पुणे : पावसाळ्यातील हवेत आर्द्रतेचे प्रमाण अधिक असल्याने त्याचा लहान मुलांच्या आरोग्यावर परिणाम होतो. यामुळे पावसाळा सुरू झाल्यापासून मुले आजारी पडण्याचे प्रमाण वाढले आहे. प्रामुख्याने सर्दी आणि तापाच्या तक्रारी अधिक दिसून येत आहेत. या पार्श्वभूमीवर खबरदारी घेण्याचा सल्ला आरोग्यतज्ज्ञांनी दिला आहे.

पावसाळ्यात मुलांना सर्दी, जुलाब आणि त्वचाविकारांचा सर्वाधिक त्रास होतो. याशिवाय मुलांमध्ये डोकेदुखी, ताप, बद्धकोष्ठता, भूक न लागणे अशी अनेक लक्षणे दिसतात. डेंग्यू, हिवताप आणि चिकुनगुनियाचे रुग्ण पावसाळ्यात जास्त नोंदवले जातात. ही लक्षणे लहान मुलांमध्ये दिसल्यास पालकांनी दुर्लक्ष न करता वेळीच डॉक्टरांचा सल्ला घ्यावा. पावसाळ्यात डास आणि माश्या वाढतात. माश्या अन्नावर बसतात तेव्हा अन्नातूनही अनेक रोग पसरतात. पावसाळ्यातील ओलाव्यामुळे विषाणू आणि जिवाणूही वाढतात. त्यामुळे फ्लू, दमा, ॲलर्जी होण्याची शक्यता असते, असे आरोग्यतज्ज्ञ डॉ. संजय नगरकर यांनी सांगितले.

Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
a girl child student sleeping in class watch funny video goes viral will make you remember your school days or childhood
भर वर्गात चिमुकलीची झोप सुटेना! डुलकी घेता घेता शेवटी… पाहा मजेशीर VIDEO
riteish deshmukh greets madhuri dixit
Video : अंबानींच्या समारंभात माधुरी दीक्षितला पाहताच रितेश देशमुखने केलं असं काही…; अभिनेत्याचं सर्वत्र होतंय कौतुक
Never Eat These Food Items With Tea
चहाच्या घोटासह चुकूनही खाऊ नका हे ६ पदार्थ; अचानक पोटात पित्त का वाढतं हे आहार तज्ज्ञांकडूनच जाणून घेऊया
cheerful angry stubborn know women personality traits behaviors according to their birthday month from January to december
लाजाळू, आनंदी कि जिद्दी आहे तुमची पत्नी? जानेवारी ते डिसेंबर, वाढदिवसाच्या महिन्यानुसार जाणून घ्या स्त्रियांचा स्वभाव
Ambernath, Badlapur, water,
अंबरनाथ, बदलापुरकरांनो पाण्याबाबत अतिरिक्त काळजी घ्या, जीवन प्राधिकरणाचे नागरिकांना आवाहन; तक्रारीसाठी क्रमांक जाहीर
Did you ever notice this mistake in Navra Mazha Navsacha movie
Video: ‘नवरा माझा नवसाचा’ चित्रपटातील ‘ही’ चूक कधी तुम्हाला लक्षात आली का? व्हिडिओ होतोय व्हायरल

हेही वाचा : राज्यात ७८ तालुक्यांत अत्यल्प पाऊस, अवघ्या २४ टक्के क्षेत्रावर पेरणी

पाऊस पडल्यानंतर अनेक ठिकाणी अस्वच्छ पाणी साचते. अनेकदा मुले पावसाच्या पाण्यात खेळतात. लहान मुले कुठेही स्पर्श करतात आणि नंतर हाताची बोटे तोंडात घालतात. त्यामुळे ती आजारी पडण्याची शक्यता जास्त असते. पालकांनी मुलांना अस्वच्छ पाण्यात खेळू देऊ नये. याचबरोबर घराभोवती पावसाचे पाणी साचणार नाही याची काळजी घ्यावी, असा सल्ला बालरोगतज्ज्ञ डॉ अभिमन्यू सेनगुप्ता यांनी दिला.

पावसाळ्यात कोणती काळजी घ्याल?

  • पिण्यासाठी शुद्ध पाण्याचा वापर करावा.
  • उघड्यावरील आणि शिळ्या अन्नाचे सेवन टाळावे.
  • पिण्याचे पाणी उकळून घ्यावे.
  • थंडी, ताप, अतिसार झाल्यास तातडीने डॉक्टरांना दाखवावे.
  • पाणी पाच दिवसांपेक्षा जास्त काळ साठवून ठेवू नये.
  • घराभोवतीचा परिसर स्वच्छ ठेवावा.

हेही वाचा : Porsche Car Accident : पोर्श कार अपघात प्रकरणातील आरोपीच्या वडीलांना जामीन मंजूर, पण तरीही कोठडीतच राहावं लागणार

पावसाळा सुरू झाल्याने पिण्याच्या पाण्यातून जलजन्य आजारांचा प्रसार होण्याचा धोका आहे. त्यामुळे नागरिकांनी पिण्याचे पाणी उकळून घ्यावे. याचबरोबर सर्दी, ताप, जुलाब यांसारखी लक्षणे दिसल्यास तातडीने नजीकच्या महापालिकेच्या दवाखान्यात उपचार घ्यावेत.

डॉ. कल्पना बळीवंत, प्रभारी आरोग्य अधिकारी, महापालिका