Nagarjuna Akkineni: दाक्षिणात्य सिनेविश्वाला नागार्जुन यांनी एकापेक्षा एक हिट चित्रपट दिले आहेत. सध्या ते त्यांचा मुलगा नागा चैतन्यच्या लग्नाच्या गडबडीत व्यग्र आहेत. सोशल मीडियावर नागा चैतन्य आणि सोभिता धुलिपाला या दोघांच्या लग्नाच्या विविध विधी आणि काही समारंभाचे फोटो व्हायरल होत आहेत. नुकताच या दोघांचा हळदी समारंभ पार पडला. लग्नाच्या लगबगीत सध्या नागार्जुनसुद्धा सोशल मीडियावर चर्चेचा विषय ठरत आहेत.
नागार्जुन यांच्या कारच्या कलेक्शनमध्ये नुकतीच आणखी एक आलिशान कार सहभागी झाली आहे. त्यांनी ‘लेक्सस एलएम एमपीवी’ ही महागडी कार खरेदी केली आहे. नुकतेच ते या कारच्या नोंदणीसाठी हैदराबादच्या आरटीओ ऑफिसमध्ये आले. त्यावेळचे काही फोटो आणि व्हिडीओ आता सोशल मीडियावर व्हायरल होत आहेत.
हेही वाचा : ८ वर्षांच्या अफेअरनंतर प्रसिद्ध अभिनेत्रीने केलं आंतरधर्मीय लग्न, पारंपरिक पद्धतीने पार पडला विवाहसोहळा, फोटो आले समोर
नागार्जुन, नागा चैतन्य आणि सोभिताला देणार गिफ्ट
नागार्जुन यांनी खरेदी केलेली ही कार त्यांच्यासाठी नसून नवीन जोडप्यासाठी असणार आहे, अशी चर्चा सध्या सुरू आहे. नागार्जुन ही कार नागा चैतन्य आणि सोभिताला लग्नाचं गिफ्ट म्हणून देतील, असं म्हटलं जात आहे.
कारची किंमत किती?
नागार्जुन यांनी खरेदी केलेली ही कार मरून रंगाची असून याची किंमत २.५ कोटी रुपये असण्याची शक्यता आहे. याची खरी किंमत अद्याप समजलेली नाही. कार कंपनीच्या अधिकृत वेबसाइटवर असलेल्या माहितीनुसार, लेक्सस एलएम एमपीवी कार एक हायब्रिड-इलेक्ट्रिक वाहन आहे.
हेही वाचा : अक्षराची मोठी फसवणूक! भुवनेश्वरीच्या प्लॅनमध्ये अधिपती सामील? मास्तरीण बाई भावुक…; पाहा प्रोमो
नागा चैतन्य आणि सोभिता धुलिपाला गेल्या दोन वर्षांपासून एकमेकांना डेट करत आहेत. ऑगस्टमध्ये हैदराबाद येथे कुटुंबीय आणि मित्र परिवाराच्या साक्षीने त्यांचा साखरपुडा झाला. त्यानंतर नागार्जुन यांनी त्यांच्या एक्स अकाउंटवर मुलाचे आणि नव्या सुनेचे फोटो पोस्ट करत याबाबत घोषणा केली होती. अशात आता ४ डिसेंबरला सोभिता आणि नागा चैतन्य यांचा विवाहसोहळा पार पडणार आहे.
