Mumbai Maharashtra News Today : शिक्षण आणि नोकऱ्यांमध्ये मराठा समाजाला १० टक्के आरक्षण देण्यासाठी काल (२० फेब्रुवारी) विशेष अधिवेशनात विधेयक मंजूर करण्यात आले. परंतु, हे आरक्षण मराठा आंदोलक नेते मनोज जरांगे पाटलांना मान्य नाही. ओबीसीतूनच आरक्षण मिळण्यासाठी त्यांची आग्रही मागणी आहे. त्याकरता ते पुन्हा एकदा आंदोलनाला बसणार आहेत. तर दुसरीकडे आगामी लोकसभा निवडणुकीकरता देशभर पक्षांतर मोहिमांना जोर आला आहे. महाराष्ट्रातही विरोधी पक्षातील नेते महायुतीत सामील होणार असल्याच्या चर्चा आहेत. यासह राज्यातील अनेक महत्त्वाच्या घडामोडी जाणून घ्या.

VBA Candidate List
Maharashtra News : वसंत मोरेंचा वंचितमध्ये प्रवेश
aditya thackeray
Maharashtra Breaking News : ‘वापरा आणि फेका’ हीच भापजची नीती; आदित्य ठाकरे यांची टीका
Maharashtra News : उद्धव ठाकरे यांनी घेतली कोल्हापूरच्या शाहू महाराजांची भेट, लोकसभेबाबत चर्चा
SANJAY RAUT
Maharashtra News : शिवसेनेला फोडण्यात ईडी, सीबीआयचा सिंहाचा वाटा; उद्धव ठाकरेंचा आरोप
Live Updates

Maharashtra News Live 21 February 2024 :  महाराष्ट्रातील ताज्या घडामोडी एका क्लिकवर

20:49 (IST) 21 Feb 2024
सुनील तटकरे स्पष्टच बोलले, “सुनेत्रा पवारच बारामतीमधून राष्ट्रवादीच्या उमेदवार”

राष्ट्रवादी काँग्रेसचे प्रदेशाध्यक्ष खासदार सुनिल तटकरे यांनी अप्रत्यक्षपणे सुनेत्रा पवारच बारामतीमधून राष्ट्रवादीच्या उमेदवार असल्याचे बुधवारी पुण्यात स्पष्ट केले.

सविस्तर वाचा...

20:48 (IST) 21 Feb 2024
दिल्लीनंतर पुणे पोलिसांचा सांगलीत छापा, आतापर्यंत साडेतीन हजार कोटींचे मेफेड्रोन जप्त

पुणे पोलिसांनी आतापर्यंत साडेतीन हजार कोटी रुपयांचे मेफेड्रोन जप्त केले आहे. दिवेश चिरंजीत भुटिया, संदीप राजपाल कुमार (दोघे रा. नवी दिल्ली) अशी अटक केलेल्यांची नावे आहेत.

सविस्तर वाचा...

20:24 (IST) 21 Feb 2024
लोकसभा निवडणुकीत महायुतीच्या जागावाटपाचे सर्वाधिकार कोणाला?…सुनील तटकरे यांनी सांगितले ‘हे’ नाव

महाराष्ट्रातील प्रत्येक लोकसभा मतदारसंघाची विद्यमान स्थिती, पक्षीय बलाबल आणि ताकद पाहून जागांची मागणी केली जाणार असल्याचे तटकरे यांनी म्हटले आहे.

सविस्तर वाचा...

19:31 (IST) 21 Feb 2024
“तरुणाईने मुस्कटदाबीला संवैधानिक मार्गाने उत्तर दिले पाहिजे”, साहित्यिक डॉ. किशोर कवठे यांचे आवाहन; गडचिरोलीत युवा साहित्य संमेलनाचे उद्घाटन

देशात वाढती राजकीय अस्थिरता, एकल धर्मांधता यामुळे भूमिका निर्माण होण्याच्या वयात तरुणांमध्ये संभ्रम आणि नकारात्मकता वाढीला लागली आहे, असे प्रतिपादन साहित्यिक डॉ. किशोर कवठे यांनी केले.

सविस्तर वाचा...

