Shaan Masood said Abdullah Shafiq’s stats in the first few Tests better than Virat Kohli : पाकिस्तान क्रिकेट संघ सध्या बॅकफूटवर आहे. बांगलादेशकडून घरच्या मैदानावर झालेल्या कसोटी मालिकेत दारूण पराभव स्वीकारल्यानंतर पाकिस्तान क्रिकेट संघाला सतत टीकेला सामोरे जावे लागत आहे. दरम्यान, पाकिस्तानच्या कसोटी संघाचा कर्णधार शान मसूदने आता असं एक वक्तव्य केले आहे, ज्यामुळे तो अनेकांच्या निशाण्यावर आला आहे. त्याने इंग्लंडविरुद्धच्या कसोटी मालिकेपूर्वी झालेल्या पत्रकार परिषदेत अब्दुल्ला शफीकची स्तुती करताना विराट कोहलीबद्दल मोठं वक्तव्य केले.

पाकिस्तान क्रिकेट संघ मायदेशात इंग्लंडविरुद्ध कसोटी मालिका खेळण्यासाठी सज्ज झाला आहे. ही ३ सामन्यांची कसोटी मालिका ७ ऑक्टोबरपासून मुलतानमध्ये सुरू होणार आहे. दरम्यान, पाकिस्तान कसोटी संघाचा कर्णधार शान मसूदने एक मोठं विधान केलं आहे, जे अनेकांना आवडलेलं नाही. वास्तविक, या मालिकेपूर्वी शान मसूद पत्रकार परिषदेत पत्रकारांच्या प्रश्नांना उत्तरे देत होता.

नक्की वाचा
Rohit Sharma Statement on India win Over Bangladesh in Kanpur Test IND vs BAN
IND vs BAN: “भले आम्ही १०० वर ऑल आऊट झालो असतो पण…”, भारताच्या विजयानंतर रोहित शर्माचं मोठं विधान, नेमकं म्हणाला तरी काय?
4th October Rashi Bhavishya in marathi
४ ऑक्टोबर पंचांग: मेष, वृषभसह ‘या’ राशींवर देवी…
Yashasvi Jaiswal: यशस्वी जैस्वालने थेट सेहवागला दिली टक्कर, भारताच्या कसोटी इतिहासात रोहित-विराट-धवन यांनाही जमली नाही अशी कामगिरी
IND vs BAN Basit Ali Slams Bangladesh Captain Najmul Hossain Shanto
IND vs BAN : ‘शांतोने भारताबरोबर ‘तो’ माईंड गेम खेळायला नको होता’, बासित अलीने बांगलादेशच्या कर्णधारावर साधला निशाणा
IND vs BAN 2nd Test Ravichandran Ashwin won Ashwin won 11th Player Of The Series Awards
IND vs BAN : कानपूर कसोटीत अश्विनची ऐतिहासिक कामगिरी, मुरलीधरनच्या ‘या’ खास विक्रमाची केली बरोबरी
India Becomes First Team in 21st Century to Declared the First Innings under 35 overs in IND vs BAN Kanpur Test
IND vs BAN: टीम इंडियाने कानपूर कसोटीत लिहिला नवा इतिहास, २१व्या शतकात ‘ही’ कामगिरी करणारा ठरला पहिला संघ
WTC Points Table 2025 India Hold 1st Spot With Huge Margin After Series Win Against Bangladesh IND vs BAN
WTC Points Table मध्ये भारताची मोठी झेप, अंतिम फेरीसाठी दावेदारी मजबूत
IND vs BAN Test Series Highlights in Marathi
IND vs BAN Test Series : भारताच्या बांगलादेशवरील मालिका विजयाची ५ कारणे कोणती आहेत? जाणून घ्या

शान मसूद विराटबद्दल काय म्हणाला?

यावेळी त्याला कसोटी सलामीवीरांच्या खराब कामगिरीबद्दल प्रश्न विचारला असता मसूद संतापला. पत्रकाराने विचारले, ‘संघ अजूनही पक्षपातातून बाहेर येऊ शकला नाही का? कामगिरी न करणाऱ्या खेळाडूंना आम्ही संधी देत ​​आहोत. अब्दुल्ला शफीक असो की सॅम अयुब, एकाच प्रकारचे खेळाडू टी-२० आणि कसोटी खेळत आहेत.’

हेही वाचा – IND vs BAN : भारताचा बांगलादेशवर ‘बॅझबॉल’ शैलीत मालिका विजय, ऐतिहासिक विजयासह घरच्या मैदानावर केला विक्रम

यावर शान मसूद म्हणाला, ‘मी तुमचा आदर करतो पण तुमचा प्रश्न चुकीचा आहे. या वर्षी संघाची कामगिरी चांगली नाही हे मला मान्य आहे. पण कसोटी आणि टी-२० मिक्स करणे योग्य नाही. तुम्ही आकडेवारीबद्दल बोलत आहात. काही दिवसांपूर्वी मी एक आकडेवारी वाचत होतो की पहिल्या १९-२० कसोटींमध्ये २४ वर्षीय शफिकचे रेकॉर्ड विराट कोहलीपेक्षा चांगले आहेत.’

हेही वाचा – MUM vs ROI : देवदत्त पडिक्कलने हवेत उडी मारुन टिपला चित्तथरारक झेल, फलंदाज पृथ्वी शॉही झाला चकित, पाहा VIDEO

विराट-शफिकची आकडेवारी –

पहिल्या १९ कसोटी सामन्यांतील शफिकचे आकडे कोहलीच्या तुलनेत सरस असतील यात शंका नाही, पण शान मसूदच्या या विधानाने नव्या प्रकारची चर्चा सुरू झाली आहे. पहिल्या १९ कसोटी सामन्यांमध्ये विराट कोहलीने ३२ डाव खेळले आणि ४०.६२ च्या सरासरीने ११७८ धावा केल्या होत्या, तर शफीकने १९ सामन्यांच्या ३६ डावांमध्ये ४०.३५ च्या सरासरीने १३७२ धावा केल्या होत्या. येथे लक्षात घेण्यासारखी गोष्ट म्हणजे शफीकने कोहलीपेक्षा ४ डाव जास्त खेळले आहेत.