सांगली : शिवप्रतिष्ठानचे संस्थापक संभाजी भिडे गुरुजी यांच्यावर कुत्र्याने हल्ला केल्याची घटना सोमवारी रात्री घडली. यामध्ये ते जखमी झाले असून त्यांना उपचारासाठी जिल्हा शासकीय रुग्णालयात दाखल करण्यात आले आहे.
काल रात्री उशिरा कार्यक्रम आटोपून घरी येत असताना भिडे गुरुजींवर एका भटक्या कुत्र्याने हल्ला करत पायाचा चावा घेतला. सांगली शहरातील माळी गल्ली या ठिकाणी हा प्रकार घडला. जखमी झालेल्या भिडे गुरूजींना उपचारासाठी तातडीने शासकीय रुग्णालयात दाखल करण्यात आले आहे.