19:23 (IST) 21 Feb 2024
निवासी डॉक्टर राज्यव्यापी संपावर ठाम, गुरुवारी सायंकाळी ५ वाजल्यापासून जाणार संपावर

निवासी डॉक्टरांची संघटना असलेल्या ‘मार्ड’ने गुरूवारी सायंकाळी ५ वाजल्यापासून राज्यव्यापी संप पुकारण्याचा निर्णय घेतला आहे.

सविस्तर वाचा...

19:13 (IST) 21 Feb 2024
चंद्रपूर : पोटच्या गोळ्यानेच आईला संपवले, कुऱ्हाडीने केली हत्या; वडील जखमी

शेतीच्या ठेक्यातून मिळालेल्या पैशावरून त्यांच्यात वाद झाला आणि या वादातून ही घटना घडल्याचे सांगितले जात आहे.

सविस्तर वाचा...

19:04 (IST) 21 Feb 2024
सोलापुरात मेफेड्राॅन निर्मिती करणाऱ्या टोळीच्या सूत्रधाराला अखेर अटक

सोलापूर ग्रामीण पोलिसांनी या अंमली पदार्थ उत्पादनासह विक्रीशी संबंधित टोळीच्या म्होरक्यासह दोघांना जेरबंद केले आहे. आतापर्यंत या टोळीच्या एकूण १३ जणांना अटक करण्यात आली आहे.

सविस्तर वाचा...

18:50 (IST) 21 Feb 2024
‘आमच्या गावात विकसित भारत संकल्प यात्रा नको’, ‘या’ ग्रामपंचायतीचा ठराव चर्चेत

राज्य शासनाच्या आदेशाने ठिकठिकाणी ग्रामपंचायत स्तरावर या यात्रेचे आयोजन करण्यात येत आहे. परंतु शेतीचा हंगाम सुरू असल्याने ग्रामीण भागात नागरिक व्यस्त आहेत.

सविस्तर वाचा...

18:16 (IST) 21 Feb 2024
कल्याण रेल्वे स्थानकात स्फोटके सापडली, आरोपींचा शोध सुरू

सकाळी साडे अकरा वाजता दोन खोक्यांमध्ये भरलेली एकूण ५४ स्फोटके (डिटोनेटर्स) कल्याण लोहमार्ग पोलिसांनी जप्त केली आहेत.

सविस्तर वाचा...

17:58 (IST) 21 Feb 2024
सांगली : मिरजेत सुपर स्पेशालिटी हॉस्पिटलचा केंद्राकडे प्रस्ताव

सुपर स्पेशालिटी हॉस्पिटलचा प्रस्ताव राज्य शासनाच्या मंजुरीनंतर केंद्र शासनाला पाठविण्यात आला आहे.

सविस्तर वाचा...

17:43 (IST) 21 Feb 2024
आग्रह झाला तरी लोकसभा लढवणार नाही – पालकमंत्री सुरेश खाडे

कोणी कितीही आग्रह केला तरी मी लोकसभा निवडणूक लढविणार नाही, असे विधान पालकमंत्री सुरेश खाडे यांनी केले आहे.

सविस्तर वाचा...

17:33 (IST) 21 Feb 2024
सोलापूर : बारावी परीक्षेत एकही काॅपी सापडल्यास संबंधित शाळेवर फौजदारी कारवाई, जिल्हाधिकाऱ्यांचा इशारा

इयत्ता बारावी परीक्षेला बुधवारी प्रारंभ झाला. त्यानंतर येत्या १ मार्चपासून दहावीची परीक्षाही सुरू होणार आहे.

सविस्तर वाचा...

17:26 (IST) 21 Feb 2024
ठाणे : रेल्वेगाडीत महिलेचे छायाचित्र काढून विनयभंग

एक्स्प्रेस रेल्वेगाडीमध्ये महिलेचे मोबाईलवर छायाचित्र काढून तिचा विनयभंग करण्यात आल्याचा प्रकार उघडकीस आला आहे.

सविस्तर वाचा...

