scorecardresearch

Premium

“अशोकमामा मला प्रेमाने ‘अशी’ हाक मारतो…,” प्रशांत दामले यांनी अनेक वर्षांनी उघड केलं गुपित

अशोक सराफ आणि प्रशांत दामले यांनी अनेक चित्रपटांमध्ये एकत्र काम केलं आहे.

अशोक सराफ आणि प्रशांत दामले हे मनोरंजन सृष्टीतील दोन दिग्गज कलाकार. आपल्या अभिनयाने आणि हजरजबाबीपणाने गेली अनेक वर्ष ते प्रेक्षकांच्या मनावर अधिराज्य गाजवत आहेत. ‘आयत्या घरात घरोबा’, ‘सगळीकडे बोंबाबोंब’, ‘प्रेमांकुर’, ‘आनंदी आनंद’ अशा अनेक चित्रपटांमध्ये त्यांनी एकत्र काम केलं आहे. गेल्या काही वर्षात त्यांनी स्क्रीन शेअर केला नसला तरी त्यांच्यातलं प्रेम आणि जिव्हाळा हा आजही तसाच आहे. आता नुकतंच प्रशांत दामले यांनी अशोक मामा त्यांना कोणत्या नावाने हाक मारतात हे गुपित उघड केलं आहे.

प्रशांत दामले हे सोशल मीडियावर चांगलेच सक्रिय असतात. विविध पोस्ट शेअर करत ते त्यांच्या आयुष्यात घडणाऱ्या महत्त्वाच्या घडामोडी चाहत्यांना सांगत असतात. त्याचबरोबर त्यांच्या नाटकांच्या प्रयोगांची माहिती, प्रयोगादरम्यान किमात प्रयोगाच्या दौऱ्यादरम्यान घडणारे किस्से चाहत्यांची शेअर करत असतात. आता नुकताच त्यांनी एक फोटो पोस्ट केला होता. त्यावर त्यांच्या चाहत्याने केलेल्या कमेंटवर प्रशांत दामले यांनी दिलेलं उत्तर सध्या चर्चेत आहे.

ashutosh-gowariker-biopic
आशुतोष गोवारीकर सादर करणार भारतातील ‘या’ उत्तुंग व्यक्तिमत्त्वावरील बायोपिक; पोस्टरसह केली चित्रपटाची घोषणा
bhagyashree patvardhan
Video परिणीती- राघव यांच्या संगीत सोहळ्यात अभिनेत्री भाग्यश्री यांनी केला राजस्थानी डान्स; कपड्यावरुन नेटकऱ्यांनी केलं ट्रोल म्हणाले…
Jawan Movie
भारतीय सेनेच्या जवानांसाठी ‘जवान’ चित्रपटाचे स्पशेल स्क्रीनिंगचे आयोजन, दिग्दर्शक एटलीही हजर
naseeruddin-shah-gadar2
“पुढच्या पिढीला…” ‘गदर २’ व ‘द काश्मीर फाइल्स’सारख्या चित्रपटांविषयी नसीरुद्दीन शाह यांनी व्यक्त केली नाराजी

आणखी वाचा : ‘एका लग्नाची पुढची गोष्ट’ला फालतू आणि दर्जाहीन म्हणणाऱ्याला प्रशांत दामलेंचं सडेतोड उत्तर, म्हणाले…

प्रशांत दामले यांनी मकर संक्रांतीनिमित्त ‘एका लग्नाची तिसरी गोष्ट’ या नाटकाच्या टीमबरोबर एक फोटो पोस्ट करत चाहत्यांना मकर संक्रांतीच्या शुभेच्छा दिल्या. त्यावर कमेंट करत त्यांच्या एका चाहत्याने लिहिलं, “सेम टू यू. दांबले सर, पुन्हा हा प्रयोग गडकरी रंगायतन ठाणे येथे कधी होईल? वाट पाहतोय.” यावर उत्तर देत प्रशांत दामले यांनी अशोक मामा त्यांना काय हाक मारतात याचा खुलासा केला. प्रशांत दामले यांनी लिहिलं, “दांबले हे आवडलं. अशोकमामा मला प्रेमाने अशी हाक मारतो.” त्यांच्या या उत्तरावर त्यांच्या अनेक चाहत्यांनी लाईक्स आणि कमेंट्सचा वर्षाव करत विविध प्रतिक्रिया दिल्या आहेत.

हेही वाचा : स्पृहा जोशीचा युट्यूब चॅनेल हॅक, माहिती देत अभिनेत्री म्हणाली, “आता सगळे व्हिडीओ…”

दरम्यान प्रशांत दामले यांची ‘एका लग्नाची पुढची गोष्ट’ आणि ‘सारखं काहीतरी होतंय’ ही दोन नाटकं रंगभूमीवर सुरु आहेत. या दोन्ही नाटकांना उत्कृष्ट प्रतिसाद मिळतोय.

Latest Comment
View All Comments
Post Comment

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Prashant damle shared what does ashok saraf call him rnv

First published on: 19-01-2023 at 13:24 IST

संबंधित बातम्या

मराठी कथा ×