scorecardresearch

Premium

अजित पवारांचा गणेश मंडळांना इशारा, म्हणाले, ‘ध्वनिवर्धकाच्या आवाजाबाबत कठोर कायदा…’

पवार म्हणाले की, वाढत्या प्रदूषणाला सर्वजण जबाबदार आहेत.

DCM Ajit Pawar warned Ganesh Mandals take out processions without loudspeakers pune
अजित पवारांचा गणेश मंडळांना इशारा, म्हणाले, 'ध्वनिवर्धकाच्या आवाजाबाबत कठोर कायदा…' (फोटो सौजन्य- लोकसत्ता ग्राफिक्स टीम)

पिंपरी: गणेश विसर्जन मिरवणुकीतील ध्वनिवर्धकांच्या (डीजे) आवाजामुळे काहींचे कान बहिरे झाले तर काहींना हृदयविकाराचा धक्का बसला. लेझर बीममुळे अनेकांच्या डोळ्यांना इजा होते. याबाबतचे धोके वैद्यकीय क्षेत्रातील लोक सांगतात. त्यामुळे ध्वनिवर्धक विरहित मिरवणुका काढाव्यात. नाईलाजास्तव याबाबत कठोर कायदा करायला भाग पाडू नका असा इशारा उपमुख्यमंत्री अजित पवार यांनी गणेश मंडळांना दिला.

अजित पवार गटातर्फे घेण्यात आलेल्या सार्वजनिक गणेशोत्सव आणि गौरी गणपती सजावट स्पर्धेचे बक्षीस वितरण त्यांच्या हस्ते झाले. आकुर्डीत शुक्रवारी झालेल्या कार्यक्रमाला शहराध्यक्ष अजित गव्हाणे, आमदार अण्णा बनसोडे, विलास लांडे उपस्थित होते.

mahendra thorve dada bhuse news
विधानभवनात शिंदे गटाचे आमदार थेट मंत्र्यांनाच भिडले; कारण विचारताच म्हणाले, “…म्हणून माझी दादा भुसेंशी बाचाबाची झाली!”
Rahul Narwekar
राहुल नार्वेकर आता लोकसभेत जाणार? खासदारकीच्या उमेदवारीबाबत स्पष्ट केली भूमिका; म्हणाले, “केंद्रात…”
jitendra awhad dhananjay munde
“गद्दारी रक्तात असलेल्यांना…”, शरद पवारांपाठोपाठ आव्हाडांचीही धनंजय मुंडेंवर टीका; म्हणाले, “तुमची लायकी…”
ajit pawar
भर सभेत अजित पवारांचे मुख्यमंत्रिपदावर भाष्य, कार्यकर्त्यांना उद्देशून म्हणाले; “बाबांनो जरा…”

पवार म्हणाले की, वाढत्या प्रदूषणाला सर्वजण जबाबदार आहेत. जबाबदारीचे भान कोणाच्या लक्षात येत नाही. प्रदूषणामुळे वेगवेगळे आजार, साथी येत आहेत. रुग्णांची संख्या वाढत आहे. अनेक समस्यांना सामोरे जावे लागत आहे. ग्लोबल वार्मिंगचे संकट दारावर आले आहे. राज्याच्या अनेक भागात सरासरीपेक्षा कमी पाऊस पडला. ब-याच ठिकाणी दुष्काळ सदृश परिस्थिती निर्माण झाली आहे. त्यामुळे गरजेपुरते पाणी वापरावे. पाण्याची बचत करावी, अपव्यय टाळावा.

हेही वाचा… अजित पवारांची भाजपवर टीका, म्हणाले, पिंपरी- चिंचवडची विकासाची घडी बिघडली…’

देशात नरेंद्र मोदी यांच्याशिवाय मजबूत नेतृत्व आपल्यापुढे नाही. त्यांच्याकडे विकासाची दिशा आहे. देशाला जगामध्ये एका महत्वाच्या स्थानावर पोहोचविले आहे. जगातील अनेक देशांचा भारताकडे बघण्याचा दृष्टीकोन बदलला आहे. महायुती सरकारमध्ये काम करताना सर्व जाती-धर्माच्या लोकांना न्याय मिळाला पाहिजे अशी भूमिका आहे. विचारांशी प्रतारणा, ध्येय-धोरणांशी तडजोड होणार नाही, हे कटाक्षाने पाहता असतो.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Dcm ajit pawar warned the ganesh mandals to take out processions without loudspeakers pune print news ggy 03 dvr

First published on: 21-10-2023 at 11:11 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×