17:14 (IST) 21 Feb 2024
"मनोज जरांगे शातिर माणूस, तो स्वतःचाच फायदा बघतो", अजय महाराज बारस्कर यांचा आरोप

"मनोज जरांगेंनी संत तुकाराम महाराजांचा अपमान. तो सर्वांत शातिर माणूस आहे. तो फक्त स्वतःचा फायदा पाहतो. त्यानेच उद्धव ठाकरेंना शाष्टी पिंपळगावच्या आंदोलनात प्रचंड शिव्या दिल्या होत्या. आपल्या मूळ भूमिकेपासून मनोज जरांगे सतत बदलतो", अजय महाराज बारस्कर यांचा आरोप

16:27 (IST) 21 Feb 2024
पिंपरी : मोरवाडीत औद्योगिक कच-याला आग; सर्वत्र धुराचे लोट

पिंपरी : मोरवाडी न्यायालयाच्या मागील बाजूला मोकळ्या जागेतील औद्योगिक कचऱ्याला बुधवारी दुपारी आग लागली. रबर, प्लास्टिक कचऱ्यामुळे धुराचे लोट सर्वत्र पसरले आहेत.

सविस्तर वाचा...

16:25 (IST) 21 Feb 2024
डोंबिवलीत रविवारी तिरुपती बालाजी महोत्सव; तिरुमाला देवस्थान, डाॅक्टर श्रीकांत शिंदे फाऊंडेशनचे संयोजन

ज्या भाविकांना तिरूपती येथे जाऊन बालाजीचे दर्शन घेणे शक्य होत नाही, त्यांना स्थानिक पातळीवर दर्शनाची संधी उपलब्ध करून देणे, हाही या कार्यक्रमाचा उद्देश आहे.

सविस्तर वाचा...

16:24 (IST) 21 Feb 2024
भाईंदर : बोर्डाच्या परीक्षेच्या तोंडावर वाहतूक कोंडीचा त्रास, जागोजागी सुरु असलेल्या खोदकामामुळे नागरिक त्रस्त

भाईंदर : मिरा रोड व भाईंदर शहरात सध्या सिमेंट रस्ते उभारणी व इतर विकास कामांसाठी मोठ्या प्रमाणात खोदकाम केले जात आहे. यामुळे नागरिकांना वाहतूक कोंडीची समस्या जाणवत आहे. तर यांचा गंभीर फटका आता बोर्डाच्या परीक्षेला जाणाऱ्या बारावीच्या विद्यार्थांना सहन करावा लागणार आहे.

सविस्तर वाचा..

16:24 (IST) 21 Feb 2024
विरार पोलिसांचे कोंबिग ऑपरेशन, अपहृत मुलीची पोलिसांनी केली सुटका

वसई- विरार पोलिसांनी सुरू केलेल्या कोंबिग ऑपरेशनमध्ये अनपेक्षितपणे गुजरातवरून पळवून आणलेल्या एका मुलीची सुटका करण्यात आली असून घर सोडून पळून आलेल्या तरुणाचाही शोध लागला आहे.

सविस्तर वाचा...

16:05 (IST) 21 Feb 2024
मनोज जरांगेंनी सांगितली आंदोलनाची पुढची दिशा; म्हणाले, "हा तर फक्त ट्रेलर..."

२४ फेब्रुवारी रोजी महाराष्ट्रभर आपल्या गावात, शहरात रास्तारोको आंदोलन सुरू करायचं. सकाळी साडेदहा वाजता हे आंदोलन सुरू करून दुपारी एक वाजता संपवायचं आहे. या वेळेत ज्यांना कोणाला जमलं नाही त्यांनी ४ ते ६ वाजेपर्यंत आंदोलन करायचं - मनोज जरांगे

हा ट्रेलर आहे. पिक्चर पुढे सांगायचा आहे. ३ मार्चला महाराष्ट्रातील सर्व जिल्ह्यांत एकाच ठिकाणी, एकाच वेळी १२ ते १ आंदोलन सुरु झालं पाहिजे. रास्ता रोको सुरू झाला पाहिजे - मनोज जरांगे

15:50 (IST) 21 Feb 2024
‘मुख्यमंत्री माझी शाळा, सुंदर शाळा’ स्पर्धेत पनवेल महापालिकेने बाजी मारली

राज्याच्या शिक्षण विभागाने केंद्र स्तरावर, तालुका, जिल्हा आणि राज्य स्तरावर ‘सुंदर शाळे’ची स्पर्धा आयोजित केली आहे.

सविस्तर वाचा...

