खासदार गोडसे यांच्या उमेदवारीला विरोध करून नाशिकच्या जागेवर दावा करणाऱ्या भाजप पदाधिकाऱ्यांचा स्वर भुजबळांचे नाव आल्यानंतर बदलला.

N.M. Joshi Marg, BDD Redevelopment,
ना.म. जोशी मार्ग बीडीडी पुनर्विकास : म्हाडाने काढलेली घरांची सोडत रहिवाशांना अमान्य, भेदभाव झाल्याचा आरोप, न्यायालयात धाव
home guards, Kolhapur,
VIDEO : धक्कादायक ! कोल्हापुरातील होमगार्डना मुंबई पोलीस अधिकाऱ्याकडून अपमानास्पद वागणूक; शिवीगाळ केल्याचा आरोप
Municipal Corporations drainage figures are false issue white paper on drainage work Ashish Shelar demand
महापालिकेचे नालेसफाईचे आकडे खोटे, नालेसफाईच्या कामाबाबत श्वेतपत्रिका काढा; आशिष शेलार यांची मागणी
Solapur crime news, Solapur 20 gram gold stolen marathi news
सोलापूर: गोवा पर्यटन करून परतणाऱ्या दाम्पत्याची सांगोल्याजवळ वाटमारी
Narendra modi road show devendra fadnavis eknath shinde
शिवसेनेच्या बालेकिल्यात एकनाथ शिंदेंचा रोड शो का नाही? फडणवीस म्हणाले, “जनतेला ज्याचं…”
The CCTV system in the area of the godown where the EVM machine of Satara is kept has collapsed
साताऱ्याची ईव्हीएम मशिन ठेवलेल्या गोदामाच्या परिसरातील सीसीटीव्ही यंत्रणा कोलमडली; शरदचंद्र  पवार गटाची जिल्हाधिकाऱ्यांकडे तक्रार
bjp complaint against congress leader vijay wadettiwar in over hemant karkare remark
करकरेंच्या मृत्यूवरील वक्तव्य वडेट्टीवारांना भोवणार?……भाजपकडून पोलिसात तक्रार….
Nagpur, IPS, wife,
नागपूर : आयपीएस अधिकाऱ्याच्या पत्नीची छेड काढणे पडले महागात

हेही वाचा >>> “मी अयोध्येत गेलो तर त्यांना सहन झाले असते का?” काँग्रेस पक्षाध्यक्ष खरगे यांचा सवाल

जागा राखण्यासाठी शिंदे गटाच्या पदाधिकाऱ्यांनी ठाणे, मुंबई वाऱ्या करून शर्थीचे प्रयत्न सुरू ठेवले. या घटनाक्रमात भुजबळ यांनी शुक्रवारी स्वत:हून माघार घेतल्याने स्पर्धेतील प्रबळ दावेदार बाजूला झाल्याचे शिंदे गटाकडून मानले जात आहे.

भुजबळांचे आभार

भुजबळ यांच्या निर्णयाचे शिंदे गटाकडून स्वागत होत आहे. उत्तर महाराष्ट्रात नाशिक हा एकमेव मतदारसंघ शिवसेनेकडे आहे. शिवसेनेचा हा बालेकिल्ला आहे. शिवसैनिकांच्या भावनांचा आदर करून भुजबळ यांनी नाशिकमधून उमेदवारी मागे घेतल्याबद्दल जिल्हाप्रमुख अजय बोरस्ते यांनी आभार मानले. शिंदे गटाचे खासदार व इच्छुक हेमंत गोडसे यांनी शुक्रवारी त्र्यंबक राजाचे दर्शन घेऊन त्र्यंबकेश्वर तालुक्यातील काही गावांत प्रचार केला.

नवा चेहरा?

भाजपमध्ये गोडसे यांच्याविषयी नाराजी होती. अधिकृत उमेदवारी जाहीर झाल्यानंतर ही नाराजी दूर होईल, असे गोडसे यांनी नमूद केले.  मध्यंतरी गोडसे व भुजबळ यांच्या नावावरून मतभेद झाल्यानंतर महायुतीने स्थानिक पातळीवर नव्या चेहऱ्याचा शोध घेण्यासाठी सर्वेक्षण केले होते. उमेदवार निश्चितीत या सर्वेक्षणाचा आधार घेतला जाईल की गोडसेंना पुन्हा उमेदवारी देण्यात येईल, याकडे शिंदे गटासह मित्रपक्षांचेही लक्ष लागून आहे.