लोकसत्ता प्रतिनिधी मुंबई : मध्य, पश्चिम रेल्वेवर अभियांत्रिकी आणि देखभालीची कामे पूर्ण करण्यासाठी रविवारी मेगाब्लॉक घेण्यात येणार आहे. मध्य रेल्वे मुख्य मार्गिका कुठे : माटुंगा - मुलुंडदरम्यान अप आणि डाऊन जलद मार्गावरकधी : सकाळी ११.१० ते दुपारी ३.१० वाजेपर्यंतपरिणाम : ब्लॉक कालावधीत सीएसएमटी येथून सुटणाऱ्या आणि सीएसएमटी येथे जाणाऱ्या अप आणि डाऊन जलद मार्गावरील लोकल माटुंगा - मुलुंड स्थानकांदरम्यान धीम्या मार्गावर वळविण्यात येतील. त्यामुळे त्या १५ मिनिटे विलंबाने धावतील. आणखी वाचा-ना. म. जोशी मार्ग बीडीडी चाळ पुनर्विकास: रहिवाशांच्या अनुपस्थितीमुळे सोडत रद्द हार्बर मार्ग कुठे : कुर्ला - वाशी स्थानकांदरम्यान अप आणि डाऊन मार्गावरकधी : सकाळी ११.१० ते दुपारी ४.१० वाजेपर्यंतपरिणाम : ब्लॉक कालावधीत सीएसएमटी ते वाशी / बेलापूर / पनवेल अप आणि डाऊन लोकल रद्द अकरण्यात येणार आहेत. ब्लॉक कालावधीत सीएसएमटी-कुर्ला आणि पनवेल - वाशी यादरम्यान विशेष लोकल धावतील. हार्बर मार्गावरील प्रवाशांना सकाळी १० ते सायंकाळी ६ या कालावधीत ठाणे - वाशी/ नेरूळ स्थानकांदरम्यान प्रवास करण्याची परवानगी आहे. आणखी वाचा-मुंबई : सर्व्हर डाऊन झाल्याने सीईटी परीक्षेत गोंधळ पश्चिम रेल्वे कुठे : सांताक्रूझ - गोरेगावदरम्यान अप व डाऊन धीम्या मार्गावरकधी : सकाळी १० ते दुपारी ३ वाजेपर्यंतपरिणाम : ब्लॉक काळात सांताक्रूझ - गोरेगावदरम्यान अप आणि डाऊन मार्गावरील धीम्या लोकल जलद मार्गावर चालविण्यात येतील. या लोकलला विलेपार्ले आणि राम मंदिर स्थानकात थांबा नसेल. तसेच ब्लॉकमुळे काही लोकल रद्द करण्यात येणार आहेत.