15:47 (IST) 21 Feb 2024
पुणे : लष्करी सरावादरम्यान कोथरुडमध्ये सदनिकेच्या खिडकीवर बंदुकीची गोळी

पुणे : पौड रस्त्यावरील भुसारी कॉलनी परिसरात एका सदनिकेतील गॅलरीची काच फोडून बंदुकीची गोळी शिरल्याची धक्कादायक घटना मंगळवारी दुपारी घडली.

सविस्तर वाचा...

15:45 (IST) 21 Feb 2024
कांद्यावरील निर्यात बंदी कायम ठेवल्यानंतर शेतकरी संघटना आक्रमक

पुणे : लोकसभा निवडणुकीच्या पार्श्वभूमीवर शहरी ग्राहक आणि मतदारांना खूश ठेवण्यासाठी कांदाउत्पादक शेतकऱ्यांचा जाणीवपूर्वक बळी दिला जात आहे. असा आरोप अखिल भारतीय किसान सभेचे राष्ट्रीय सहसचिव डॉ. अजित नवले यांनी केला आहे.

सविस्तर वाचा...

15:37 (IST) 21 Feb 2024
जलसंधारण अधिकारी परीक्षेचा पेपर फुटला, विभागाच्या अधिकाऱ्यानेच प्रश्नपत्रिका फोडली!

नागपूर : महाराष्ट्र राज्य शासनाच्या मृदू व जलसंधारण विभागाच्या वतीने विविध पदांसाठी जाहिरात देण्यात आली. यानुसार विविध पदांसाठी परीक्षा सुरू आहे. यासाठी ९ फेब्रुवारी  मृद व जलसंधारण विभागाने परीक्षेची तारीख जाहीर केली आहे.

सविस्तर वाचा

15:36 (IST) 21 Feb 2024
शालेय विद्यार्थ्यांना सेल्‍फी अपलोड करण्‍याची सक्‍ती ; पालक-शिक्षकांमध्‍ये नाराजी

अमरावती : शाळाबाह्य कामांमुळे आधीच त्रस्‍त असलेल्‍या शिक्षकांसमोर आणखी एक नवीन संकट उभे ठाकले असून 'मुख्‍यमंत्री माझी शाळा, सुंदर शाळा' या उपक्रमाअंतर्गत शासकीय आणि खाजगी व्‍यवस्‍थापनाच्‍या शाळांमधील विद्यार्थ्‍यांना येत्‍या २५ फेब्रुवारीपर्यंत मुख्‍यमंत्र्यांच्‍या संदेश पत्रासोबत विद्यार्थी आणि पालकांचा सेल्‍फी संकेतस्‍थळावर अपलोड करण्‍याची सक्‍ती करण्‍यात आल्‍याने शालेय शिक्षण प्रभावित झाल्‍याचा आक्षेप पालक आणि शिक्षकांनी नोंदविला आहे.

सविस्तर वाचा

15:35 (IST) 21 Feb 2024
२५ ते २६ फेब्रुवारीदरम्यान पावसाची शक्यता !

नागपूर : वातावरणात सातत्याने होणारा बदलाचा परिणाम ऋतुंवर होत असून बाराही महिने अवकाळी पावसाने राज्यात ठाण मांडले आहे.हिवाळ्यात यावर्षी थंडी जाणवलीच नाही. तर पावसाळ्यात जितका पाऊस झाला नसेल, तितका अवकाळी पाऊस मात्र बाराही महिने पडत आहे.

सविस्तर वाचा

15:35 (IST) 21 Feb 2024
छत्रपतींच्या मावळ्यांचा ‘दांडपट्टा’ राज्यशस्त्र म्हणून घोषित; सुधीर मुनगंटीवार यांची आग्रा किल्ल्यावरून घोषणा

चंद्रपूर: ज्या किल्ल्यावरून क्रूर, अत्याचारी, जुलमी औरंगजेबाने छत्रपती शिवाजी महाराजांचे स्वराज्याचे स्वप्न उधळून टाकण्याचा अयशस्वी प्रयत्न केला, त्याच आग्रा येथील किल्ल्याच्या दिवाण-ए-खासमधून महाराजांच्या आणि मावळ्यांच्या पराक्रमाचे प्रतिक असलेला दांडपट्टा 'राज्यशस्त्र ' म्हणून घोषित करण्यात आला.

