News Flash

भारतात २४ तासात आढळले ५७,९८२ नवे करोना रुग्ण; एकूण रुग्णसंख्या २६ लाखांच्या पार

देशभरात तीन कोटी ४१ हजार ४०० नमुन्यांची झाली चाचणी

प्रतिकात्मक छायाचित्र

भारतात करोनाचा संसर्ग वेगाने वाढतच असल्याचे चित्र आहे. गेल्या चोवीस तासांत देशात ५७,९८२ नवे करोनाबाधित आढळून आले आहेत. तर ९४१ रुग्णांचा मृत्यू झाला आहे. त्यामुळे देशातील एकूण रुग्णसंख्या आता २६ लाखांच्या पार पोहोचली आहे. आरोग्य मंत्रालयाने सोमवारी सकाळी ही आकडेवारी जाहीर केली.

आजच्या ताज्या आकडेवारीनुसार, देशातील करोनाबाधित रुग्णांची एकूण संख्या २६ लाख ४७ हजार ६६४ झाली आहे. यांपैकी ५० हजार ९२१ जणांचा मृत्यू झाला आहे. तर १९ लाख १९ हजार ८४३ रुग्ण बरे झाले आहेत. ६ लाख ७६ हजार ९०० अॅक्टिव रुग्ण आहेत. करोना संक्रमितांच्या संख्येच्या हिशोबानं भारत जगातील तिसरा सर्वाधिक बाधित देश बनला आहे.

तर आयसीएमआरच्या माहितीनुसार, देशात १६ ऑगस्टपर्यंत एकूण तीन कोटी ४१ हजार ४०० नमुन्यांची चाचणी झाली आहे. रविवारी एका दिवसात ७ लाख ३१ हजार ६९७ नमुन्यांची चाचणी करण्यात आली आहे.

जगभरात करोनाचा संसर्ग वाढत आहे. जॉन्स हॉपकिन्स विद्यापीठातील सेंटर फॉर सिस्टिम्स सायन्स अॅण्ड इंजिनिअरिंगच्या (सीएसएसई) माहितीनुसार, अमेरिकेत रविवारी कोविड-१९च्या बाधितांची एकूण संख्या ५४ लाखांहून अधिक झाली आहे. अमेरिकेत एकूण रुग्णसंख्या ५४,००,१८० झाली आहे. तर मृतांची एकूण संख्या १,६९,९५५ झाली आहे.

सर्वाधिक संसर्ग झालेल्या अमेरिकेतील कॅलिफोर्निया राज्यात ६,२२,४२७ बाधित आढळले आहेत. त्यानंतर फ्लोरिडात ५,७३,४१६, टेक्सासमध्ये ५,५४,८२६ तर न्यूयॉर्कमध्ये ४,२५,५०८ बाधित आढळले आहेत. सीएसएसईच्या माहितीनुसार, १,८०,००० पेक्षा अधिक रुग्णसंख्येमध्ये जॉर्जिया, इलिनोइस, अॅरिझोना आणि न्यू जर्सी या राज्यांचा समावेश आहे. आजवर बाधितांचे प्रमाण आणि मृत्यूंमध्ये अमेरिकेला सर्वाधिक फटका बसला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 17, 2020 9:56 am

Web Title: spike of 57982 cases and 941 deaths reported in india in the last 24 hours aau 85
टॅग : Coronavirus
Next Stories
1 उत्तर प्रदेशात आणखी एक हत्या; विनयभंग करणाऱ्या आरोपीनं मुलीच्या वडिलांवर केले कुऱ्हाडीने वार
2 आरटीआय कार्यकर्त्याच्या मुलाला पाच महिन्यांचा तुरुंगवास; न्यायालयात अल्पवयीन ठरल्याने सुटका
3 गणेशमूर्तीचा अवमान : बुरखाधारी महिलेविरोधात पोलिसांची कारवाई
Just Now!
X