तिसऱ्या तिमाहीतील ‘विप्रो’च्या नफ्यात दोन टक्क्यांनी वाढ

तिसऱ्या तिमाहीत विप्रोचा एकत्रित नफा २२३४.१ कोटी रुपयांवर जाऊन पोहोचला आहे

wipro, विप्रो
करांचा वाढता बोजा आणि इतर माध्यमातून येणाऱ्या उत्पन्नात झालेली घट यामुळे कंपनीच्या निव्वळ नफ्यामध्ये चौथ्या तिमाहीत घट झाली.

देशातील सॉफ्टवेअर निर्यात क्षेत्रातील बलाढ्य कंपनी ‘विप्रो’च्या एकत्रित नफ्यात डिसेंबरमध्ये संपलेल्या तिमाहीत १.८ टक्क्यांनी वाढ झाली आहे. कंपनीकडून सोमवारी ऑक्टोबर-डिसेंबर २०१५ या तिसऱ्या तिमाहीतील निकाल जाहीर करण्यात आले. काही दिवसांपूर्वीच ‘इन्फोसिस’चे तिसऱ्या तिमाहीचे निकाल जाहीर झाले होते. इन्फोसिसप्रमाणेच विप्रोनेही तिसऱ्या तिमाहीत विश्लेषकांच्या अपेक्षेपेक्षा चांगली कामगिरी केली आहे.
डिसेंबरमध्ये संपलेल्या तिसऱ्या तिमाहीत विप्रोचा एकत्रित नफा २२३४.१ कोटी रुपयांवर जाऊन पोहोचला आहे. गेल्या वर्षी याच तिमाहीत कंपनीचा निव्वळ नफा २१९२.८ कोटी इतका होता. गेल्या तिमाहीमध्ये कंपनीने ३९ नवे ग्राहक मिळवले. या तिमाहीमध्ये कंपनीने १२,९५१.६ कोटींचा महसूल मिळवला. गेल्या आर्थिक वर्षात याच तिमाहीत हा आकडा १२,०८५.१ इतका होता. कंपनीच्या माहिती-तंत्रज्ञान सेवा क्षेत्रातील महसूलामध्ये वर्षाला ९ टक्क्याने वाढ होते आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 2 percent jump in q3 profit of wipro

Next Story
खोबऱ्याच्या तेलाचा वापर टूथपेस्टमध्ये करणे शक्य
ताज्या बातम्या