सविस्तर वाचा

15:35 (IST) 21 Feb 2024
बारामतीत सुप्रिया सुळे विरुद्ध सुनेत्रा पवार नव्हे, ‘यांच्या’त होणार लढत, रोहित पवार यांचे मोठे विधान

पिंपरी : अजित पवार यांची भूमिका लोकांना आवडली नाही. बारामती लोकसभा जागेसाठी अजित पवार यांनी उमेदवार ठरविला आहे. पण, अद्याप जाहीर केला नाही, असे रोहित पवार म्हणाले.

सविस्तर वाचा...

15:33 (IST) 21 Feb 2024
नागपूर: भरधाव कारने पाच वर्षीय मुलाला चिरडले

नागपूर : शहरातील रस्ते अपघातांवर वाहतूक पोलिसांना नियंत्रण मिळविण्यावर अपयश येत असल्यामुळे अपघातांची मालिका सुरुच आहे. नवीन घटनेत एका भरधाव कारने रस्ता ओलांडणाऱ्या पाच वर्षीय मुलाला धडक दिली. त्या मुलाचा उपचारादरम्यान मृत्यू झाला.

सविस्तर वाचा

15:21 (IST) 21 Feb 2024
वसई-विरारमधील २९ गावांचा वाद : गावे समाविष्ट करण्याच्या नव्या निर्णयाला नव्याने आव्हान द्या, विरोध करणाऱ्या याचिकाकर्त्यांना उच्च न्यायालयाची सूचना

मुंबई : वसई-विरार महापालिकेच्या पश्चिम पट्ट्यातील हद्दीतील २९ गावांबाबत राज्य सरकारने नुकत्याच काढलेल्या अधिसूचनेला नव्याने आव्हान द्या, अशी सूचना उच्च न्यायालयाने मंगळवारी निर्णयाला विरोध असलेल्या याचिकाकर्त्यांना केली.

सविस्तर वाचा...

15:20 (IST) 21 Feb 2024
विधानसभा अध्यक्षांसह शरद पवार गटाच्या १० आमदारांना उच्च न्यायालयाची नोटीस

मुंबई : राष्ट्रवादी काँग्रेसच्या शरद पवार गटाच्या १० आमदारांना पात्र ठरवण्याच्या विधानसभा अध्यक्ष राहुल नार्वेकर यांचा निर्णय कायद्याला धरून नाही, असा दावा करून या निर्णयाला आव्हान देणाऱ्या राज्याचे उपमुख्यमंत्री अजित पवार यांच्या गटाच्या याचिकेची उच्च न्यायालयाने बुधवारी दखल घेतली. तसेच, विधानसभा अध्यक्षांसह शरद पवार गटाच्या १० आमदारांना नोटीस बजावून याचिकेवर भूमिका स्पष्ट करण्याचे आदेश दिले.

सविस्तर वाचा...

15:04 (IST) 21 Feb 2024
राज्यातील कुष्ठरुग्णांसाठी पोषण आहार योजना!

मुंबई : आरोग्य विभागाच्या माध्यमातून विविध पातळ्यांवर कुष्ठरोग निर्मूलनासाठी होणाऱ्या प्रयत्नांमधून नवीन कुष्ठरुग्णांची संख्या वाढत असल्याचे दिसून येत आहे. मागील तीन वर्षात सातत्याने या शोध मोहिमेत कुष्ठरुग्णांची संख्या वाढत असून या कुष्ठरुग्णांसाठी उपचारादरम्यान पोषण आहार देण्याचा निर्णय आरोग्यमंत्री तानाजी सावंत यांनी घेतला आहे. प्रतिकुष्ठरुग्ण ५०० रुपये पोषण आहार देण्यात येणार असल्याचे आरोग्य विभागाच्या सूत्रांनी सांगितले.

सविस्तर वाचा...

