22 October 2020

News Flash

पुण्यातल्या भिडे पुलावरुन सेल्फी काढण्याच्या नादात दोन तरुण गेले वाहून

आज संध्याकाळच्या सुमारास भिडे पुलावर घडली घटना

संग्रहित छायाचित्र

पुणे शहरातील बाबा भिडे पुलावर एक तरुण सेल्फी काढत होता. त्यावेळी त्याचा पाय घसरून पाण्यात पडला. मित्राला वाचविण्यासाठी दुसर्‍याने पाण्यात उडी मारली. मात्र तो देखील वाहून गेल्याची घटना घडली असून अग्निशामक कर्मचार्‍यांकडून त्या तरुणाचा शोध सुरू आहे.
पुणे शहर आणि जिल्ह्यात जोरदार पाऊस सुरू आहे. तसेच शहराला पाणी पुरवठा करणार्‍या धरण क्षेत्रात देखील दमदार हजेरी लावल्याने, धरणातून पाण्याचा विसर्ग सोडण्यात आला आहे. त्यामुळे मुळा मुठा नदीमधून वाहत जाणारे पाणी पाहण्यास, आज संध्याकाळच्या सुमारास भिडे पुलाच्या तिथे तिघे मित्र आले होते.

त्या तिघांपैकी दोघे सेल्फी काढत होते. तेवढ्यात एकाच पाय घसरला आणि पाण्यात पडला. मित्र वाहत जात असल्याचे दिसताच मित्राने देखील त्याला वाचविण्यासाठी पाण्यात उडी मारली. मात्र पाण्याचा प्रवाह जोरात असल्याने तो देखील बुडला. या घटनेची माहिती अग्निशमन विभागाला मिळताच घटनास्थळी धाव घेऊन त्या दोन तरुणाचा शोध सुरु केल्याची माहिती अग्निशमन दलाने दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 16, 2020 8:10 pm

Web Title: two youngsters fall in the water while taking a selfie from a bhide bridge in pune scj 81 svk 88
Next Stories
1 दिवाळीच्या आधी शाळा सुरु करणे अशक्य-अजित पवार
2 पुणे : तरुणीची आत्महत्या, प्रियकराला पाठवलेल्या शेवटच्या मेसेजमध्ये म्हणाली…
3 आम्ही दिलदार आहोत : सुप्रिया सुळेंचा चंद्रकांत पाटलांना टोला
Just Now!
X