अभिनेता अभिजीत खांडकेकर, उर्मिला कोठारे, प्रिया मराठे, तेजस्विनी लोणारी, अवनी तायवाडे, अवनी जोशी, दीप्ती जोशी, उमेश बने, पल्लवी वैद्य, शैलेश दातार अशी तगडी कलाकार मंडळी असलेली ‘तुझेच मी गीत गात आहे’ आज (१६ जून) बंद झाली आहे. ‘स्टार प्रवाह’ची लोकप्रिय आणि टीआरपीमध्ये टॉप-५मध्ये असणाऱ्या या मालिकेने गेल्या दोन वर्षांहून अधिक काळ प्रेक्षकांचं मनोरंजन केलं. पण आता मल्हार व स्वराच्या भेटीने मालिकेचा शेवट झाला आहे. त्यानिमित्ताने मालिकेतील कलाकार मंडळी सोशल मीडियावर खास पोस्ट लिहित आहेत. पिहू म्हणजे बालकलाकार अवनी जोशी अनोख्या अंदाजात प्रेक्षकांचे आभार व्यक्त केले आहेत.

२ मे २०२२ला ‘तुझेच मी गीत गात आहे’ मालिका प्रेक्षकांच्या भेटीस आली. ही मालिका अल्पावधीतच प्रेक्षकांच्या पसंतीस पडली. मल्हार, मोनिका, वैदही, स्वरा, पिहू, निरंजन, क्षमा, विजय, विक्रम अशा सगळ्या पात्रांनी प्रेक्षकांच्या मनात घर निर्माण केलं. मालिकेतील नवनवीन ट्विस्टने तर प्रेक्षकांचा चांगलं खिळवून ठेवलं. त्यामुळे मालिका टीआरपीच्या शर्यतीत कधी दुसऱ्या स्थानावर, कधी तिसऱ्या स्थानावर तर कधी चौथ्या स्थानावर असायची. गेल्या आठवड्यातील टीआरपीच्या यादीतही ‘तुझेच मी गीत गात आहे’ मालिका चौथ्या स्थानावर होती. पण असं असलं तरीही ‘स्टार प्रवाह’ वाहिनीने ही मालिका बंद करण्याचा निर्णय घेतला आहे.

a woman sings a heart touching song
“…वृद्धाश्रमात सोडून देता शेवटी आईबापाला” महिलेनी गायलं हृदयस्पर्शी गीत, व्हिडीओ पाहून डोळ्यात पाणी येईल
Prosenjit Chatterjee recalls working with Aishwarya Rai
“ती खूप…”, ऐश्वर्या रायबद्दल प्रसिद्ध अभिनेत्याचं वक्तव्य; दोघांनी २१ वर्षांपूर्वी ‘या’ सिनेमात केले होते रोमँटिक सीन
only 90s kid can understand magic of this song shaktiman
फक्त 90’s ची मुले समजू शकतात! “शक्ति-शक्ति-शक्तिमान..” तरुणांनी गायले नव्वदच्या दशकातील लोकप्रिय गाणं
kalakar katta famous place in pune
Pune : कलाकारांची हक्काची जागा! पुण्यातील कलाकार कट्टा, VIDEO होतोय व्हायरल
Sonakshi praised director Aditya Sarpotdar
सोनाक्षी सिन्हाला ‘झोंबिवली’ आवडतो तेव्हा…
Zombivli, Sonakshi Sinha, sonakshi sinha new movie,
सोनाक्षी सिन्हाला ‘झोंबिवली’ आवडतो तेव्हा…
Director Sukathankar, audience,
आता रडकेपणाने मराठी चित्रपटांविषयी चर्चा करणार की… दिग्दर्शक सुकथनकर यांच्या प्रेक्षकांना कानपिचक्या
Mahindra SUV discounts in June 2024:
टाटा-महिंद्रकडून ‘एसयूव्ही’च्या किमतीत कपात

हेही वाचा – Video: ‘अंगारों’ आणि निळू फुलेंच्या गाण्याच्या मॅशअपवर मराठमोळ्या प्राजक्ता कोळीचा जबरदस्त डान्स, श्रीवल्लीने केलं कौतुक

‘तुझेच मी गीत गात आहे’ मालिकेची जागा ‘थोडं तुझं आणि थोडं माझं’ नवी मालिका घेणार आहे. अभिनेत्री शिवानी सुर्वे व अभिनेता समीर परांजपे यांची प्रमुख भूमिका असलेली ही नवी मालिका १७ जूनपासून रात्री ९ वाजता पाहायला मिळणार आहे. अशातच ‘तुझेच मी गीत गात आहे’ मालिकेतील अवनी जोशीने अरिजित सिंहचं ‘मैनू विदा करो…’ गाणं गात प्रेक्षकांचे आभार मानले आहेत. अवनीनं शेअर केलेल्या व्हिडीओत, ती एकबाजूला गाणं गात असून दुसऱ्याबाजूला मालिकेतील कलाकारांबरोबरच्या आठवणी पाहायला मिळत आहेत. हा व्हिडीओ शेअर करत तिनं लिहिलं आहे, “आम्हा सगळ्यांकडून तुम्हा सर्वांना खूप धन्यवाद! असंच प्रेम करत राहा.”

हेही वाचा – “बंद होणार ही कल्पनाच सहन होत नाही”, ‘तुझेच मी गीत गात आहे’ फेम अभिजीत खांडकेकरची भावुक पोस्ट, म्हणाला, “अचानक एकेदिवशी…”

अवनीच्या या व्हिडीओवर कलाकार मंडळींसह चाहत्यांनी भरभरून प्रतिक्रिया दिल्या आहेत. “तू खूप छान काम केलंस. असंच पुढे छान काम करत राहा आणि आमचं मनोरंजन करत राहा”, “पिहू कायमच लक्षात राहशील. खूप खूप प्रेम. तुझं गाणं ऐकून रडायलाच आलं गं”, “किती गोड गं अवनी”, अशा प्रतिक्रिया चाहत्यांच्या उमटल्या आहेत.