15:04 (IST) 21 Feb 2024
रायगडमध्ये निधीच्या विनियोगात मंत्री आदिती तटकरे पिछाडीवर

अलिबाग – आमदारांना मतदारसंघातील पायाभूत सुविधांची कामे करता यावीत यासाठी राज्यसरकारने प्रत्येक आमदारांना पाच कोटी रुपयांचा निधी उपलब्ध करून दिला आहे. हा निधी मार्च अखेरपर्यंत वापरणे अपेक्षित आहे. या निधीच्या विनियोगात रायगड जिल्ह्यात पेणचे आमदार रविशेठ पाटील आघाडीवर आहेत. तर श्रीवर्धनच्या आमदार आणि राज्याच्या महिला व बाल विकास मंत्री आदिती तटकरे आणि पनवेलचे आमदार प्रशांत ठाकूर पिछाडीवर आहेत.

सविस्तर वाचा...

15:03 (IST) 21 Feb 2024
मराठा आरक्षणाचा राजकीय फायदा होणार का ?

मराठा समाजाला दहा टक्के आरक्षण देण्याचे विधेयक विधिमंडळाच्या उभय सभागृहांमध्ये एकमताने मंजूर झाल्यानंतर त्याचे राजकीय श्रेय घेण्याची चढाओढ सुरू झाली आहे.

सविस्तर वाचा...

15:03 (IST) 21 Feb 2024
जयंत पाटील यांचे पुत्र लोकसभेच्या रिंगणात? पक्षाच्या नेत्यांची मागणी

सांगली : वाळवा आणि शिराळा या दोन तालुक्याचा समावेश असणार्‍या हातकणंगले लोकसभा मतदार संघातून राष्ट्रवादीचे प्रदेशाध्यक्ष जयंत पाटील यांचे पुत्र प्रतिक पाटील यांनाच राष्ट्रवादीची उमेदवारी मिळावी अशी मागणी मुंबईच्या बैठकीत करण्यात आली. लोकसभेसाठी इंडियाचे उमेदवार म्हणून प्रतिक पाटील यांना संधी मिळाली तर या मतदार संघात तुल्यबळ तिरंगी लढत होण्याची शक्यता असल्याने राज्यातील लक्ष्यवेधी लढत ठरण्याची चिन्हे आताच दिसत आहेत.

सविस्तर वाचा...

15:03 (IST) 21 Feb 2024
मोबाईलवर आलेल्या जाहिरातीवर क्लिक करणे पडले महागात, आमिष दाखवून १२ लाखांची फसवणूक

मोबाईल वापरत असताना त्यावर अनेक जाहिरातीच्या लिंक हमखास येतात. अशा लिंक उघडू नका, फसवणूक होऊ शकते अशा सूचना पोलीस वारंवार देतात.

सविस्तर वाचा...

15:02 (IST) 21 Feb 2024
मुंबई : डोक्यात विटा पडून ६५ वर्षीय सुरक्षा रक्षकाचा मृत्यू, दहिसर पोलीस ठाण्यात गुन्हा दाखल

मुंबई : दहिसर पश्चिम येथे डोक्यात विटा पडून ६५ वर्षीय सुरक्षा रक्षकाचा मृत्यू झाला. याप्रकरणी इमारतीच्या नूतनीकरणाचे काम घेतलेल्या कंपनीच्या मुकादमाविरोधात गुन्हा दाखल करण्यात आला आहे. उद्वाहनातून विटा घेऊन जात असताना त्या सुरक्षा रक्षकाच्या डोक्यात पडल्या. पुढे उपचारादरम्यान त्यांचा मृत्यू झाला.

सविस्तर वाचा...

14:57 (IST) 21 Feb 2024
अजितदादांचा सख्खा पुतण्या शरद पवारांसोबत, रोहित पवार म्हणाले…

पिंपरी : उपमुख्यमंत्री अजित पवार यांचे सख्खे बंधू श्रीनिवास पवार यांचे चिरंजीव युगेंद्र पवार यांनी शरद पवार यांना साथ देण्याचा निर्णय घेतला आहे. त्यावर पिंपरीत असलेले युगेंद्र यांचे बंधू आमदार रोहित पवार म्हणाले की

सविस्तर वाचा...

14:54 (IST) 21 Feb 2024
पनवेल : व्यायामशाळेला शिवजयंतीची सुट्टी न दिल्याने वाद

पनवेल : शिवजयंतीच्या दिवशी व्यायामशाळेला सुट्टी न दिल्याने कामगारांमध्ये शिवीगाळ होऊन भांडण झाल्याची घटना घडली आहे. याबाबत कळंबोली पोलीस ठाण्यात सोमवारी रात्री गुन्हा नोंदविण्यात आला आहे. कळंबोली येथील सेक्टर १० मधील पॉवर फीट जीममध्ये १९ वर्षीय प्रवीण सिंग आणि ४२ वर्षीय इमरान शेख हे काम करतात. सिंग व इमरान यांनी दिलेल्या तक्रारीवरुन पोलीसांनी परस्परविरोधी गुन्हे नोंदविण्याची कार्यवाही केली. सोमवारी रात्री दहा वाजता इमरान यांनी सिंग याला आणि सिंग याने इमरान यांना शिवीगाळ केल्याने हे प्रकरण पोलीस ठाण्यात गेले. पोलीसांनी दोघांविरोधात परस्पर विरोधी भादवी ५०४ कलमाप्रमाणे गुन्हा नोंदविला आहे.

14:47 (IST) 21 Feb 2024
“अजित पवारांचा भाजपामध्ये वट राहिला नाही, त्यांना लोकसभेच्या चारच जागा…”, रोहित पवारांची अजित पवारांवर टीका

अजित पवार आणि एकनाथ शिंदे यांना दाबले जात आहे. लोकसभेनंतर त्यांची किंमत काय होईल ते सांगता येत नाही, असे रोहित पवार यांनी म्हटले आहे.

सविस्तर वाचा...

14:21 (IST) 21 Feb 2024
नागपुरात गुन्हेगार सुसाट! भरचौकात गुंडांनी तरुणीसोबत...

नागपूर: नवे पोलीस आयुक्त रुजू झाल्यापासून हत्याकांडाची मालिका आणि गुन्हेगारांमध्ये टोळीयुद्ध रंगली आहेत. अनेक लहान गुन्हेगार वस्तीत वर्चस्व निर्माण करण्यासाठी सरसावले आहे. त्यामुळे शहरातील पोलिसांचा वचक संपल्यागत दिसत आहे.

सविस्तर वाचा

14:10 (IST) 21 Feb 2024
‘फॉरेन टूर’ सांगून भामट्याने घातला लाखोचा गंडा, महिला विमानतळावरून माघारी

वर्धा : सहलीला जाण्याची सर्वांनाच ओढ असते. त्यात विदेशात जाण्याची संधी मिळत असेल तर मग आनंदाला उधाण येणारच. या पार्श्वभूमीवर असंख्य ट्रॅव्हल्स कंपन्या स्थापन झाल्या आहेत. तसेच काही टूर आयोजित करणारे व्यवसायिकही आहेत.

सविस्तर वाचा

14:10 (IST) 21 Feb 2024
छत्रपतींच्या मावळ्यांचा ‘दांडपट्टा’ राज्यशस्त्र म्हणून घोषित; सुधीर मुनगंटीवार यांची आग्रा किल्ल्यामधून घोषणा

चंद्रपूर: ज्या किल्ल्यावरून क्रूर, अत्याचारी, जुलमी औरंगजेबाने छत्रपती शिवाजी महाराजांचे स्वराज्याचे स्वप्न उधळून टाकण्याचा अयशस्वी प्रयत्न केला, त्याच आग्रा येथील किल्ल्याच्या दिवाण-ए-खासमधून महाराजांच्या आणि मावळ्यांच्या पराक्रमाचे प्रतिक असलेला दांडपट्टा ‘राज्यशस्त्र ‘ म्हणून घोषित करण्यात आला.

सविस्तर वाचा

14:08 (IST) 21 Feb 2024
ठाण्यातील ‘गोएंका इंटरनॅशनल स्कूल’मधील लहान मुला मुलींचा विनयभंग

ठाणे – ठाण्यातील सी पी गोयंका या शाळेतील सहली निमित्ताने निघालेल्या बसगाडीत लहान मुला मुलींचा विनयभंग झाल्याचा धक्कादायक प्रकार उघडकीस आला आहे. याप्रकरणी जावेद खान (२७) या व्यक्तीविरोधात गुन्हा दाखल करण्यात आला असून पोलिसांनी त्याला अटक केली आहे.

सविस्तर वाचा

14:07 (IST) 21 Feb 2024
संतापजनक! दोन वृद्धांचा दहा वर्षीय मुलीवर अत्याचार; तीन महिन्यांपासून लैंगिक शोषण

नागपूर:  शेजारी राहणाऱ्या दाम्पत्याच्या दहा वर्षीय मुलीवर दोन वृद्ध गेल्या तीन महिन्यांपासून लैंगिक अत्याचार करीत होते.ही संतापदायक प्रकार धंतोली ठाण्यांतर्गत उघडकीस आला आहे. अखेर मुलीने आईला याबाबत सांगितले आणि प्रकरण पोलिसापर्यंत पोहोचले. धंतोली पोलिसांनी गुन्हा नोंदवून दोन्ही वृद्ध आरोपींना अटक केली.

सविस्तर वाचा

14:02 (IST) 21 Feb 2024
छत्रपती संभाजीनगरमध्ये अतिक्रमण हटाव मोहिमेदरम्यान लाठीचार्ज

छत्रपती संभाजीनगर : अतिक्रमण काढण्यासाठी गेलेल्या महानगरपालिका व पोलिसांच्या पथकावर मुकुंदवाडी परिसरातील विश्रांतीनगरमध्ये बुधवारी दुपारी संतप्त जमावाने दगडफेक केली. यानंतर पोलिसांनी लाठीचार्ज केला. यामध्ये १५ कर्मचारी जखमी झाले असल्याची प्राथमिक माहिती आहे. घटनास्थळी पोलिसांचा बंदोबस्त असून वातावरण तणावपूर्ण बनले आहे.

14:00 (IST) 21 Feb 2024
बैलाचा उल्लेख करत रोहित पवारांची अजित पवारांवर टीका, म्हणाले, "बैल कधी..."

दोन गटांत विभागणी झाल्यानंतर पवार कुटुंबातील नेतेदेखील एकमेकांना लक्ष्य करताना दिसतायत. आगामी लोकसभा निवडणूक अवघ्या काही महिन्यांवर आली आहे. त्यामुळे टीकेचे स्वरुप आणखी कठोर होताना दिसत आहे. असे असतानाच राष्ट्रवादी काँग्रेस- शरद पवार पक्षाचे नेते तथा आमदार रोहित पवार यांनी बैलाचे उदाहरण देऊन उपमुख्यमंत्री अजित पवार यांना त्यांचं नाव न घेता लक्ष्य केलं. ते (२० फेब्रुवारी) अहमदनगर जिल्ह्यातील एका कार्यक्रमात बोलत होते. वाचा सविस्तर

13:58 (IST) 21 Feb 2024
तळोजा कारागृहात शिक्षा भोगत असलेला कल्याणमधील कैदी फरार, बाजारपेठ पोलीस ठाण्यात गुन्हा दाखल

तळोजा कारागृह प्रशासनाला या कैद्याने दिलेल्या हमीपत्राप्रमाणे विहित वेळेत तुरुंगात दाखल होणे अपेक्षित होते.

सविस्तर वाचा...

13:40 (IST) 21 Feb 2024
नाशिक : आरोग्य विद्यापीठाचा शुक्रवारी दीक्षांत सोहळा

महाराष्ट्र आरोग्य विज्ञान विद्यापीठाचा २३ वा दीक्षांत समारंभ शुक्रवारी येथील विद्यापीठ मुख्यालयात आयोजित करण्यात आला आहे.

सविस्तर वाचा...

13:30 (IST) 21 Feb 2024
"...तर तुला तुरुंगातच समाधी घ्यावी लागेल", जरांगेंची जीभ घसरली; रोख कोणावर?

"तुम्ही काय करता हे मला माहीत आहे. घातपात करण्यासाठी कोण कार्यकर्ता होता हेही मला माहितेय. मराठ्यांनी तुला जेलमध्ये टाकायचं ठरवलं तर तुला आतच समाधी घ्यावी लागेल, हे ध्यानात ठेव. मी पोलीस यंत्रणेपेक्षाही गुप्तचर यंत्रणेसारखा काम करत असतो", असं म्हणत मनोज जरांगे पाटलांनी छगन भुजबळांचं नाव न घेता टीका केली.

Maharashtra News Live Today 28 August 2023

महाराष्ट्र ब्रेकिंग न्यूज लाइव्ह

Maharashtra News Live 21 February 2024 :  महाराष्ट्रातील ताज्या घडामोडी एका क्लिकवर